Mateo 1:1 - Mixteco del suroeste de Tlaxiaco Oaxaca

¹ Yaꞌá ví rá súví rá ñɨvɨ tataꞌ ichiyúkúnꞌ yanaꞌán nu̱u̱nꞌ nkiji Jesús nkaku re̱ꞌ, ya̱ nísotíñú re̱ꞌ ya̱ kúvi re̱ꞌ máá Cristo [ya̱ ñani Ndiosíꞌ re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa]. Jee kúvi Jesús nu̱u̱nꞌ tataꞌ ichiyúkúnꞌ nkene nu̱u̱nꞌ David jee nu̱u̱nꞌ tataꞌ ichiyúkúnꞌ váji nu̱u̱nꞌ Abraham.

Mateo 1:1 Iomraidhean Croise

Génesis 12:3

Saꞌá ni̱ꞌ ya̱ netuꞌ kuvi rá ñɨvɨ ya̱ saꞌá ráa ya̱ netuꞌ kuvi noꞌó jín rá se̱ꞌya ichiyúkúnꞌ nú. Jee rá ñɨvɨ ya̱ chisónínu ráa saꞌá kini rá kune̱ꞌyá ráa ránoꞌó, jee chisónínu ni̱ꞌ ráa kunoꞌo ráa. Jee jie̱ꞌe̱ꞌ noꞌó ni̱ꞌi̱nꞌ ñɨvɨ nɨꞌɨ rá tataꞌ ichiyúkúnꞌ ñɨvɨ ñɨ̱vɨ́ ya̱ netuꞌ kuvi ráa”, nkachiꞌ I̱toꞌoꞌ‑ó.

Génesis 2:4

Tu̱ꞌun yaꞌá ví ya̱ nkaꞌanꞌ jie̱ꞌe̱ꞌ súkún jín ñɨ̱vɨ́ sáá nkenta ña̱ko̱o ráa sáá nsa̱ꞌá Ndiosíꞌ maa. Sáá nsa̱ꞌá I̱toꞌoꞌ‑ó Ndiosíꞌ ñɨ̱vɨ́ jín súkún,

Génesis 22:18

Jee kuatíñú ni̱ꞌ rá ichiyúkúnꞌ nú sáva saꞌá ni̱ꞌ ya̱ netuꞌ kuvi rá ñɨvɨ ntáká rá nación íyó ñɨ̱vɨ́ yaꞌá, chi jie̱ꞌe̱ꞌ nika̱ꞌ nka̱níjiá nú ya̱ káchíꞌ ni̱ꞌ ―nkachiꞌ máá najiáꞌáꞌ ííꞌ I̱toꞌoꞌ.

Génesis 5:1

Yaꞌá ví rá ñɨvɨ váji ráa nu̱u̱nꞌ ichiyúkúnꞌ nkene ráa nu̱u̱nꞌ Adán. Sáá nsa̱ꞌá Ndiosíꞌ ñɨvɨ ñunéꞌyúꞌ, nsa̱ꞌá re̱ꞌ ráa kua̱ꞌ íyó maáréꞌ.

Mateo 1:18

Suꞌva nkaku Jesús ya̱ kúvi máá Cristo: María, ya̱ kúvi nánáꞌ re̱ꞌ, jee sáá káá náꞌviꞌ jie̱ꞌe̱ꞌ ña tana̱ꞌá ña jín José, jee ne̱ ntiáꞌan ka̱ꞌ ki̱kuneeꞌ ña jín re̱ꞌ, jee niniꞌ re̱ꞌ ya̱ nna̱nise̱ꞌya ña jín fuersáꞌ ííꞌ Ta̱chi̱ꞌ Ííꞌ Ndiosíꞌ.

Mateo 1:2

Abraham nkuvi re̱ꞌ tááꞌ Isaac, jee Isaac nkuvi re̱ꞌ tááꞌ Jacob, jee Jacob nkuvi re̱ꞌ tááꞌ Judá jín rá inka ka̱ꞌ ñaniꞌ Judá,

Mateo 15:22

Jee yukuán nééꞌ ɨɨn ñaꞌan ñuunꞌ Canaán, jee nkenta ña nu̱u̱nꞌ Jesús, jee ne̱ kánajíín ña, jee nkachiꞌ ña: ―I̱toꞌoꞌ, noꞌó ya̱ kúvi nú Se̱ꞌya tataꞌ ichiyúkúnꞌ veꞌi David, kunáꞌví iniꞌ nú nuꞌuꞌ. Chi se̱ꞌya sɨ́ꞌɨ́ ni̱ꞌ yɨ́ꞌɨ́ ta̱chi̱ꞌ kíni ña, jee nóꞌo víꞌí ña ―nkachiꞌ‑i.

Mateo 3:16

Jee sáá nkuvi ña̱nuté Jesús, jee máá nkene re̱ꞌ nu̱u̱nꞌ nute, jee máá hora yukuán nnine ne̱ antivɨ́ súkún nu̱u̱nꞌ nééꞌ Ndiosíꞌ, jee niniꞌ Jesús Ta̱chi̱ꞌ Ííꞌ Ndiosíꞌ ya̱ va̱ji nkuun kuéntáꞌ ɨɨn paloma, ña̱ko̱so̱ꞌ‑o re̱ꞌ.

Mateo 9:27

Jee nkene Jesús yukuán jee kua̱ꞌa̱nꞌ re̱ꞌ, jee u̱vi̱ꞌ te̱e kuáá nchi̱nikɨnꞌ ráa re̱ꞌ, jee kánajíín ráa, jee nkachiꞌ ráa: ―¡Kunáꞌví iniꞌ nú kune̱ꞌyá nú ránuꞌuꞌ, noꞌó ya̱ kúvi nú Se̱ꞌya ichiyúkúnꞌ David! ―nkachiꞌ ráa.

Lucas 1:33

Jee tatúníꞌ‑i nɨ́ɨ́nkání nu̱u̱nꞌ rá ñɨvɨ ñuunꞌ Israel, jee ni nsáꞌ koo nu̱u̱nꞌ jínu tiñu tátúníꞌ‑i ―nkachiꞌ najiáꞌáꞌ ííꞌ vá.

Juan 7:42

Chi, ¿á ntu káchíꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ kaku Cristo nu̱u̱nꞌ tataꞌ ichiyúkúnꞌ váji ne̱ nu̱u̱nꞌ David, jee te̱e ñuunꞌ Belén kuvi re̱ꞌ, nu̱u̱nꞌ kúvi ñuunꞌ nu̱u̱nꞌ nneeꞌ David ne̱ yanaꞌán rúja? ―nkachiꞌ rá ñɨvɨ vá.

Hechos 2:30

Jee nkuvi re̱ꞌ ɨɨn te̱e ya̱ nna̱kani tu̱ꞌun nkene yuꞌú Ndiosíꞌ. Jee nku̱káꞌnú iniꞌ re̱ꞌ ya̱ nchi̱sóyuꞌú Ndiosíꞌ nu̱u̱nꞌ re̱ꞌ, ya̱ koo ɨɨn te̱e ya̱ kuvi‑i ichiyúkúnꞌ ya̱ kene ne̱ nu̱u̱nꞌ maáréꞌ ya̱ kenta nakui̱ñɨ̱ꞌ te̱e vá nu̱u̱nꞌ tiñu nniso re̱ꞌ sáva kuneeꞌ‑e teyuꞌ ñáꞌnú tatúníꞌ‑i.

Romanos 1:3

jie̱ꞌe̱ꞌ Se̱ꞌya re̱ꞌ Jesús, ya̱ nkuvi tataꞌ ichiyúkúnꞌ nkiji‑i nu̱u̱nꞌ David sáá nkiji‑i kuvi‑i ñɨvɨ ñunéꞌyúꞌ.

Romanos 4:13

Chi nchi̱sóyuꞌú Ndiosíꞌ ta̱ꞌvi̱ꞌ nu̱u̱nꞌ Abraham jín nu̱u̱nꞌ rá se̱ꞌya ichiyúkúnꞌ váji ne̱ nu̱u̱nꞌ re̱ꞌ ya̱ ni̱ꞌi̱nꞌ ráa nɨꞌɨ ñuꞌun ñɨ̱vɨ́ yaꞌá. Jee nchi̱sóyuꞌú Ndiosíꞌ maa nsú jie̱ꞌe̱ꞌ nsi̱kúnkuvi Abraham tu̱ꞌun ley ya̱ nta̱túníꞌ Ndiosíꞌ ya̱ njia̱ꞌa‑a nu̱u̱nꞌ Moisés, chisaꞌ jie̱ꞌe̱ꞌ kínóo na̱a̱ꞌ re̱ꞌ ya̱ váji ne̱ nu̱u̱nꞌ kúneí iniꞌ re̱ꞌ Ndiosíꞌ.

Romanos 9:5

Jee suviráa kúvi ichiyúkúnꞌ váji ráa nu̱u̱nꞌ rá tátáꞌ jííꞌ ráa ya̱ nku̱ñáꞌnú nu̱u̱nꞌ Israel yanaꞌán. Jee nu̱u̱nꞌ tataꞌ ichiyúkúnꞌ ráa nkene Cristo sáá nkiji re̱ꞌ nkuvi re̱ꞌ te̱e ñunéꞌyúꞌ. Jee suvire̱ꞌ vá kúvi Ndiosíꞌ ya̱ tátúníꞌ re̱ꞌ nu̱u̱nꞌ kua̱íyó ya̱ íyó, jee netuꞌ kúvi re̱ꞌ nɨ́ɨ́nkání. ¡Suꞌva koo, amén!

Gálatas 3:16

Saájee rá váꞌa nchi̱sóyuꞌú Ndiosíꞌ nu̱u̱nꞌ Abraham jín nu̱u̱nꞌ se̱ꞌya ichiyúkúnꞌ nkene nu̱u̱nꞌ re̱ꞌ. Nu̱u̱nꞌ Tutuꞌ Ííꞌ níso Tu̱ꞌun Ndiosíꞌ ntu káchíꞌ‑i: “jín nu̱u̱nꞌ rá ichiyúkúnꞌ nú”, ya̱ káꞌánꞌ‑a jie̱ꞌe̱ꞌ kéꞌín ñɨvɨ. Chisaꞌ káꞌánꞌ‑a jie̱ꞌe̱ꞌ ɨɨn ni, jee káchíꞌ‑i: “jín nu̱u̱nꞌ Se̱ꞌya ichiyúkúnꞌ nú”, ya̱ kúvi‑i Cristo.

1 Timoteo 2:5

Chi kua̱chi ɨɨn Ndiosíꞌ ni íyó. Jee íyó kua̱chi ɨɨn ni ya̱ saꞌá‑a ya̱ nakama̱ni̱ꞌ ñɨvɨ jín Ndiosíꞌ. Máá Cristo Jesús ví te̱e vá.

2 Timoteo 2:8

Jee naku̱ꞌun iniꞌ nú Jesús ya̱ kúvi Cristo ya̱ nna̱tekuꞌ i̱i̱ꞌ re̱ꞌ nkene re̱ꞌ nteñu rá níꞌiꞌ. Jee nkuvi re̱ꞌ Se̱ꞌya ichiyúkúnꞌ nkene ne̱ nu̱u̱nꞌ David. Yaꞌá ví sánikua̱ꞌ tu̱ꞌun váꞌa jie̱ꞌe̱ꞌ Cristo ya̱ káchítu̱ꞌún ni̱ꞌ.

Apoclipsis 22:16

’Jee nuꞌuꞌ Jesús, nchu̱ichí ni̱ꞌ najiáꞌáꞌ ííꞌ ni̱ꞌ sáva stúvi re̱ꞌ nu̱u̱nꞌ noꞌó rá tu̱ꞌun na̱a̱ꞌ yaꞌá sáva ku̱ꞌva nú maa nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ne̱ nu̱u̱nꞌ David váji ni̱ꞌ ya̱ kúvi ni̱ꞌ Se̱ꞌya ichiyúkúnꞌ ya̱ nkene ni̱ꞌ ne̱ nu̱u̱nꞌ David. Viiꞌ víꞌí kúñáꞌnú ni̱ꞌ kuéntáꞌ kua̱ꞌ viiꞌ jiánu̱te̱ꞌ tiu̱u̱nꞌ xúꞌún ya̱ kenta ntáká ya̱neꞌenꞌ.