Mateo 10:2 - Mixteco del suroeste de Tlaxiaco Oaxaca

² Jee yaꞌá kúvi súví rá ni uxúꞌ u̱vi̱ꞌ (12) rá te̱e ya̱ nchu̱ichí re̱ꞌ ya̱ káchíꞌ‑ó ya̱ níso ráa tiñu apóstol: ya̱ xíꞌnañúꞌún ví Simón, ya̱ suni naní re̱ꞌ Pedro, jín ñaniꞌ‑i Andrés, jín Jacobo jín ñaniꞌ‑i Juan, ya̱ ni núvíꞌ ráa ví se̱ꞌya yɨ́ɨ́ te̱e naní Zebedeo,

Mateo 10:2 Iomraidhean Croise

Mateo 17:1

Jee sáá njia̱ꞌa i̱ñu̱ꞌ ki̱vɨ̱ꞌ, jee nkeꞌen Jesús, Pedro, jín Jacobo jín Juan ya̱ kúvi ñaniꞌ Jacobo, jee kua̱ꞌa̱nꞌ sɨ́ɨ́n Jesús jín ráa ne̱ xi̱ni̱ꞌ ɨɨn yuku súkún.

Mateo 20:20

Saájee nánáꞌ Jacobo jín Juan ya̱ kúvi rá se̱ꞌya yɨ́ɨ́ Zebedeo ña̱kuyatin ña jín rá se̱ꞌya yɨ́ɨ́ ña nu̱u̱nꞌ Jesús, jee ña̱kui̱ñi̱ꞌ ítɨ́ ña nu̱u̱nꞌ Jesús, jee jíkánꞌ táꞌvíꞌ ña nu̱u̱nꞌ re̱ꞌ ya̱ saꞌá re̱ꞌ ɨɨn tumani iniꞌ jín ña.

Mateo 26:37

Jee nkeꞌen Jesús Pedro jín ni núvíꞌ rá se̱ꞌya Zebedeo, kua̱ꞌa̱nꞌ jín re̱ꞌ, jee nka̱jiéꞌé nnu̱kuéká víꞌí iniꞌ re̱ꞌ, jee nnu̱kuíꞌyáꞌ víꞌí iniꞌ re̱ꞌ.

Mateo 4:18

Jee jíka Jesús kua̱ꞌa̱nꞌ re̱ꞌ yúnteñúꞌún Galilea, jee niniꞌ re̱ꞌ u̱vi̱ꞌ rá te̱e ya̱ kúvi ñaniꞌ maáráa, ɨɨn ví Simón, ya̱ naní Pedro, jee inka kúvi ñaniꞌ re̱ꞌ, Andrés. Síkéne ráa ñunu yúꞌvé nu̱u̱nꞌ nteñúꞌún, chi te̱e tɨ́ɨn tia̱ká kúvi ráa.

Mateo 4:21

Sáá nkene re̱ꞌ yukuán, jee niniꞌ re̱ꞌ u̱vi̱ꞌ ka̱ꞌ rá te̱e, ya̱ kúvi ñaniꞌ maáráa, ɨɨn ví Jacobo jee inka ví ñaniꞌ‑i Juan, jee kúvi ráa se̱ꞌya Zebedeo. Ñúꞌún ráa iniꞌ barkúꞌ jín tátáꞌ ráa Zebedeo, jee násaꞌá ráa rá ñunu yúꞌvé tɨ́ɨn ráa tia̱ká. Jee nkana Jesús ráa kunikɨnꞌ ráa re̱ꞌ.

Marcos 1:29

Jee kuíre nkene Jesús iniꞌ veꞌi sinagoga jín Jacobo jín Juan. Jee kua̱ꞌa̱nꞌ ráa ne̱ veꞌi Simón jín Andrés.

Marcos 13:3

Kua̱ꞌa̱nꞌ ráa jee sáá ña̱kuneeꞌ re̱ꞌ i̱ka̱ꞌ yuku Olivos ya̱ káá ichinúúnꞌ veñu̱ꞌun káꞌnú, jee Pedro, Jacobo, Juan jín Andrés ni̱ka̱tu̱ꞌún sɨ́ɨ́n ráa re̱ꞌ:

Marcos 6:30

Saájee nikó rá te̱e kúvi najiáꞌáꞌ re̱ꞌ ya̱ níso ráa tiñu apóstol ya̱ nchu̱ichí re̱ꞌ jee nku̱tútú ráa nu̱u̱nꞌ Jesús. Jee nna̱kani ráa nu̱u̱nꞌ re̱ꞌ nɨꞌɨ ya̱ nsa̱ꞌá ráa jín ya̱ nxi̱néꞌénꞌ ráa.

Lucas 11:49

Jee saáva tu̱ꞌun níchí káchíꞌ Ndiosíꞌ: “Chuichí ni̱ꞌ rá te̱e ni̱ꞌ nakani tu̱ꞌun kene yuꞌú maá maáníꞌ nu̱u̱nꞌ ráa jín rá najiáꞌáꞌ ni̱ꞌ ya̱ kúvi apóstol ni̱ꞌ nu̱u̱nꞌ ráa. Jee sava rá te̱e vá kaꞌniꞌ rá ñɨvɨ ráréꞌ, jee sava ka̱ꞌ rá te̱e vá kuniꞌ u̱ꞌvi̱ꞌ rá ñɨvɨ ráréꞌ, káchíꞌ Ndiosíꞌ.”

Lucas 22:14

Jee sáá nkenta hora kuxíní, jee nkenta Jesús ña̱kuneeꞌ re̱ꞌ yumesáꞌ jín suni rá te̱e kúvi apóstol kútáꞌán jín re̱ꞌ súkuáꞌa re̱ꞌ ráa, ña̱kuneeꞌ ráa jín re̱ꞌ.

Lucas 22:8

Jee nchu̱ichí Jesús Pedro jín Juan, jee nkachiꞌ re̱ꞌ nu̱u̱nꞌ ráa: ―Kuáꞌán rán kɨ̱saꞌá stákoo rán ya̱ kuxíní‑ó viko Pascua ―nkachiꞌ re̱ꞌ.

Lucas 5:10

Jee suni sukuán nti̱vɨ́ xíniꞌ Jacobo jín Juan, rá se̱ꞌya Zebedeo, ya̱ táꞌán sátíñú nkáꞌnú kúvi ráa jín Simón. Jee nkachiꞌ Jesús nu̱u̱nꞌ Simón: ―Koto yúꞌví nú, chi ne̱ vitan jee stútú nú rá ñɨvɨ ki̱vɨ ráa naꞌá Ndiosíꞌ kuéntáꞌ kua̱ꞌ tɨ́ɨn rán tia̱ká ntañúꞌún ―nkachiꞌ re̱ꞌ.

Lucas 9:10

Jee sáá nni̱kó rá te̱e najiáꞌáꞌ re̱ꞌ ya̱ níso ráa tiñu apóstol ya̱ nchu̱ichí re̱ꞌ ráa, jee nna̱kani ráa nu̱u̱nꞌ re̱ꞌ nɨꞌɨ rá tiñu nsa̱ꞌá ráa, jee nkeꞌen re̱ꞌ ráa kua̱ꞌa̱nꞌ sɨ́ɨ́n re̱ꞌ jín ráa nu̱u̱nꞌ ñuunꞌ naní Betsaida.

Juan 12:22

Jee ña̱ꞌa̱nꞌ Felipe jee nkachiꞌ re̱ꞌ nu̱u̱nꞌ Andrés, saájee Andrés jín Felipe ña̱kachiꞌ ráa maa nu̱u̱nꞌ Jesús.

Juan 13:23

Jee ɨɨn rá te̱e súkuáꞌa re̱ꞌ ráa, ya̱ ñúnúunꞌ víꞌí re̱ꞌ, ya̱ nééꞌ‑e xiín re̱ꞌ yuꞌú mesa nu̱u̱nꞌ kúxíní ráa.

Juan 20:2

Saájee ninu ña kua̱ꞌa̱nꞌ ña nu̱u̱nꞌ nééꞌ Simón Pedro jín inka ka̱ꞌ te̱e ya̱ nku̱táꞌán nsu̱kuáꞌa Jesús maa, ya̱ nñunu̱u̱nꞌ víꞌí Jesús maa, jee nkachiꞌ ña nu̱u̱nꞌ ráa: ―Ntavaꞌ rá ñɨvɨ ñunéꞌyúꞌ I̱toꞌoꞌ‑ó yaviꞌ ni̱yɨ re̱ꞌ jee kua̱ꞌa̱nꞌ ráa jín re̱ꞌ, jee ntu̱ví jíníꞌ ráníꞌ né núꞌ ñakɨnꞌ ráa maa ―nkachiꞌ ña.

Juan 21:2

Íñɨ́ nkáá Simón Pedro, jín Tomás ya̱ káꞌánꞌ ráa kuatíꞌ, jín Natanael ya̱ kúvi re̱ꞌ te̱e ñuunꞌ Caná ya̱ kúvi ñuunꞌ tɨ́ɨn Galilea, jín rá se̱ꞌya Zebedeo, jín u̱vi̱ꞌ ka̱ꞌ rá te̱e súkuáꞌa Jesús ráa.

Juan 21:20

Jee nna̱koto yátá Pedro jee niniꞌ re̱ꞌ ya̱ níkɨ́nꞌ táꞌán te̱e ya̱ súkuáꞌa Jesús maa ya̱ ñúnúunꞌ ka̱ꞌ Jesús maa. Jee suni te̱e vá ví ya̱ ña̱kuyatin ka̱ꞌ xiín‑i Jesús sáá nku̱xíní ráa jee nkachiꞌ‑i nu̱u̱nꞌ Jesús: “¿Né ɨɨn kúvi te̱e ya̱ naku̱ꞌva‑a noꞌó?”

Juan 21:24

Jee te̱e súkuáꞌa Jesús vá ya̱ ñúnúunꞌ víꞌí ka̱ꞌ Jesús kúvi ya̱ jiáꞌa ya̱ naáꞌ jie̱ꞌe̱ꞌ rá tiñu yaꞌá, jee ntee‑e rá tu̱ꞌun yaꞌá jie̱ꞌe̱ꞌ rá tiñu yaꞌá, jee jíníꞌ ráníꞌ ya̱ íyó na̱a̱ꞌ rá tu̱ꞌun jiáꞌa‑a.

Juan 6:67

Saájee nkachiꞌ Jesús nu̱u̱nꞌ ni uxúꞌ u̱vi̱ꞌ (12) rá te̱e ya̱ súkuáꞌa re̱ꞌ ráa: ―¿Á ntu suni kuíni ránoꞌó kɨ̱ꞌɨ̱nꞌ rán? ―nkachiꞌ Jesús.

Juan 6:70

Jee nna̱xiníkó Jesús nu̱u̱nꞌ ráa: ―¿Á nsú nuꞌuꞌ nka̱ji ni̱ꞌ u̱xu̱vi̱ꞌ (12) ránoꞌó rúja? Jee ɨɨn ránoꞌó kúvi kui̱ꞌna̱ꞌ.

Juan 6:71

Nkaꞌanꞌ re̱ꞌ sukuán jie̱ꞌe̱ꞌ Judas Iscariote, ya̱ kúvi se̱ꞌya Simón, chi Judas yaꞌá naku̱ꞌva‑a re̱ꞌ xi̱ntíín rá te̱e nísotíñú, asúꞌ ɨɨn rá u̱xu̱vi̱ꞌ (12) ya̱ nkáji re̱ꞌ ví‑i.

Juan 6:8

Jee ɨɨn rá te̱e súkuáꞌa re̱ꞌ vá, ya̱ naní Andrés, ya̱ kúvi ñaniꞌ Simón Pedro, nkachiꞌ‑i nu̱u̱nꞌ re̱ꞌ:

Hechos 1:13

Sáá nkenta ráa ñuunꞌ vá, jee nkaa ráa iniꞌ veꞌi yósóꞌ táꞌán nu̱u̱nꞌ nkino̱o ráa. Ni̱yo Pedro, jín Juan, jín Jacobo, jín Andrés, jín Felipe, jín Tomás, jín Bartolomé, jín Mateo, jín Jacobo, ya̱ kúvi se̱ꞌya Alfeo, jín Simón, ya̱ nyɨꞌɨ ñujiínꞌ Celote, jín Judas ya̱ kúvi ñaniꞌ Jacobo.

Hechos 1:26

Jee ntavaꞌ ráa suertéꞌ, sáva ka̱ji ráa ɨɨn rá te̱e vá. Jee nkakɨ̱ꞌɨ suertéꞌ Matías. Jee kuísá ntɨɨn kuéntáꞌ ráa ya̱ nákuíñɨꞌ re̱ꞌ jín ni u̱ji̱ꞌ ɨɨn tán rá najiáꞌáꞌ Jesús ya̱ kúvi apóstol.

Hechos 12:2

Jee nta̱jí re̱ꞌ kaꞌniꞌ rá ñɨvɨ Jacobo, ñaniꞌ Juan, jín yuchiꞌ espada.

Hechos 3:1

Ɨɨn ki̱vɨ̱ꞌ Pedro jín Juan nkaa ráa kua̱ꞌa̱nꞌ ráa veñu̱ꞌun káꞌnú kau̱ni̱ꞌ yánini, ya̱ kúvi maá hora sukuáni káꞌánꞌ rá ñɨvɨ Israel jín Ndiosíꞌ.

1 Corintios 15:7

Jee kuíre suni ntu̱ví re̱ꞌ nu̱u̱nꞌ Jacobo, jee kuíre suni tuku nu̱u̱nꞌ ntáká rá te̱e níso ráa tiñu apóstol re̱ꞌ.

Efesios 4:11

Jee maáréꞌ njia̱ꞌa re̱ꞌ nu̱u̱nꞌ sava te̱e tiñu kúvi apóstol ya̱ nchu̱ichí re̱ꞌ ráa nstúvi ráa tu̱ꞌun jie̱ꞌe̱ꞌ Jesús, jee nu̱u̱nꞌ sava rá ka̱ꞌ njia̱ꞌa re̱ꞌ tiñu nákani ráa tu̱ꞌun kéne yuꞌú Ndiosíꞌ, jee nu̱u̱nꞌ sava rá ka̱ꞌ njia̱ꞌa re̱ꞌ nu̱u̱nꞌ ráa stékútu̱ꞌún ráa tu̱ꞌun váꞌa jie̱ꞌe̱ꞌ re̱ꞌ ya̱ nkiji re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa jee kána ráa ñɨvɨ ki̱vɨ naꞌá re̱ꞌ, jee nu̱u̱nꞌ sáva rá ka̱ꞌ njia̱ꞌa re̱ꞌ nu̱u̱nꞌ ráa tiñu kuvi ya̱ néen kuéntáꞌ ráa rá ñɨvɨ kúneí iniꞌ ráa re̱ꞌ jín ya̱ xínéꞌénꞌ ráa tu̱ꞌun re̱ꞌ.

Hebreos 3:1

Jee saáva, ránoꞌó ñanitáꞌán, ya̱ nsa̱ꞌá sɨ́ɨ́n Ndiosíꞌ ránoꞌó sáva kɨꞌɨ rán nu̱u̱nꞌ re̱ꞌ, jín ya̱ jíꞌín rán nkana re̱ꞌ ránoꞌó ne̱ súkún nu̱u̱nꞌ nééꞌ re̱ꞌ, jee saáva íyó tɨɨn kuéntáꞌ va̱ꞌa rán jie̱ꞌe̱ꞌ [Cristo] Jesús ya̱ níso re̱ꞌ tiñu apóstol ya̱ nchu̱ichí Ndiosíꞌ ntaji re̱ꞌ Tu̱ꞌun Ndiosíꞌ nu̱u̱nꞌ‑ó, jee suni kúvi re̱ꞌ su̱tu̱ꞌ kúñáꞌnú nu̱u̱nꞌ‑ó, jie̱ꞌe̱ꞌ tu̱ꞌun re̱ꞌ ya̱ jiáꞌayuꞌú‑ó ya̱ kúneí iniꞌ‑ó re̱ꞌ.

1 Pedro 1:1

Nuꞌuꞌ Pedro níso ni̱ꞌ tiñu apóstol chúichí Jesús nuꞌuꞌ. Níso re̱ꞌ tiñu Cristo ya̱ chúichí re̱ꞌ nuꞌuꞌ sáva stékútu̱ꞌún ni̱ꞌ tu̱ꞌun re̱ꞌ. Tée ni̱ꞌ tutuꞌ yaꞌá kua̱jiááꞌ nu̱u̱nꞌ ránoꞌó ñɨvɨ ya̱ nka̱ji Ndiosíꞌ ya̱ kúvi rán to̱ꞌo̱ꞌ inka ñuunꞌ ñe̱te̱nuun rán nééꞌ rán nu̱u̱nꞌ rá ñuunꞌ Ponto, Galacia, Capadocia, Asia jín Bitinia.

2 Pedro 1:1

Nuꞌuꞌ, Simón Pedro, ya̱ kúvi ni̱ꞌ musúꞌ nu̱u̱nꞌ I̱toꞌoꞌ‑ó Jesús ya̱ níso re̱ꞌ tiñu Cristo [ya̱ ñani Ndiosíꞌ sáva tatúníꞌ re̱ꞌ nu̱u̱nꞌ nɨꞌɨ] jee níso ni̱ꞌ tiñu apóstol chúichí re̱ꞌ nuꞌuꞌ nakani ni̱ꞌ tu̱ꞌun re̱ꞌ. Jee tée ni̱ꞌ tutuꞌ yaꞌá nu̱u̱nꞌ ránoꞌó ya̱ suni nni̱ꞌi̱nꞌ rán ya̱ kúneí iniꞌ rán Cristo kuéntáꞌ kua̱ꞌ ránuꞌuꞌ, jee máá viiꞌ yɨ́yáꞌvi ya̱ kúneí iniꞌ‑ó Cristo. Nni̱ꞌi̱nꞌ rán maa jie̱ꞌe̱ꞌ na̱a̱ꞌ ví Jesús ya̱ kúvi Cristo ya̱ kúvi re̱ꞌ Ndiosíꞌ‑ó jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

2 Juan 1:1

Nuꞌuꞌ, [Juan] ya̱ kúvi ni̱ꞌ ɨɨn rá te̱e kúñáꞌnú nu̱u̱nꞌ rá ñɨvɨ kúneí iniꞌ Jesús, tée ni̱ꞌ tutuꞌ yaꞌá nu̱u̱nꞌ ñaꞌan ya̱ nka̱ji Ndiosíꞌ, jín suni nu̱u̱nꞌ rá se̱ꞌya ña, ya̱ ñúnúunꞌ nijia ni̱ꞌ. Jee nsáꞌ kua̱chi métúꞌún nuꞌuꞌ ni̱ꞌ, chi suni nta̱ká rá ñɨvɨ ya̱ ntɨɨn tu̱ꞌun na̱a̱ꞌ Jesús ñúnúunꞌ ráa ránoꞌó,

3 Juan 1:1

Nuꞌuꞌ, ya̱ kúvi ni̱ꞌ te̱e ñáꞌnú nu̱u̱nꞌ rá ñɨvɨ kúneí iniꞌ Jesús, tée ni̱ꞌ tutuꞌ yaꞌá nu̱u̱nꞌ noꞌó, Gayo, ya̱ ma̱ni̱ꞌ jín ni̱ꞌ, ya̱ ñúnúunꞌ nijia ni̱ꞌ.

Apoclipsis 1:1

Tu̱ꞌun yaꞌá kúvi tu̱ꞌun ya̱ nxi̱nénu̱u̱nꞌ Jesús ya̱ níso re̱ꞌ tiñu Cristo ya̱ ñani Ndiosíꞌ maa sáva tatúníꞌ re̱ꞌ nu̱u̱nꞌ nɨꞌɨ, jee tu̱ꞌun vá ví ya̱ njia̱ꞌa Ndiosíꞌ nu̱u̱nꞌ re̱ꞌ sáva xinénu̱u̱nꞌ re̱ꞌ maa nu̱u̱nꞌ rá musúꞌ re̱ꞌ ya̱ yɨ́tíñú ráa nu̱u̱nꞌ re̱ꞌ. Nstúvi re̱ꞌ tu̱ꞌun vá jie̱ꞌe̱ꞌ rá tiñu ya̱ ñamani íyó kuvi. Jee nchu̱ichí re̱ꞌ najiáꞌáꞌ ííꞌ re̱ꞌ nkistúvi nijinꞌ re̱ꞌ nɨꞌɨ na̱ja koo rá tiñu vá nu̱u̱nꞌ Juan ya̱ kúvi‑i musúꞌ re̱ꞌ ya̱ yɨ́tíñú‑u nu̱u̱nꞌ re̱ꞌ.

Apoclipsis 1:9

Nuꞌuꞌ Juan, ya̱ kúvi ni̱ꞌ ñanitáꞌán‑órán. Jee jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, ɨɨn nuún ni nkáá nóꞌo ni̱ꞌ jín ránoꞌó tu̱nóꞌó sáꞌá kíni ñɨvɨ yó, jee ɨɨn nuún ni nkáá yɨ́ꞌɨ́ ni̱ꞌ jín rán xi̱ntíín Ndiosíꞌ, jee ɨɨn nuún ni nkáá káꞌnú íyó iniꞌ‑ó kúneí‑ó kúníꞌin‑ó íñɨ́‑ó jín Cristo. Jee jie̱ꞌe̱ꞌ ya̱ stékútu̱ꞌún ni̱ꞌ tu̱ꞌun váꞌa Ndiosíꞌ jín tu̱ꞌun ya̱ kúvi ya̱ naáꞌ ya̱ njiáꞌa Jesús, jee saáva ntɨɨn rá ñɨvɨ nuꞌuꞌ yɨ́ꞌɨ́ ni̱ꞌ xi̱ntíín ráa, jee ña̱na̱ka ráa nuꞌuꞌ ne̱ nu̱u̱nꞌ ɨɨn ñuꞌun naní Patmos ya̱ káá sɨ́ɨ́n ma̱ꞌñú nteñúꞌún.

Apoclipsis 18:20

Jee nkachiꞌ nusuyuꞌú vá ya̱ káꞌánꞌ‑a ne̱ súkún: Soo kusɨ̱ɨ̱ꞌ iniꞌ ránoꞌó ya̱ nééꞌ antivɨ́ súkún jín ránoꞌó ya̱ níso rán tiñu apóstol nchu̱ichí Cristo, jín ránoꞌó ya̱ nákani rán tu̱ꞌun kéne yuꞌú Ndiosíꞌ, jín ránoꞌó ya̱ kúvi rán rá inka ñɨvɨ ya̱ suni nsa̱ꞌá sɨ́ɨ́n re̱ꞌ kɨꞌɨ rán nu̱u̱nꞌ re̱ꞌ. Kusɨ̱ɨ̱ꞌ iniꞌ rán chi nsa̱náaꞌ Ndiosíꞌ si̱kɨ̱ꞌ ñuunꞌ vá jie̱ꞌe̱ꞌ nsa̱ꞌá kini ráa si̱kɨ̱ꞌ rán, nkachiꞌ nusuyuꞌú vá.

Apoclipsis 22:8

Nuꞌuꞌ, Juan, nuꞌuꞌ ví ya̱ nteso̱ꞌo ni̱ꞌ jee niniꞌ jínúunꞌ ni̱ꞌ ntáká rá tu̱ꞌun yaꞌá jín tiñu yaꞌá. Jee sáá nkuvi nteso̱ꞌo ni̱ꞌ rá tu̱ꞌun vá, jín rá tiñu niniꞌ jínúunꞌ ni̱ꞌ vá, jee nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñuꞌun jie̱ꞌe̱ꞌ najiáꞌáꞌ ííꞌ vá ya̱ nstúvi‑i rá tiñu vá nu̱u̱nꞌ nuꞌuꞌ sáva kuneñu̱ꞌun ni̱ꞌ maa nékúvi.