Mateo 10:3 - Mixteco del suroeste de Tlaxiaco Oaxaca

³ jee súví ka̱ꞌ rá apóstol ví Felipe, jín Bartolomé, jín Tomás, jín Mateo, ya̱ kúvi‑i ɨɨn rá te̱e tɨ́ɨn xu̱ꞌún nu̱u̱nꞌ rá ñɨvɨ chúnáán xu̱ꞌún ya̱ náneeꞌ Roma, jín Jacobo ya̱ kúvi se̱ꞌya yɨ́ɨ́ Alfeo, jee Lebeo, ya̱ suni káꞌánꞌ ráa maa Tadeo,

Mateo 10:3 Iomraidhean Croise

Mateo 18:17

Jee retú ntu̱ví íyó mániꞌ iniꞌ‑i nu̱u̱nꞌ káꞌánꞌ rá ñɨvɨ vá, yukuán jee kachiꞌ nú maa nu̱u̱nꞌ rá ñɨvɨ ya̱ kúneí iniꞌ ráa Ndiosíꞌ ya̱ nútútú ráa. Jee retú suni ntu̱ví íyó mániꞌ‑i nu̱u̱nꞌ káꞌánꞌ ráa, saájee siaáꞌ rán maa kene‑e nteñu rán kuéntáꞌ kúvi ɨɨn ñɨvɨ ya̱ ntu̱ví káníjiá‑a Ndiosíꞌ, áxí kuéntáꞌ kua̱ꞌ ɨɨn te̱e tíꞌñá tɨ́ɨn xu̱ꞌún ya̱ chúnáán rá ñɨvɨ ya̱ náneeꞌ Roma.

Mateo 27:56

Jee nteñu ráña vá íñɨ́ María, ñaꞌan ñuunꞌ Magdala, jín María, nánáꞌ Jacobo jín José, jín nánáꞌ rá se̱ꞌya Zebedeo.

Mateo 9:9

Jee sáá nkene Jesús yukuán, jee kua̱ꞌa̱nꞌ re̱ꞌ, jee niniꞌ re̱ꞌ ɨɨn te̱e naní Mateo, nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma, jee nkachiꞌ Jesús nu̱u̱nꞌ‑u: ―Kunikɨnꞌ nuꞌuꞌ ―nkachiꞌ re̱ꞌ, jee nna̱kuiñɨꞌ‑ɨ jee nchi̱nikɨnꞌ‑ɨ Jesús kua̱ꞌa̱nꞌ‑a jín re̱ꞌ.

Marcos 15:40

Jee suni ni̱ñɨ rá ñaꞌan nne̱ꞌyá íká ráa. Jee nteñu ráa ni̱ñɨ María ñuunꞌ Magdala, jín Salomé, jín María, nánáꞌ José jín Jacobo, ya̱ súchí ka̱ꞌ.

Marcos 2:14

Sáá kua̱jia̱ꞌa re̱ꞌ, jee niniꞌ re̱ꞌ ɨɨn te̱e naní Leví, se̱ꞌya Alfeo, nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma. Jee nkachiꞌ Jesús nu̱u̱nꞌ re̱ꞌ: ―Kunikɨnꞌ nuꞌuꞌ. I̱ña̱jée nna̱kuiñɨꞌ Leví jee nchi̱nikɨnꞌ‑ɨ Jesús kua̱ꞌa̱nꞌ‑a jín re̱ꞌ.

Marcos 3:18

jín Andrés, Felipe, Bartolomé, Mateo, Tomás, jín Jacobo se̱ꞌya Alfeo, Tadeo, jín Simón ya̱ ni̱ñɨ re̱ꞌ jín rá te̱e ñujiínꞌ cananista,

Lucas 18:10

―U̱vi̱ꞌ rá te̱e nkaa ráa kua̱ꞌa̱nꞌ ráa kua̱kaꞌanꞌ ráa jín Ndiosíꞌ iniꞌ veñu̱ꞌun Jerusalén, jee ɨɨn ráa ví te̱e yɨ́ꞌɨ́ ñujiínꞌ fariseo jee inka ka̱ꞌ ví te̱e nástútú xu̱ꞌún náneeꞌ ñuunꞌ Roma.

Lucas 18:11

Jee te̱e fariseo vá íñɨ́ nichiꞌ‑i, jee káꞌánꞌ‑i jie̱ꞌe̱ꞌ‑e jee káchíꞌ‑i suꞌva: “Ndiosíꞌ, táji ni̱ꞌ ya̱ kútaꞌviꞌ nu̱u̱nꞌ nú ya̱ ntu kúvi ni̱ꞌ kuéntáꞌ kua̱ꞌ kúvi rá inka ka̱ꞌ rá te̱e, ya̱ kúvi te̱e kuíꞌná, te̱e kánéꞌén, te̱e téní kúsíkɨ́ iniꞌ jín kuéntáꞌ súka̱ꞌ kua̱ꞌ íyó te̱e tíꞌñá yaꞌá ya̱ nástútú‑u xu̱ꞌún náneeꞌ ñuunꞌ Roma.

Lucas 18:13

Soo te̱e vá ya̱ nástútú xu̱ꞌún náneeꞌ ñuunꞌ Roma, íñɨ́ íká‑a ntíꞌ, jee ni ntu kíji iniꞌ‑i nna̱nenu̱u̱nꞌ‑u súkún, chisaꞌ kúun‑u naꞌá‑a ni̱ka‑a, jee káchíꞌ‑i: “Ndiosíꞌ, kunáꞌví iniꞌ nú kune̱ꞌyá nú nuꞌuꞌ ya̱ ñɨvɨ kua̱chi kúvi ni̱ꞌ”, nkachiꞌ‑i.

Lucas 19:2

Jee yukuán nééꞌ ɨɨn te̱e naní Zaqueo, jee kúvi re̱ꞌ te̱e kúñáꞌnú yósóꞌ nu̱u̱nꞌ rá te̱e nástútú xu̱ꞌún náneeꞌ ñuunꞌ Roma jee kúká re̱ꞌ.

Lucas 5:27

Sáá nkuvi rá tiñu yaꞌá jee nkene Jesús kua̱ꞌa̱nꞌ re̱ꞌ, jee niniꞌ re̱ꞌ ɨɨn te̱e naní‑i Leví ya̱ nééꞌ‑e vetíñú nu̱u̱nꞌ tɨ́ɨn‑ɨ xu̱ꞌún náneeꞌ ñuunꞌ Roma, jee nkachiꞌ Jesús nu̱u̱nꞌ‑u: ―Kunikɨnꞌ nuꞌuꞌ ―nkachiꞌ re̱ꞌ.

Juan 1:48

Saájee nkachiꞌ Natanael nu̱u̱nꞌ Jesús: ―¿Na̱sa jíníꞌ nú nuꞌuꞌ? ―nkachiꞌ Natanael. Jee nkachiꞌ Jesús: ―Ne̱ sáá ntiáꞌan kana Felipe noꞌó, sáá íñɨ́ nú chi̱ji yutun higo, jee ya̱ niniꞌ ni̱ꞌ noꞌó ―nkachiꞌ Jesús.

Juan 11:16

Saájee Tomás, ya̱ suni naní re̱ꞌ kuatíꞌ, jee nkachiꞌ re̱ꞌ nu̱u̱nꞌ rá táꞌán ya̱ súkuáꞌa nkáá re̱ꞌ jín ráa jín Jesús: ―Suni nkóꞌónꞌ‑órán ranika̱ꞌ sáva kuviꞌ nkáá‑órán jín re̱ꞌ ―nkachiꞌ Tomás.

Juan 14:22

Jee nkaꞌanꞌ Judas, ya̱ ntu kúvi Iscariote, jee nkachiꞌ‑i nu̱u̱nꞌ re̱ꞌ: ―I̱toꞌoꞌ, ¿na̱ jie̱ꞌe̱ꞌ chi nu̱u̱nꞌ ránꞌ stúvi nú maánú jee ntu nu̱u̱nꞌ rá ñɨvɨ ñɨ̱vɨ́? ―nkachiꞌ‑i.

Juan 14:5

Saájee nkachiꞌ Tomás nu̱u̱nꞌ re̱ꞌ: ―I̱toꞌoꞌ, ntu̱ví jíníꞌ rán ne̱ nu̱u̱nꞌ kɨ̱ꞌɨ̱nꞌ nú jee, ¿na̱sa kúvi kuniꞌ rán ichi vá rúja? ―nkachiꞌ‑i.

Juan 14:9

Jee nkachiꞌ Jesús nu̱u̱nꞌ re̱ꞌ: ―Ya nku̱kueꞌeꞌ víꞌí tiempúꞌ ya̱ nééꞌ ni̱ꞌ jín rán ví, Felipe, jee, ¿á ni ntiáꞌan kuniꞌ nú né ɨɨn kúvi nuꞌuꞌ résa? Chi ɨɨn ya̱ niniꞌ‑i nuꞌuꞌ, jee suni ya̱ niniꞌ‑i Tátáꞌ ni̱ꞌ. Saájee, ¿na̱ kuvi chi kachiꞌ nú ya̱: “Xinéꞌénꞌ Tátáꞌ nú nu̱u̱nꞌ ránuꞌuꞌ”, résa?

Juan 21:2

Íñɨ́ nkáá Simón Pedro, jín Tomás ya̱ káꞌánꞌ ráa kuatíꞌ, jín Natanael ya̱ kúvi re̱ꞌ te̱e ñuunꞌ Caná ya̱ kúvi ñuunꞌ tɨ́ɨn Galilea, jín rá se̱ꞌya Zebedeo, jín u̱vi̱ꞌ ka̱ꞌ rá te̱e súkuáꞌa Jesús ráa.

Hechos 1:13

Sáá nkenta ráa ñuunꞌ vá, jee nkaa ráa iniꞌ veꞌi yósóꞌ táꞌán nu̱u̱nꞌ nkino̱o ráa. Ni̱yo Pedro, jín Juan, jín Jacobo, jín Andrés, jín Felipe, jín Tomás, jín Bartolomé, jín Mateo, jín Jacobo, ya̱ kúvi se̱ꞌya Alfeo, jín Simón, ya̱ nyɨꞌɨ ñujiínꞌ Celote, jín Judas ya̱ kúvi ñaniꞌ Jacobo.

Hechos 12:17

Jee nsa̱naꞌá re̱ꞌ nu̱u̱nꞌ ráa sáva kuniꞌín ráa. Jee nna̱kani re̱ꞌ nu̱u̱nꞌ ráa na̱ja vá ntavaꞌ I̱toꞌoꞌ‑ó re̱ꞌ iniꞌ veka̱a, jee nkachiꞌ re̱ꞌ: ―Nakani rán maa nu̱u̱nꞌ Jacobo jín rá ñani kúneí iniꞌ ráa Jesús. Jee nkene re̱ꞌ kua̱ꞌa̱nꞌ re̱ꞌ inka nu̱u̱nꞌ.

Hechos 15:13

Sáá nkuvi nkaꞌanꞌ ráa, nka̱jiéꞌé nkaꞌanꞌ Jacobo jee nkachiꞌ‑i: ―Ránoꞌó ñaniꞌ. Teso̱ꞌo rán nuꞌuꞌ.

Hechos 21:18

Jee ki̱vɨ̱ꞌ steñu̱ꞌún, ña̱ꞌa̱nꞌ Pablo jín ránꞌ nne̱ꞌyá ránꞌ Jacobo. Jee nkenta nɨꞌɨ rá te̱e kúñáꞌnú nísotíñú nu̱u̱nꞌ rá ñɨvɨ kúneí iniꞌ ráa Jesús.

Gálatas 1:19

Soo ntu níníꞌ ni̱ꞌ ni ɨɨn rá inka te̱e níso ráa tiñu apóstol. Kua̱chi Jacobo niniꞌ ni̱ꞌ ya̱ kúvi re̱ꞌ ñaniꞌ I̱toꞌoꞌ‑ó Jesús.

Gálatas 2:9

Jee jíníꞌ rá ñɨvɨ ya̱ Jacobo, Pedro, jín Juan ví rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee ni núníꞌ ráa nsa̱ꞌá kuéntáꞌ ya̱ ntaji Ndiosíꞌ tiñu vá nu̱u̱nꞌ ni̱ꞌ jee chíneí chítuvi re̱ꞌ nuꞌuꞌ. Jee ntɨɨn ráa naꞌá ni̱ꞌ jín Bernabé, jie̱ꞌe̱ꞌ nkuva̱ꞌa iniꞌ ráa nne̱ꞌyá ráa ránuꞌuꞌ. Nsa̱ꞌá ráa suꞌva sáva stúvi ráa ya̱ kúnuún iniꞌ nta̱ká ránꞌ ya̱ kɨ̱satíñú ni̱ꞌ jín Bernabé nteñu rá ñɨvɨ inka nación, jee kɨ̱satíñú ráa nteñu rá ñɨvɨ ya̱ kúvi ichiyúkúnꞌ Israel.

Santiago 1:1

Maáníꞌ Jacobo, ya̱ kúvi ni̱ꞌ musúꞌ Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo, ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ, tée ni̱ꞌ tutuꞌ yaꞌá nu̱u̱nꞌ ránoꞌó ya̱ kúneí iniꞌ Jesús, ya̱ kúvi rán sava ni uxúꞌ u̱vi̱ꞌ (12) rá tataꞌ ichiyúkúnꞌ nkene rán nu̱u̱nꞌ Israel, ya̱ ñéte̱nuun nu̱u̱nꞌ ñɨ̱vɨ́ yaꞌá. Tájí ni̱ꞌ tu̱ꞌun káva̱ꞌa nu̱u̱nꞌ rán.

Judas 1:1

Nuꞌuꞌ Judas, ya̱ kúvi ni̱ꞌ musúꞌ Jesús, níso re̱ꞌ tiñu Cristo ya̱ ñani Ndiosíꞌ re̱ꞌ sáva tatúníꞌ re̱ꞌ nu̱u̱nꞌ nɨꞌɨ. Jee kúvi ni̱ꞌ ñaniꞌ Jacobo. Jee tée ni̱ꞌ tutuꞌ yaꞌá nu̱u̱nꞌ ránoꞌó ñɨvɨ ya̱ nkana Tátáꞌ‑ó Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ñúnúunꞌ re̱ꞌ ránoꞌó. Jee maá Jesús, ya̱ kúvi re̱ꞌ Cristo, jee kúmí re̱ꞌ ránoꞌó ya̱ yɨ́ꞌɨ́ rán xi̱ntíín re̱ꞌ.