Mateo 10:16 - Mixteco del suroeste de Tlaxiaco Oaxaca

¹⁶ ’Jee kune̱ꞌyá rán, chi nuꞌuꞌ chúichí ni̱ꞌ ránoꞌó kɨ̱ꞌɨ̱nꞌ rán nteñu rá ñɨvɨ, kuéntáꞌ kuáꞌánꞌ rá lanchi nteñu rá váꞌúꞌ xe̱e̱nꞌ. Saáva nito koo rán kuéntáꞌ ko̱o̱ꞌ, soo kuꞌun másúꞌ saɨn iniꞌ rán kuéntáꞌ paloma.

Mateo 10:16 Iomraidhean Croise

Génesis 3:1

Ko̱o̱ꞌ kúvi kitɨ máñáꞌ ka̱ꞌ nsú ka̱ꞌ inka ka̱ꞌ rá kitɨ yúkú ya̱ nsa̱ꞌá I̱toꞌoꞌ‑ó Ndiosíꞌ. Suviti̱ꞌ vá nkachiꞌ nu̱u̱nꞌ ñaꞌan vá: ―¿Á nijia kúvi ya̱ nkachiꞌ Ndiosíꞌ nu̱u̱nꞌ rán ya̱ ntu íyó kajiꞌ niva̱ꞌa rán rá vixíꞌ néni ɨɨn yutun íñɨ́ nu̱u̱nꞌ viiꞌ víꞌí íyó, réja?

Génesis 3:13

I̱ña̱jée I̱toꞌoꞌ‑ó Ndiosíꞌ nkachiꞌ nu̱u̱nꞌ ñaꞌan vá: ―¿Na̱kuá kúvi ya̱ nsa̱ꞌá nú rúja? Jee nkachiꞌ ñaꞌan vá: ―Ko̱o̱ꞌ nxi̱náꞌví nuꞌuꞌ, jee nyajiꞌ ni̱ꞌ ya̱ vixíꞌ vá.

Mateo 24:25

Jee teso̱ꞌo va̱ꞌa rán, chi ya nstúꞌva ya̱chi̱ꞌ ni̱ꞌ ránoꞌó jie̱ꞌe̱ꞌ rá tiñu vá ne̱ ntiáꞌan kuvi‑i suꞌva.

Mateo 24:45

’¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Mateo 25:2

Jee u̱ꞌu̱nꞌ ráa kúvi ráa ñaꞌan naanꞌ jee u̱ꞌu̱nꞌ ráa jiáni kájí xi̱ni̱ꞌ.

Mateo 25:4

Soo rá ñaꞌan súchí núún ñúkájí iniꞌ, ínaꞌá sɨ́ɨ́n ráa ka̱ꞌ aceite ñúꞌún iniꞌ rá ti̱noꞌoꞌ ínaꞌá ráa jín rá kantil ráa.

Mateo 25:9

’Soo nna̱xiníkó rá ñaꞌan súchí núún ñúkájí iniꞌ nu̱u̱nꞌ ráa: “Ntu̱ví, chi koto nkánta ni̱ꞌi̱nꞌ ráníꞌ jee ni ya̱ ni̱ꞌi̱nꞌ ránú. Sosaꞌ kɨ̱ꞌɨ̱nꞌ ránú nu̱u̱nꞌ xíkó ráa maa ki̱ke̱ꞌen rán maa sáva ni̱ꞌi̱nꞌ rán ya̱ kuatíñú rán”, nkachiꞌ rá ñaꞌan ñúkájí iniꞌ vá.

Lucas 10:3

’Kuáꞌán ránú, kune̱ꞌyá rán, chi chúichí ni̱ꞌ ránoꞌó kuéntáꞌ kua̱ꞌ lanchi lúlí nteñu rá ñɨvɨ ya̱ kúvi ráa kuéntáꞌ váꞌúꞌ xéénꞌ.

Lucas 21:15

Chi nuꞌuꞌ taji ni̱ꞌ tu̱ꞌun níchí ki̱vɨ antúníꞌ rán na̱ja kaꞌanꞌ rán naxiníkó rán nu̱u̱nꞌ ráa, sáva ni ɨɨn rá ñɨvɨ ya̱ kénta ráa si̱kɨ̱ꞌ ránó ni nsáꞌ kuneí ráa jín rán ni ntu̱náꞌ íyó nakachiꞌ ráa si̱kɨ̱ꞌ tu̱ꞌun kachiꞌ rán.

Hechos 20:29

Nuꞌuꞌ jíníꞌ ya̱, ré kua̱ꞌa̱nꞌ ni̱ꞌ, jee ki̱vɨ rá ñɨvɨ nteñu rán, jee nkɨ́kui̱ñɨ̱ꞌ ráa nukú ráa xináꞌví ráa rá ñanitáꞌán‑ó sáva xináánꞌ ráa rává, kuéntáꞌ váꞌúꞌ xe̱e̱nꞌ ya̱ jiáꞌníꞌ‑i rá lanchi.

1 Corintios 14:20

Jee saáva ránoꞌó ñaniꞌ jín ku̱ꞌva, koto jiáni iniꞌ rán kuéntáꞌ rá su̱chí lúlí jie̱ꞌe̱ꞌ rá tiñu yaꞌá. Chisaꞌ koo rán kuéntáꞌ rá nchíkɨ́n nu̱u̱nꞌ rá tiñu níváꞌa, ya̱ kueꞌnu rán kuéntáꞌ retánꞌ ntu̱ví jíníꞌ rán tiñu níváꞌa, soo kujia iniꞌ rán iniꞌ antúníꞌ rán.

2 Corintios 1:12

Suꞌva káꞌánꞌ téyɨ́ɨ́ ráníꞌ, ya̱ ne̱ ánímaꞌ ránꞌ jíníꞌ ránꞌ ya̱, ñaꞌnu na̱a̱ꞌ ránꞌ jee saɨn ni̱yo iniꞌ ránꞌ ñaꞌnu ránꞌ jín rá ñɨvɨ ñɨ̱vɨ́ yaꞌá, sáni kuíni Ndiosíꞌ. Jee víꞌí káꞌ jíníꞌ ránꞌ ya̱ nsa̱ꞌá ránꞌ sukuán nu̱u̱nꞌ ránoꞌó. Chi ntu ñáꞌnu ránꞌ sáni ya̱ níchí xíniꞌ maáránꞌ, chisaꞌ chíneí chituvi Ndiosíꞌ ránuꞌuꞌ saꞌá ránꞌ sukuán, chi íyó mániꞌ iniꞌ re̱ꞌ néꞌyá re̱ꞌ ránuꞌuꞌ.

2 Corintios 11:14

Jee nsú tiñu tívɨ́ xíniꞌ‑ó ví‑i, chi ne̱ maá Satanás sáꞌá re̱ꞌ nika̱ꞌ maáréꞌ ya̱ kúvi re̱ꞌ najiáꞌáꞌ jiánu̱te̱ꞌ kuéntáꞌ ɨɨn najiáꞌáꞌ ííꞌ Ndiosíꞌ.

2 Corintios 11:3

Soo yúꞌví ni̱ꞌ ya̱ sa̱naanꞌ jee kusɨ́ɨ́n rán nu̱u̱nꞌ yɨ́tíñú rán ne̱ saɨn ninuꞌun iniꞌ rán nu̱u̱nꞌ métúꞌún Cristo, jee sukuán jíta antúníꞌ rán, kuéntáꞌ nxi̱náꞌví ko̱o̱ꞌ Eva jín máñáꞌ ti̱ꞌ.

2 Corintios 8:20

Jee suꞌva ntu jiáꞌa ránꞌ chikua̱chi néni ɨɨn ñɨvɨ si̱kɨ̱ꞌ ránuꞌuꞌ, jie̱ꞌe̱ꞌ na̱ja sátíñú ránꞌ jín kue̱ꞌe̱ꞌ víꞌí ya̱ tétáꞌán ránú.

Filipenses 2:15

Sáva nkúvi chikua̱chi ñɨvɨ ránoꞌó, chisaꞌ ninuꞌun koo rán, ya̱ kúvi rán se̱ꞌya Ndiosíꞌ, ya̱ íyó noo nteñu rá ñɨvɨ tiempúꞌ vitan ya̱ sáꞌá tiákuá ráa jee kánéꞌén ráa. Jee tu̱vi rán nteñu ráa kuéntáꞌ jiánu̱te̱ꞌ tiu̱u̱nꞌ íyó súkún nu̱u̱nꞌ ñɨ̱vɨ́ neenꞌ,

Colosenses 1:9

Saájee, ne̱ ki̱vɨ̱ꞌ ya̱ nteso̱ꞌo ráníꞌ tu̱ꞌun vá jie̱ꞌe̱ꞌ ránoꞌó, jee ntu̱ví síkɨ́kui̱ñɨ̱ꞌ ránꞌ maáránꞌ ya̱ káꞌánꞌ ránꞌ jín Ndiosíꞌ jie̱ꞌe̱ꞌ ránú. Jee jíkánꞌ táꞌvíꞌ ránꞌ nu̱u̱nꞌ re̱ꞌ ya̱ chitú noo rán kukáꞌnú iniꞌ rán ya̱ kuíni re̱ꞌ, jie̱ꞌe̱ꞌ ya̱ sáꞌá Ta̱chi̱ꞌ Ííꞌ re̱ꞌ ya̱ nta̱ká nu̱u̱nꞌ kuníchí xíniꞌ rán jie̱ꞌe̱ꞌ tu̱ꞌun re̱ꞌ, jín ya̱ ki̱ku̱ꞌun iniꞌ rán tu̱ꞌun re̱ꞌ.

Colosenses 4:5

Kuꞌun kájí xíniꞌ rán kueꞌnu ñunkúún rán sáni kuíni Ndiosíꞌ nteñu rá ñɨvɨ ya̱ ntu kúneí iniꞌ ráa Cristo, jee suꞌva ntu súkuíta rán tiempúꞌ ya̱ káꞌánꞌ rán jín ráa.

1 Tesalonicenses 2:10

Ránoꞌó jín Ndiosíꞌ jíníꞌ rán ya̱ nááꞌ jee kúvi stúvi rán ya̱ nsa̱ꞌá sɨ́ɨ́n ráníꞌ maáránuꞌuꞌ ya̱ ntu yɨ́ꞌɨ́ ránꞌ nu̱u̱nꞌ ya̱ níváꞌa, jee nika na̱a̱ꞌ ránꞌ nteñu ránoꞌó, jee ntu kúvi chikua̱chi ñɨvɨ ránuꞌuꞌ, jie̱ꞌe̱ꞌ ya̱ nsa̱ꞌá ránꞌ nteñu ránoꞌó, ya̱ ínúꞌ iniꞌ rán tu̱ꞌun Cristo.

1 Tesalonicenses 5:22

Chusává rán maárán nu̱u̱nꞌ nta̱ká nu̱u̱nꞌ ya̱ ni̱váꞌa.