Mateo 10:42 - Mixteco del suroeste de Tlaxiaco Oaxaca

⁴² Jee néni ɨɨn ñɨvɨ ya̱ ku̱ꞌva‑a sú kua̱chi ɨɨn ñejin nute víjin koꞌo ɨɨn rá ñɨvɨ náꞌví yaꞌá, jie̱ꞌe̱ꞌ ya̱ yɨ́tíñú ñɨvɨ náꞌví yaꞌá nu̱u̱nꞌ nuꞌuꞌ, jee máá naáꞌ vá káchíꞌ ni̱ꞌ nu̱u̱nꞌ rán, ya̱ nsáꞌ sukuíta ñɨvɨ sáꞌá suꞌva ta̱ꞌvi̱ꞌ kutaꞌviꞌ‑i nu̱u̱nꞌ Ndiosíꞌ ―nkachiꞌ Jesús.

Mateo 10:42 Iomraidhean Croise

Mateo 18:10

’Jee koto kúníichiꞌ iniꞌ rán ni ɨɨn rá su̱chí lúlí yaꞌá. Chi nuꞌuꞌ káchíꞌ ni̱ꞌ nu̱u̱nꞌ rán, ya̱ rá najiáꞌáꞌ ííꞌ ya̱ íyó ne̱ antivɨ́ súkún, ya̱ kúmí ráa rá su̱chí lúlí yaꞌá, jee sukuáni íñɨ́ rá najiáꞌáꞌ vá ichinúúnꞌ Tátáꞌ ni̱ꞌ ya̱ íyó ne̱ antivɨ́ súkún nákani ráa jie̱ꞌe̱ꞌ rává.

Mateo 18:14

Jee suni sukuán, ntu̱ví kuíni Tátáꞌ rán ya̱ nééꞌ antivɨ́ súkún, ya̱ kinaanꞌ ni ɨɨn rá su̱chí lúlí yaꞌá.

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Lucas 17:2

Chi va̱ꞌa ka̱ꞌ kúvi‑i retánꞌ sukuán jee kunuꞌniꞌ su̱ku̱nꞌ‑u ɨɨn yu̱u̱ꞌ molínúꞌ máá káꞌnú jee kɨ̱sikéne maa nu̱u̱nꞌ nteñúꞌún, nsú káꞌ retú xinínkava‑a ɨɨn rá su̱chí lúlí yaꞌá xinóo‑o ichi nuꞌuꞌ.

Lucas 6:35

’Soo kunu̱u̱nꞌ rán rá ñɨvɨ ya̱ túfíꞌ táꞌán ráa jín ránoꞌó jee saꞌá rán ya̱ váꞌa jín ráa. Jee ku̱ꞌvanúún rán nu̱u̱nꞌ ñɨvɨ sú ntu jíníꞌ rán ya̱ naniꞌinꞌ tuku rán maa. Jee máá ñáꞌnú ví ta̱ꞌvi̱ꞌ ni̱ꞌi̱nꞌ rán, jee kuvi rán se̱ꞌya Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ, chi ñúnkúún iniꞌ re̱ꞌ rá ñɨvɨ ya̱ ntu jiáꞌa ráa ya̱ kútaꞌviꞌ ráa nu̱u̱nꞌ re̱ꞌ jín rá ñɨvɨ niváꞌa.

2 Corintios 8:12

Chi retú ñúkáñá iniꞌ ɨɨn ñɨvɨ saꞌá‑a vá, jee kúváꞌa iniꞌ Ndiosíꞌ néꞌyá re̱ꞌ sáá ku̱ꞌva‑a sánikua̱ꞌ íyó kúmí‑i, jee nsáꞌ sánikua̱ꞌ ntu kúmí‑i.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.