Lucas 9:12 - Mixteco del suroeste de Tlaxiaco Oaxaca

¹² Jee sáá kuáini, jee ña̱kuyatin rá ni uxúꞌ u̱vi̱ꞌ rá te̱e kútáꞌán jín re̱ꞌ súkuáꞌa re̱ꞌ ráa jee nkachiꞌ ráa nu̱u̱nꞌ re̱ꞌ: ―Nachuichí nú rá ñɨvɨ kɨ̱ꞌɨ̱nꞌ rá nu̱u̱nꞌ rá ñuunꞌ jín rá kuaríáꞌ káá ti̱yu̱ꞌ yatin, sáva kɨ̱nukú ráa nu̱u̱nꞌ kino̱o ráa jín ya̱ kajiꞌ ráa, chi nu̱u̱nꞌ íyó‑ó yaꞌá, jee nu̱u̱nꞌ ñu̱ꞌún sáɨn nu̱u̱nꞌ ntu nééꞌ ñɨvɨ ví yaꞌá ―nkachiꞌ ráa.

Lucas 9:12 Iomraidhean Croise

Mateo 14:13

Jee sáá nteso̱ꞌo Jesús ya̱ nkuvi sukuán jín Juan, jee nkene re̱ꞌ, ña̱ku̱ꞌun re̱ꞌ iniꞌ ɨɨn barkúꞌ, jee kua̱ꞌa̱nꞌ re̱ꞌ ɨɨn nu̱u̱nꞌ ñu̱ꞌún saɨn káá sɨ́ɨ́n nu̱u̱nꞌ ntu̱náꞌ ñɨvɨ nééꞌ sáva kuneeꞌ sɨ́ɨ́n métúꞌún re̱ꞌ. Soo sáá nteso̱ꞌo rá ñɨvɨ ya̱ kua̱ꞌa̱nꞌ re̱ꞌ iniꞌ barkúꞌ, jee nkene ráa nu̱u̱nꞌ rá ñuunꞌ nééꞌ ráa, jee jíka jiéꞌé ráa kua̱ꞌa̱nꞌ ráa níkɨ́nꞌ ráa re̱ꞌ.

Mateo 15:23

Soo ni ɨɨn tu̱ꞌun ntu̱náꞌ nna̱xiníkó kuitɨꞌ Jesús nu̱u̱nꞌ ña. Saájee ña̱kuyatin rá te̱e súkuáꞌa re̱ꞌ vá nu̱u̱nꞌ re̱ꞌ, jee ni̱ka̱nꞌ táꞌvíꞌ ráa nu̱u̱nꞌ re̱ꞌ, jee nkachiꞌ ráa: ―Nachuichí ñaꞌan vá kɨ̱ꞌɨ̱nꞌ iyo ña, chi va̱ji ña kánajíín ña ya̱ta̱ꞌ‑ó ―nkachiꞌ ráa.

Mateo 15:32

Saájee nkana Jesús rá te̱e súkuáꞌa re̱ꞌ vá, jee nkachiꞌ re̱ꞌ nu̱u̱nꞌ ráa: ―Kúnáꞌví iniꞌ ni̱ꞌ néꞌyá ni̱ꞌ rá ñɨvɨ kue̱ꞌe̱ꞌ yaꞌá, chi ya̱ nkuvi u̱ni̱ꞌ ki̱vɨ̱ꞌ nééꞌ ráa jín nuꞌuꞌ, jee ntu̱náꞌ íyó ya̱ kajiꞌ ráa. Jee ntu kuíni ni̱ꞌ nachuichí niteꞌ ni̱ꞌ ráa noꞌonꞌ ráa, nsuñájee kuneenꞌ nu̱u̱nꞌ ráa so̱ko ―nkachiꞌ re̱ꞌ.

Lucas 9:11

Jee sáá nku̱káꞌnú iniꞌ rá ñɨvɨ kue̱ꞌe̱ꞌ jee kua̱ꞌa̱nꞌ ráa yukuán, jee ni̱yo ma̱ni̱ꞌ re̱ꞌ nna̱tɨɨn re̱ꞌ ráa, jee káchíꞌ re̱ꞌ nu̱u̱nꞌ ráa na̱ja tatúníꞌ Ndiosíꞌ nu̱u̱nꞌ rá ñɨvɨ ki̱vɨ xi̱ntíín Ndiosíꞌ. Jee suni ñɨvɨ kúꞌvíꞌ ya̱ jíniñúꞌún ráa ya̱ nuvi ráa jee nxi̱núvi re̱ꞌ ráa.

Lucas 9:13

Soo nkachiꞌ Jesús nu̱u̱nꞌ ráa: ―Ku̱ꞌva rán kajiꞌ ráa ―nkachiꞌ re̱ꞌ. Soo nkachiꞌ ráa: ―Ntu̱náꞌ kue̱ꞌe̱ꞌ íyó ínaꞌá ránꞌ chi kua̱chi u̱ꞌu̱nꞌ i̱xta̱tíláꞌ ni jín u̱vi̱ꞌ tia̱ká ni íyó. Áxí soo nika̱ꞌ retú ki̱ke̱ꞌen ránꞌ ya̱ kajiꞌ ntáká rá ñɨvɨ kue̱ꞌe̱ꞌ yaꞌá rúja ―nkachiꞌ rá te̱e kútáꞌán jín re̱ꞌ sukuáꞌa re̱ꞌ ráa.

Juan 6:1

Jee sáá njia̱ꞌa rá yaꞌá, kua̱ꞌa̱nꞌ Jesús íyo ka̱ꞌ ichi yúnteñúꞌún Galilea, ya̱ suni naní Tiberias.

Filipenses 1:19

chi jíníꞌ ni̱ꞌ, ya̱ jie̱ꞌe̱ꞌ nta̱ká tiñu yaꞌá kene va̱ꞌa jín nuꞌuꞌ, jie̱ꞌe̱ꞌ ya̱ káꞌánꞌ rán jín Ndiosíꞌ jie̱ꞌe̱ꞌ ni̱ꞌ, jín jie̱ꞌe̱ꞌ ya̱ chíneí chítuvi Ta̱chi̱ꞌ Ííꞌ Jesús ya̱ kúvi Cristo nuꞌuꞌ.