Lucas 9:1 - Mixteco del suroeste de Tlaxiaco Oaxaca

¹ Nkana Jesús nastútú re̱ꞌ ni uxúꞌ u̱vi̱ꞌ (12) rá te̱e kútáꞌán jín re̱ꞌ súkuáꞌa re̱ꞌ ráa, jee njia̱ꞌa re̱ꞌ fuersáꞌ ííꞌ níꞌin nu̱u̱nꞌ ráa jín tiñu tatúníꞌ ráa sáva tavaꞌ ráa rá kui̱ꞌna̱ꞌ yɨ́ꞌɨ́ iniꞌ rá ñɨvɨ, jín suni sáva xinúvi ráa rá ñɨvɨ kúꞌvíꞌ.

Lucas 9:1 Iomraidhean Croise

Mateo 16:19

Jee taji ni̱ꞌ nu̱u̱nꞌ noꞌó nakáa ya̱ jíne‑e sáva ki̱vɨ ñɨvɨ xi̱ntíín Ndiosíꞌ ya̱ nééꞌ antivɨ́ súkún tátúníꞌ re̱ꞌ nu̱u̱nꞌ‑u. Jee néni ɨɨn tu̱ꞌun ni̱ꞌ xinéꞌénꞌ nú iniꞌ ñɨ̱vɨ́ yaꞌá ya̱ ntu íyó saꞌá ñɨvɨ maa, jee suni ya nkachiꞌ Ndiosíꞌ ya̱ nééꞌ antivɨ́ súkún ya̱ ntu íyó saꞌá ñɨvɨ maa. Jee néni ɨɨn tu̱ꞌun ni̱ꞌ xinéꞌénꞌ nú iniꞌ ñɨ̱vɨ́ yaꞌá ya̱ kuvi saꞌá ñɨvɨ maa, jee suni ya nkachiꞌ Ndiosíꞌ ya̱ kuvi saꞌá ñɨvɨ maa.

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Mateo 8:9

Chi nuꞌuꞌ, jee suni yɨ́ꞌɨ́ ni̱ꞌ xi̱ntíín inka te̱e tátúníꞌ nu̱u̱nꞌ ni̱ꞌ. Jee yɨ́ꞌɨ́ rá soldado xi̱ntíín ni̱ꞌ. Jee káchíꞌ ni̱ꞌ nu̱u̱nꞌ ɨɨn ráa: “kuáꞌán”, jee kua̱ꞌa̱nꞌ‑a, jee káchíꞌ ni̱ꞌ nu̱u̱nꞌ inka: “neꞌenꞌ”, jee va̱ji‑i. Jee káchíꞌ ni̱ꞌ nu̱u̱nꞌ musúꞌ ni̱ꞌ: “saꞌá tiñu yaꞌá”, jee sáꞌá‑a vá ―nkachiꞌ capitán vá.

Lucas 10:1

Jee sáá njia̱ꞌa rá yukuán, jee ñani I̱toꞌoꞌ‑ó inka u̱ni̱xiko u̱ji̱ꞌ (70) ka̱ꞌ rá te̱e jee nchu̱ichí re̱ꞌ ni uvíꞌ ni uvíꞌ ráa kua̱ꞌa̱nꞌ xíꞌna ka̱ꞌ ntáká rá ñuunꞌ ntáká nu̱u̱nꞌ ya̱ íyó kɨ̱ꞌɨ̱nꞌ re̱ꞌ.

Lucas 10:19

Kune̱ꞌyá rán, ntaji ni̱ꞌ nu̱u̱nꞌ ránoꞌó tiñu ñáꞌnú ííꞌ níꞌin níso ni̱ꞌ ya̱ kuvi kua̱ñu̱ꞌ ránú ko̱o̱ꞌ jín ti̱suꞌmaꞌ, jín ya̱ suni kuneí rán nu̱u̱nꞌ nɨꞌɨ fuersáꞌ rá kui̱ꞌna̱ꞌ ya̱ nkenta si̱kɨ̱ꞌ Ndiosíꞌ jee ni ɨɨn ntu̱náꞌ kúvi xtufíꞌ ránoꞌó.

Juan 14:12

Jee máá naáꞌ vá káchíꞌ ni̱ꞌ nu̱u̱nꞌ rán: Ɨɨn ñɨvɨ ya̱ kúneí iniꞌ‑i nuꞌuꞌ, jee rá tiñu ya̱ sáꞌá nuꞌuꞌ, jee suni saꞌá‑a rá tiñu vá. Jee saꞌ víꞌí káꞌ saꞌá‑a tiñu ñáꞌnú ka̱ꞌ nsú káꞌ tiñu yaꞌá, chi nuꞌuꞌ jee kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Hechos 3:16

Jie̱ꞌe̱ꞌ kúneí iniꞌ ránꞌ tiñu níso Jesús nnu̱fésáꞌ te̱e yaꞌá, ya̱ néꞌyá rán maa, jee jíníꞌ rán maa. Jee nu̱u̱nꞌ súví Jesús jín jie̱ꞌe̱ꞌ kúneí iniꞌ ránꞌ re̱ꞌ jee nkenta nuva̱ꞌa te̱e yaꞌá ichinúúnꞌ nɨꞌɨ rán.

Hechos 4:30

Jee jín fuersáꞌ ííꞌ nú xinúvi nú rá kúꞌvíꞌ, jee saꞌá nú rá seña a̱nasɨ́ ya̱ kuniꞌ ráa ya̱ kúñáꞌnú nú, jín rá a̱nasɨ́ ya̱ xtívɨ́‑ɨ xíniꞌ rá ñɨvɨ, nu̱u̱nꞌ súví Se̱ꞌya ííꞌ nú, Jesús.

Hechos 9:34

Jee nkachiꞌ Pedro nu̱u̱nꞌ‑u: ―Eneas. Jesús, ya̱ kúvi Cristo chi, nxi̱núvi re̱ꞌ noꞌó. Nako̱o. Jee nasaꞌá stákoo i̱to nú. Jee kuísá ntañúꞌún nnako̱o re̱ꞌ.