Mateo 10:41 - Mixteco del suroeste de Tlaxiaco Oaxaca

⁴¹ Jee ɨɨn ñɨvɨ ya̱ nákani tu̱ꞌun kéne yuꞌú máá maá Ndiosíꞌ, jee ñɨvɨ ya̱ íyó mániꞌ iniꞌ‑i nákuatáꞌví‑i ñɨvɨ vá jie̱ꞌe̱ꞌ kúvi ñɨvɨ ya̱ nákani tu̱ꞌun kéne yuꞌú Ndiosíꞌ, jee kutaꞌviꞌ‑i nu̱u̱nꞌ Ndiosíꞌ ta̱ꞌvi̱ꞌ sánikua̱ꞌ jiáꞌa Ndiosíꞌ nu̱u̱nꞌ ñɨvɨ nákani tu̱ꞌun re̱ꞌ. Jee ñɨvɨ ya̱ íyó mániꞌ iniꞌ‑i nákuatáꞌví‑i ɨɨn ñɨvɨ na̱a̱ꞌ jie̱ꞌe̱ꞌ ya̱ kúvi ñɨvɨ vá ñɨvɨ na̱a̱ꞌ, jee kutaꞌviꞌ‑i nu̱u̱nꞌ Ndiosíꞌ ta̱ꞌvi̱ꞌ sánikua̱ꞌ jiáꞌa Ndiosíꞌ nu̱u̱nꞌ ñɨvɨ na̱a̱ꞌ.

Mateo 10:41 Iomraidhean Croise

Génesis 20:7

Saáva naxiníkó nú ñasɨ́ꞌɨ́ te̱e vá nu̱u̱nꞌ re̱ꞌ chi te̱e vá kúvi te̱e nákani tu̱ꞌun kéne yuꞌú máá maá ni̱ꞌ, jee ka̱ka̱nꞌ táꞌvíꞌ re̱ꞌ jie̱ꞌe̱ꞌ nú jee kutekuꞌ nú. Soo retú nnákúꞌva nú ña, jee kuniꞌ nú ya̱ kuviꞌ nijia nú jín ntáká rá táꞌán nú ―nkachiꞌ Ndiosíꞌ nu̱u̱nꞌ Abimelec.

Mateo 16:27

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, jee kiji tuku ni̱ꞌ iniꞌ ñɨ̱vɨ́ yaꞌá, jee viiꞌ víꞌí kuñáꞌnú ni̱ꞌ jín tiñu níso ni̱ꞌ kuéntáꞌ kua̱ꞌ kúñáꞌnú maá Tátáꞌ ni̱ꞌ Ndiosíꞌ, jee kiji ni̱ꞌ jín rá najiáꞌáꞌ ííꞌ ni̱ꞌ. Saájee nachunáán ni̱ꞌ nu̱u̱nꞌ ta ɨɨn rá ñɨvɨ sánikua̱ꞌ na̱ja íyó tiñu nsa̱ꞌá ráa.

Mateo 25:44

’Saájee suni naxiníkó ráa nu̱u̱nꞌ nuꞌuꞌ, jee kachiꞌ ráa: “I̱toꞌoꞌ, ¿na̱ tiempúꞌ niniꞌ ráníꞌ ya̱ jíso̱ko nú, áxí jíchíꞌ nú nute, áxí jíka nú kuéntáꞌ ɨɨn te̱e jíka íká inka ñuunꞌ, áxí kúmániꞌ saꞌma kuꞌun nú, áxí kúꞌvíꞌ nú, áxí yɨ́ꞌɨ́ nú veka̱a, jee ni ntu̱ví nchíneí ránꞌ noꞌó?”

Mateo 25:45

’Saájee naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán, ya̱ mákua sukuán ntu nsáꞌá rán maa jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee suni ntu nsáꞌá rán maa nu̱u̱nꞌ nuꞌuꞌ”, kachiꞌ ni̱ꞌ nu̱u̱nꞌ ráa.

Mateo 6:1

’Kumí rán maárán ya̱ koto saꞌá rán tiñu na̱a̱ꞌ váꞌa ichinúúnꞌ rá ñɨvɨ sáva kune̱ꞌyá ráa maa, chi retú saꞌá rán maa suꞌva jee Tátáꞌ rán ya̱ nééꞌ antivɨ́ súkún nsáꞌ nataji re̱ꞌ ta̱ꞌvi̱ꞌ nu̱u̱nꞌ rán.

Mateo 6:18

sáva ntu stúvi nú nu̱u̱nꞌ rá ñɨvɨ ya̱ íyó niteꞌ iniꞌ nú, chisaꞌ stúvi maa nu̱u̱nꞌ métúꞌún ni Tátáꞌ nú Ndiosíꞌ ya̱ íyó yuꞌuꞌ re̱ꞌ jín nú, jee suni maáréꞌ ya̱ jíníꞌ yuꞌuꞌ re̱ꞌ maa jee nataji re̱ꞌ ta̱ꞌvi̱ꞌ kutaꞌviꞌ nú.

Mateo 6:4

Saꞌá nú suꞌva sáva koo yuꞌuꞌ ya̱ ku̱ꞌva nú karidáꞌ nu̱u̱nꞌ ñɨvɨ jíniñúꞌún maa, jee maá Tátáꞌ nú Ndiosíꞌ ya̱ jíníꞌ re̱ꞌ ya̱ íyó yuꞌuꞌ, jee maáréꞌ nataji re̱ꞌ ta̱ꞌvi̱ꞌ nu̱u̱nꞌ nú.

Mateo 6:6

Soo noꞌó, sáá káꞌánꞌ nú jín Ndiosíꞌ, jee ni̱vɨ iniꞌ veꞌi nu̱u̱nꞌ koo métúꞌún nú, jee nakasɨꞌ nú yuvéꞌí yukuán, jee kaꞌanꞌ nú jín Tátáꞌ nú Ndiosíꞌ ya̱ íyó yuꞌuꞌ re̱ꞌ jín nú, jee Tátáꞌ nú chi jíníꞌ re̱ꞌ ya̱ sáꞌá yuꞌuꞌ nú sukuán, jee taji re̱ꞌ ta̱ꞌvi̱ꞌ kuvi nú.

Mateo 7:8

Chi ntáká ñɨvɨ ya̱ jíkánꞌ‑a, jee ni̱ꞌi̱nꞌ‑i. Jee ñɨvɨ ya̱ núkú‑u, jee naniꞌinꞌ‑i. Jee ñɨvɨ ya̱ síkájián‑a, jee kune maa.

Hechos 16:15

Jee sáá ña̱nuté ña jín rá táꞌán veꞌi ña, nkana ña ránuꞌuꞌ jee ni̱ka̱nꞌ táꞌvíꞌ ña: ―Ré káꞌvi iniꞌ rán ya̱ kúneí nijia iniꞌ ni̱ꞌ Jesús, kiji rán kino̱o rán veꞌi ni̱ꞌ. Jee nsi̱ínúꞌ ña iniꞌ ránꞌ.

Romanos 16:23

Jee Gayo, ya̱ táji re̱ꞌ veꞌi re̱ꞌ nééꞌ nuꞌuꞌ, Pablo, jee nɨꞌɨ rá ñɨvɨ kúneí iniꞌ ráa Cristo kútútú ráa veꞌi re̱ꞌ, jee tájí re̱ꞌ tu̱ꞌun jíkátu̱ꞌún re̱ꞌ nu̱u̱nꞌ rán. Jee Erasto, ya̱ kúvi te̱e tɨ́ɨn xu̱ꞌún ñuunꞌ yaꞌá, jín ñanitáꞌán‑ó Cuarto tájí ráa tu̱ꞌun jíkátu̱ꞌún ráa nu̱u̱nꞌ ránoꞌó.

1 Corintios 9:17

Chi retú sáꞌá ni̱ꞌ tiñu vá jie̱ꞌe̱ꞌ kuíni ni̱ꞌ saꞌá ni̱ꞌ maa, jee yukuán jee íyó ni̱ꞌi̱nꞌ ni̱ꞌ ya̱ꞌvi ni̱ꞌ. Soo retú sáꞌá ni̱ꞌ maa nsú jie̱ꞌe̱ꞌ ya̱ kuíni ni̱ꞌ saꞌá ni̱ꞌ maa, jee sáꞌá ni̱ꞌ maa jie̱ꞌe̱ꞌ ntee Ndiosíꞌ tiñu vá si̱kɨ̱ꞌ nuꞌuꞌ.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

2 Juan 1:8

Kumí rán maárán sáva nsúkuíta rán rá ta̱ꞌvi̱ꞌ jie̱ꞌe̱ꞌ nsa̱ꞌá rán tiñu váꞌa, chisaꞌ sáva ni̱ꞌi̱nꞌ nɨ́ɨ́n rán ta̱ꞌvi̱ꞌ rán ya̱ taji Ndiosíꞌ.