Mateo 1:16 - Mixteco del suroeste de Tlaxiaco Oaxaca

¹⁶ jee Jacob nkuvi re̱ꞌ tááꞌ José, jee nkuvi José yɨɨ́ María. Jee maáña nsi̱káku ña Jesús. Jee maáréꞌ ví ya̱ káchíꞌ‑ó ya̱ kúvi re̱ꞌ Cristo [ya̱ nta̱jí Ndiosíꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa].

Mateo 1:16 Iomraidhean Croise

Mateo 1:15

jee Eliud nkuvi re̱ꞌ tááꞌ Eleazar, jee Eleazar nkuvi re̱ꞌ tááꞌ Matán, jee Matán nkuvi re̱ꞌ tááꞌ Jacob,

Mateo 16:16

Saájee nna̱xiníkó Simón Pedro, jee nkachiꞌ‑i: ―Noꞌó kúvi nú Cristo, Se̱ꞌya Ndiosíꞌ tékúꞌ.

Mateo 16:20

Saájee nta̱túníꞌ Jesús nu̱u̱nꞌ rá te̱e súkuáꞌa re̱ꞌ vá, ya̱ koto káchíꞌ ráa nu̱u̱nꞌ ni ɨɨn ñɨvɨ ya̱ maáréꞌ kúvi Cristo.

Mateo 2:13

Jee sáá ya̱ kua̱noꞌonꞌ rá te̱e tu̱ꞌva níchí xi̱ni̱ꞌ vá, saájee ntu̱vi ɨɨn najiáꞌáꞌ ííꞌ I̱toꞌoꞌ‑ó nu̱u̱nꞌ ñuma̱ꞌná José jee nkachiꞌ‑i nu̱u̱nꞌ re̱ꞌ: ―Nako̱o, keꞌen te̱lúlí jín nánáꞌ re̱ꞌ, jee kene yuꞌuꞌ kaku nú kuáꞌánꞌ jín ráa nu̱u̱nꞌ ñuꞌún ñuunꞌ Egipto, jee kino̱o rán yukuán ne̱kua̱ꞌ kachiꞌ ni̱ꞌ nu̱u̱nꞌ nú ya̱ nikó rán. Chi Herodes tají re̱ꞌ rá te̱e nanukú ráa te̱lúlí yaꞌá sáva kaꞌniꞌ ráa maa ―nkachiꞌ najiáꞌáꞌ ííꞌ vá.

Mateo 27:17

Jee sáá nku̱tútú rá ñɨvɨ, jee ni̱ka̱tu̱ꞌún Pilato ráa: ―¿Né ɨɨn te̱e kuíni rán ya̱ nakani núne ni̱ꞌ: á Barrabás áxí Jesús, ya̱ káchíꞌ ñɨvɨ ya̱ kúvi Cristo? ―nkachiꞌ re̱ꞌ suꞌva,

Mateo 27:22

Jee nkachiꞌ Pilato nu̱u̱nꞌ ráa: ―¿Ná kúvi ya̱ saꞌá ni̱ꞌ jín Jesús ya̱ káchíꞌ ñɨvɨ ya̱ kúvi Cristo résa? ―nkachiꞌ re̱ꞌ. Jee ntáká kuitɨꞌ ráa nkachiꞌ: ―¡Tekaa maa nu̱u̱nꞌ kurúsiꞌ sáva kuviꞌ‑i! ―nkachiꞌ ráa.

Marcos 6:3

¿Á nsú te̱e chutáꞌán yutun ví te̱e yaꞌá, rúsa? Jín, ¿á nsú se̱ꞌya María kúvi re̱ꞌ?, jee, ¿á nsú kúvi re̱ꞌ ñaniꞌ Jacobo, José, Judas, jín Simón? Jee, ¿á suni nsáꞌ nééꞌ rá ku̱ꞌva re̱ꞌ yaꞌá nteñu‑ó, rúsa? ―nkachiꞌ rá ñɨvɨ ñuunꞌ yukuán. Saájee nku̱níní iniꞌ ráa jie̱ꞌe̱ꞌ re̱ꞌ.

Lucas 1:27

Ña̱ne̱ꞌyá‑a ɨɨn ñaꞌan súchí núún jee káá náꞌviꞌ jie̱ꞌe̱ꞌ ña ya̱ tana̱ꞌá ña jín ɨɨn te̱e naní José ya̱ kúvi re̱ꞌ se̱ꞌya ichiyúkúnꞌ va̱ji nu̱u̱nꞌ David. Jee ñaꞌan súchí núún vá naní ña María.

Lucas 2:48

Jee sáá niniꞌ rá sɨꞌɨ́‑ɨ maa jee nti̱vɨ́ xíniꞌ ráa jee nkachiꞌ nánáꞌ‑a nu̱u̱nꞌ‑u: ―Se̱ꞌya yɨ́ɨ́, ¿na̱ kuvi chi nsa̱ꞌá nú suꞌva jín ránuꞌuꞌ? Chi tátáꞌ nú jín nuꞌuꞌ, nániꞌvɨꞌ iniꞌ ránꞌ nánukú ránꞌ noꞌó.

Lucas 2:7

Jee nsi̱káku ña se̱ꞌya yɨ́ɨ́ ña ya̱ kúvi se̱ꞌya xíꞌnañúꞌún ña, jee nsu̱kún ña saꞌma maa, jee ñakɨnꞌ ña maa nu̱u̱nꞌ káá ya̱ yájíꞌ rá sa̱na̱ꞌ, chi ntu̱ví íyó núne ka̱ꞌ iniꞌ veꞌi nu̱u̱nꞌ kínóo rá ñɨvɨ.

Lucas 3:23

Jee sáá nka̱jiéꞌé Jesús saꞌá re̱ꞌ tiñu njiáꞌa Ndiosíꞌ nu̱u̱nꞌ re̱ꞌ jee íñɨ́ re̱ꞌ yatin o̱ko̱ꞌ u̱ji̱ꞌ (30) kui̱ya̱ꞌ. Jee rá ñɨvɨ jiáni iniꞌ ráa ya̱ se̱ꞌya José kúvi re̱ꞌ, jee nkuvi re̱ꞌ ichiyúkúnꞌ nkene re̱ꞌ ne̱ nu̱u̱nꞌ Elí,

Lucas 4:22

Jee ntáká rá ñɨvɨ káꞌánꞌ va̱ꞌa ráa jie̱ꞌe̱ꞌ re̱ꞌ jee tívɨ́ xíniꞌ ráa jie̱ꞌe̱ꞌ rá tu̱ꞌun viiꞌ káchíꞌ re̱ꞌ, jee nkachiꞌ ráa: ―¿Á nsú se̱ꞌya José kúvi te̱e yaꞌá rúja?

Juan 4:25

Jee nkachiꞌ ña nu̱u̱nꞌ re̱ꞌ: ―Ya jíníꞌ ni̱ꞌ ya̱ kiji Mesías, ya̱ káchíꞌ‑ó Cristo. Jee sáá kiaaꞌ re̱ꞌ jee nakachiꞌ va̱ꞌa re̱ꞌ nɨꞌɨ nu̱u̱nꞌ‑ó ―nkachiꞌ ña.