Mateo 10:1 - Mixteco del suroeste de Tlaxiaco Oaxaca

¹ Saájee nkana Jesús ni uxúꞌ u̱vi̱ꞌ (12) rá te̱e kútáꞌán jín re̱ꞌ súkuáꞌa re̱ꞌ ráa. Jee njia̱ꞌa re̱ꞌ tiñu tatúníꞌ ráa, sáva tavaꞌ ráa rá ta̱chi̱ꞌ néꞌí yɨ́ꞌɨ́ iniꞌ rá ñɨvɨ, jín suni njia̱ꞌa re̱ꞌ tiñu sáva xinúvi ráa rá ñɨvɨ kúꞌvíꞌ nu̱u̱nꞌ ntáká rá kue̱ꞌi̱ꞌ nóꞌo ráa jín rá ñɨvɨ ya̱ táyáꞌ ñunéꞌyúꞌ ráa ya̱ nóꞌo ráa.

Mateo 10:1 Iomraidhean Croise

Mateo 19:28

Jee nkachiꞌ Jesús: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ sáá kenta tiempúꞌ ya̱ nɨꞌɨ nasama jiáá, sáá kenta nuꞌuꞌ, ya̱ nta̱jí Ndiosíꞌ nuꞌuꞌ nu̱u̱nꞌ ñɨ̱vɨ́ yaꞌá sáva kuvi ni̱ꞌ Se̱ꞌya Ñɨvɨ, jee sáá kuneeꞌ ni̱ꞌ teyuꞌ kúñáꞌnú nu̱u̱nꞌ tatúníꞌ ni̱ꞌ, nu̱u̱nꞌ viiꞌ nasɨ́kuitɨꞌ kúñáꞌnú ni̱ꞌ, jee ránoꞌó ya̱ níkɨ́nꞌ rán nuꞌuꞌ, jee suni sukuán kuneeꞌ rán ni uxúꞌ u̱vi̱ꞌ (12) teyuꞌ ñáꞌnú, sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ (12) tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Mateo 26:20

Jee sáá kúnéñuꞌun jee nkenta Jesús ña̱kuneeꞌ re̱ꞌ yuꞌú mesa jín ni uxúꞌ u̱vi̱ꞌ (12) rá tee vá.

Mateo 26:47

Jee ni káꞌánꞌ i̱i̱ꞌ ka̱ꞌ Jesús, jee nkenta Judas, ɨɨn táꞌán rá uxúꞌ u̱vi̱ꞌ (12) rá te̱e súkuáꞌa re̱ꞌ ráa, nkenta‑a jín kue̱ꞌe̱ꞌ víꞌí rá ñɨvɨ ya̱ ínaꞌá yuchiꞌ espada jín yutun, ya̱ nta̱jí rá su̱tu̱ꞌ kúñáꞌnú jín rá te̱e ñáꞌnú nu̱u̱nꞌ ñuunꞌ ráa.

Mateo 4:23

Jee jíkónúun Jesús kua̱íyó rá ñuunꞌ sánitɨ́ɨn Galilea, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel yukuán, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ ya̱ kuvi ki̱vɨ ñɨvɨ naꞌá Ndiosíꞌ nu̱u̱nꞌ tátúníꞌ‑i, jee xínúvi re̱ꞌ ntáká rá ñɨvɨ kúꞌvíꞌ jín ntáká rá ñɨvɨ ya̱ táyáꞌ ñunéꞌyúꞌ ráa.

Mateo 6:13

Jee koto chuꞌun nú ichi ránuꞌuꞌ kininkava ránꞌ sikúvi iniꞌ ráníꞌ nu̱u̱nꞌ kua̱chi. Jee sikáku nú ránuꞌuꞌ nu̱u̱nꞌ ya̱ níváꞌa, [chi maánú kúvi ya̱ tátúníꞌ nu̱u̱nꞌ kua̱íyó, jee níso nú fuersáꞌ ííꞌ níꞌinꞌ, jee viiꞌ nasɨ́kuitɨꞌ kúñáꞌnú nú nɨ́ɨ́nkání. Sukuán koo, Amén.] Sukuán kachiꞌ ránú.

Mateo 9:35

Nni̱kónúun Jesús ntáká rá ñuunꞌ jín rá kuaríáꞌ, xínéꞌénꞌ re̱ꞌ Tu̱ꞌun Ndiosíꞌ iniꞌ rá veꞌi sinagoga nu̱u̱nꞌ kútútú rá ñɨvɨ Israel, jee stékútu̱ꞌún re̱ꞌ tu̱ꞌun váꞌa jie̱ꞌe̱ꞌ kuvi ki̱vɨ ñɨvɨ naꞌá Ndiosíꞌ tátúníꞌ‑i nu̱u̱nꞌ ráa, jee suni xínúvi re̱ꞌ rá ñɨvɨ kúꞌvíꞌ nu̱u̱nꞌ ntáká rá kue̱ꞌi̱ꞌ jín rá ñɨvɨ ya̱ táyáꞌ ñunéꞌyúꞌ ráa.

Mateo 9:38

Saáva ka̱ka̱nꞌ táꞌvíꞌ rán nu̱u̱nꞌ Ndiosíꞌ I̱toꞌoꞌ xí tataꞌ sáꞌá vá, ya̱ chuichí re̱ꞌ ka̱ꞌ rá musúꞌ kɨ̱ꞌɨ̱nꞌ ráa nastútúꞌ ráa maa.

Lucas 10:19

Kune̱ꞌyá rán, ntaji ni̱ꞌ nu̱u̱nꞌ ránoꞌó tiñu ñáꞌnú ííꞌ níꞌin níso ni̱ꞌ ya̱ kuvi kua̱ñu̱ꞌ ránú ko̱o̱ꞌ jín ti̱suꞌmaꞌ, jín ya̱ suni kuneí rán nu̱u̱nꞌ nɨꞌɨ fuersáꞌ rá kui̱ꞌna̱ꞌ ya̱ nkenta si̱kɨ̱ꞌ Ndiosíꞌ jee ni ɨɨn ntu̱náꞌ kúvi xtufíꞌ ránoꞌó.

Lucas 21:15

Chi nuꞌuꞌ taji ni̱ꞌ tu̱ꞌun níchí ki̱vɨ antúníꞌ rán na̱ja kaꞌanꞌ rán naxiníkó rán nu̱u̱nꞌ ráa, sáva ni ɨɨn rá ñɨvɨ ya̱ kénta ráa si̱kɨ̱ꞌ ránó ni nsáꞌ kuneí ráa jín rán ni ntu̱náꞌ íyó nakachiꞌ ráa si̱kɨ̱ꞌ tu̱ꞌun kachiꞌ rán.

Lucas 24:49

Jee kune̱ꞌyá rán, chi nuꞌuꞌ chúichí ni̱ꞌ Ta̱chi̱ꞌ Ííꞌ kiji‑i nu̱u̱nꞌ rán sánikua̱ꞌ ya̱ nchi̱sóyuꞌú Tátáꞌ ni̱ꞌ. Soo kino̱o rán kunetu rán nu̱u̱nꞌ ñuunꞌ Jerusalén, nekuaꞌ ni̱ꞌi̱nꞌ rán fuersáꞌ ííꞌ Ndiosíꞌ ya̱ kiji ne̱ antivɨ́ súkún ―nkachiꞌ Jesús nu̱u̱nꞌ ráa.

Lucas 6:13

Jee sáá nku̱nijinꞌ, jee nkana re̱ꞌ rá te̱e kútáꞌán jín re̱ꞌ súkuáꞌa re̱ꞌ, jee nka̱ji re̱ꞌ u̱xu̱ꞌ u̱vi̱ꞌ (12) ráa, ya̱ suni nsi̱kúnání re̱ꞌ ráa apóstol, sáva kuvi ráa najiáꞌáꞌ re̱ꞌ chuichí re̱ꞌ.

Juan 17:2

Chi ntaji nú tiñu níso ni̱ꞌ ya̱ tátúníꞌ ni̱ꞌ nu̱u̱nꞌ ntáká ñɨvɨ ñɨ̱vɨ́, sáva ntáká rá ñɨvɨ ya̱ ntaji nú nu̱u̱nꞌ ni̱ꞌ kɨꞌɨ ráa nu̱u̱nꞌ ni̱ꞌ, ni̱ꞌi̱nꞌ ráa ya̱ kutekuꞌ ráa nɨ́ɨ́nkání jín‑ó saꞌá ni̱ꞌ.

Juan 3:27

Saájee nna̱xiníkó Juan jee nkachiꞌ re̱ꞌ nu̱u̱nꞌ ráa: ―Ni ntu kúvi ni̱ꞌi̱nꞌ ni ɨɨn ñɨvɨ tiñu Ndiosíꞌ saꞌá‑a, retú nsú máá Ndiosíꞌ jiáꞌa tiñu nu̱u̱nꞌ‑u saꞌá‑a.

Juan 3:35

Chi Ndiosíꞌ ya̱ kúvi Tátáꞌ jee ñúnúunꞌ re̱ꞌ Se̱ꞌya re̱ꞌ jee nɨꞌɨ nna̱chiꞌi re̱ꞌ naꞌá Se̱ꞌya re̱ꞌ.

Juan 6:70

Jee nna̱xiníkó Jesús nu̱u̱nꞌ ráa: ―¿Á nsú nuꞌuꞌ nka̱ji ni̱ꞌ u̱xu̱vi̱ꞌ (12) ránoꞌó rúja? Jee ɨɨn ránoꞌó kúvi kui̱ꞌna̱ꞌ.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Hechos 19:15

Soo ta̱chi̱ꞌ kíni vá nna̱xiníkó‑o nu̱u̱nꞌ ráa: ―Jíníꞌ nijia ni̱ꞌ Jesús. Jee jíníꞌ ni̱ꞌ jie̱ꞌe̱ꞌ Pablo. Soo ránoꞌó, ¿né ɨɨn kúvi rán, résa? ―nkachiꞌ‑i.

Apoclipsis 12:1

Saájee ntu̱ví ɨɨn seña a̱nasɨ́ ne̱ antivɨ́ súkún: ɨɨn ñaꞌan yɨ́sukunꞌ ña nka̱niiꞌ kuéntáꞌ ñúꞌún ña saꞌma, jee nééꞌ yo̱o̱ꞌ chi̱ji jie̱ꞌe̱ꞌ ña, jee ñúꞌún xi̱ni̱ꞌ ña ɨɨn corona u̱xu̱ꞌ u̱vi̱ꞌ (12) tiu̱u̱nꞌ.