Mateo 1:18 - Mixteco del suroeste de Tlaxiaco Oaxaca

¹⁸ Suꞌva nkaku Jesús ya̱ kúvi máá Cristo: María, ya̱ kúvi nánáꞌ re̱ꞌ, jee sáá káá náꞌviꞌ jie̱ꞌe̱ꞌ ña tana̱ꞌá ña jín José, jee ne̱ ntiáꞌan ka̱ꞌ ki̱kuneeꞌ ña jín re̱ꞌ, jee niniꞌ re̱ꞌ ya̱ nna̱nise̱ꞌya ña jín fuersáꞌ ííꞌ Ta̱chi̱ꞌ Ííꞌ Ndiosíꞌ.

Mateo 1:18 Iomraidhean Croise

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Mateo 1:1

Yaꞌá ví rá súví rá ñɨvɨ tataꞌ ichiyúkúnꞌ yanaꞌán nu̱u̱nꞌ nkiji Jesús nkaku re̱ꞌ, ya̱ nísotíñú re̱ꞌ ya̱ kúvi re̱ꞌ máá Cristo [ya̱ ñani Ndiosíꞌ re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa]. Jee kúvi Jesús nu̱u̱nꞌ tataꞌ ichiyúkúnꞌ nkene nu̱u̱nꞌ David jee nu̱u̱nꞌ tataꞌ ichiyúkúnꞌ váji nu̱u̱nꞌ Abraham.

Mateo 12:46

Jee ni káꞌánꞌ ka̱ꞌ Jesús jín rá ñɨvɨ kue̱ꞌe̱ꞌ, saájee nkenta nánáꞌ re̱ꞌ jín rá ñaniꞌ re̱ꞌ íñɨ́ ráa ta̱ve̱ꞌí, jee kuíni ráa kaꞌanꞌ ráa jín re̱ꞌ.

Mateo 2:11

Jee sáá nki̱vɨ ráa iniꞌ veꞌi, jee niniꞌ ráa su̱chí lúlí yɨ́ɨ́ vá jín nánáꞌ‑a María, jee ña̱kui̱ñɨ̱ꞌ ítɨ́ ráa, jee nneñu̱ꞌun ráa su̱chí lúlí vá. Jee nine ráa rá kajúnꞌ ya̱tu̱nꞌ ínaꞌá ráa nsi̱kútaꞌviꞌ ráa rá ta̱ꞌvi̱ꞌ nu̱u̱nꞌ su̱chí vá, ya̱ kúvi yu̱u̱ꞌ kuáán yɨ́yáꞌvi nasɨ́kuitɨꞌ, jín su̱jie i̱i̱ꞌ, jín inka ka̱ꞌ su̱jie naní mirra.

Lucas 1:25

“Suꞌva nsa̱ꞌá I̱toꞌoꞌ‑ó jín nuꞌuꞌ, chi vitan íyó mániꞌ iniꞌ re̱ꞌ néꞌyá re̱ꞌ nuꞌuꞌ chi nsíyo re̱ꞌ tu̱nkánuun íyó ni̱ꞌ nu̱u̱nꞌ rá ñɨvɨ ya̱ ntu íyó se̱ꞌya ni̱ꞌ.”

Lucas 2:5

Jee kua̱ꞌa̱nꞌ re̱ꞌ yukuán sáva naku̱ꞌva nkáá re̱ꞌ súví re̱ꞌ jín María yukuán, ya̱ káá náꞌviꞌ re̱ꞌ jín ña, jee nééꞌ kue̱ꞌi̱ꞌ ña.

Hebreos 10:5

Saáva nkiji Cristo iniꞌ ñɨ̱vɨ́ yaꞌá, jee nkachiꞌ‑i nu̱u̱nꞌ Ndiosíꞌ: Ntu kuíni nú rá sa̱na̱ꞌ jín rá nantíñú ya̱ so̱ko̱ꞌ rá ñɨvɨ nu̱u̱nꞌ nú. Chisaꞌ nsa̱ꞌá túꞌva nú yɨkɨkúñu ni̱ꞌ sáva so̱ko̱ꞌ ni̱ꞌ maa.

Hebreos 7:26

Jee saáva, Jesús kúvi nijia re̱ꞌ su̱tu̱ꞌ maá kúñáꞌnú nasɨ́kuitɨꞌ ka̱ꞌ sáni jíniñúꞌún‑ó. Chi i̱i̱ꞌ víꞌí re̱ꞌ, chi ni ntu̱ví kua̱chi re̱ꞌ, jee íyó noo re̱ꞌ, jee íyó sɨ́ɨ́n re̱ꞌ nu̱u̱nꞌ rá ñɨvɨ íyó kua̱chi, jee nkenta kúñáꞌnú nasɨ́kuitɨꞌ re̱ꞌ ne̱ nu̱u̱nꞌ súkún nasɨ́kuitɨꞌ ka̱ꞌ antivɨ́.