Lucas 8:41 - Mixteco del suroeste de Tlaxiaco Oaxaca

⁴¹ Saájee yukuán nkenta ɨɨn te̱e naní re̱ꞌ Jairo, kúvi re̱ꞌ ɨɨn te̱e kúñáꞌnú nééꞌ kuéntáꞌ re̱ꞌ veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ, jee ña̱kui̱ñɨ̱ꞌ ítɨ́ re̱ꞌ ña̱xin re̱ꞌ maáréꞌ nu̱u̱nꞌ ñuꞌun jie̱ꞌe̱ꞌ Jesús, jee ni̱ka̱nꞌ táꞌvíꞌ re̱ꞌ nu̱u̱nꞌ‑u ya̱ kɨ̱ꞌɨ̱nꞌ‑ɨ veꞌi re̱ꞌ jín re̱ꞌ.

Lucas 8:41 Iomraidhean Croise

Lucas 13:14

Soo te̱e kúñáꞌnú néen kuéntáꞌ veñu̱ꞌun vá, nki̱tɨ̱ꞌ iniꞌ‑i ya̱ nxi̱núvi Jesús ñaꞌan vá ki̱vɨ̱ꞌ nájiáví, jee nkachiꞌ‑i nu̱u̱nꞌ rá ñɨvɨ kue̱ꞌe̱ꞌ: ―Íyó i̱ñu̱ꞌ ki̱vɨ̱ꞌ ya̱ íyó satíñú‑ó, jee ɨɨn rá ki̱vɨ̱ꞌ yukuán íyó kiji rán jee nuvi rán, jee nsú ki̱vɨ̱ꞌ nájiáví kiji rán sáva nuvi rán ―nkachiꞌ te̱e kúñáꞌnú vá.

Lucas 17:16

Jee nna̱kui̱ñɨ̱ꞌ ítɨ́‑ɨ jie̱ꞌe̱ꞌ Jesús, jee ña̱xin‑i nu̱u̱nꞌ‑u ne̱ nu̱u̱nꞌ ñu̱ꞌún, jiáꞌa‑a ya̱ kútaꞌviꞌ‑i nu̱u̱nꞌ Jesús. Jee kúvi‑i ɨɨn te̱e ñuunꞌ Samaria.

Lucas 5:8

Jee sáá niniꞌ Simón Pedro ya̱ nkuvi sukuán, jee nna̱kui̱ñɨ̱ꞌ ítɨ́ re̱ꞌ nu̱u̱nꞌ Jesús jee nkachiꞌ re̱ꞌ: ―Siíyo nú maánú nu̱u̱nꞌ nuꞌuꞌ, I̱toꞌoꞌ ni̱ꞌ, chi te̱e kua̱chi kúvi ni̱ꞌ ―nkachiꞌ re̱ꞌ.

Lucas 8:42

Chi se̱ꞌya sɨ́ꞌɨ́ métúꞌún re̱ꞌ, ya̱ íñɨ́ ña yatin u̱xu̱ꞌ u̱vi̱ꞌ (12) kui̱ya̱ꞌ, sa̱néꞌ íyó kuviꞌ ña. Soo ni kua̱ꞌa̱nꞌ Jesús jín re̱ꞌ, jee ne̱ nákuniꞌi rá ñɨvɨ kue̱ꞌe̱ꞌ vá Jesús níkɨ́nꞌ ráa maa.

Lucas 8:49

Jee ni káꞌánꞌ i̱i̱ꞌ re̱ꞌ ka̱ꞌ, nkenta ɨɨn te̱e nééꞌ veꞌi Jairo, te̱e kúñáꞌnú néen kuéntáꞌ veñu̱ꞌun kúvi sinagoga, jee nkachiꞌ‑i nu̱u̱nꞌ Jairo: ―Ya̱ ni̱ꞌi̱ꞌ se̱ꞌya sɨ́ꞌɨ́ nú. Koto xtáña̱ꞌán nú ka̱ꞌ Mestrúꞌ kɨ̱ꞌɨ̱nꞌ‑ɨ jín nú ―nkachiꞌ‑i.

Juan 11:21

Saájee nkachiꞌ Marta nu̱u̱nꞌ Jesús: ―I̱toꞌoꞌ, retánꞌ nneeꞌ nú yaꞌá, jee va̱ni nku̱víꞌ ku̱ꞌva ni̱ꞌ nékúvi.

Hechos 13:15

Sáá nkuvi nkaꞌvi ɨɨn te̱e nu̱u̱nꞌ rá ñɨvɨ yakuꞌ tu̱ꞌun ley Ndiosíꞌ, ya̱ ntee Moisés yanaꞌán, jín yakuꞌ tu̱ꞌun ya̱ njia̱ꞌa Ndiosíꞌ nu̱u̱nꞌ rá te̱e ya̱ ntee ráa maa yanaꞌán, jee nta̱jí rá te̱e kúñáꞌnú veꞌi sinagoga kachiꞌ ráa nu̱u̱nꞌ Pablo jín Bernabé: ―Ránoꞌó ñaniꞌ. Retú íyó ya̱ kachiꞌ rán nasáneí rán iniꞌ rá ñɨvɨ, kachiꞌ rán xá maa.

Hechos 18:17

I̱ña̱jée ntɨɨn nɨꞌɨ ráa te̱e kúñáꞌnú nu̱u̱nꞌ veꞌi sinagoga rá ñɨvɨ Israel, naní Sóstenes. Jee njia̱ꞌa ráa maa ichinúúnꞌ vetíñú. Soo ntu̱né nsa̱ꞌá Galión kuéntáꞌ ya̱ sáꞌá ráa.

Hechos 18:8

Jee Crispo ví te̱e kúñáꞌnú sinagoga. Suvire̱ꞌ jín nɨꞌɨ táꞌán veꞌi re̱ꞌ nku̱neí iniꞌ ráa I̱toꞌoꞌ‑ó. Jee sáá nteso̱ꞌo kue̱ꞌe̱ꞌ ñɨvɨ ñuunꞌ Corinto tu̱ꞌun yaꞌá, jee ni̱nu̱ꞌ iniꞌ ráa jee ña̱nuté ráa.

Hechos 9:38

Soo ñuunꞌ Lida káá yatin jín ñuunꞌ Jope. Jee sáá nteso̱ꞌo rá ñɨvɨ níkɨ́nꞌ ichi Jesús, ya̱ nééꞌ Pedro yukuán, jee nta̱jí ráa u̱vi̱ꞌ te̱e kua̱ꞌa̱nꞌ ka̱ka̱nꞌ táꞌvíꞌ ráa nu̱u̱nꞌ re̱ꞌ: ―Koto kúkuéé nú jee kiji nú xá nu̱u̱nꞌ ñuunꞌ Jope.

Apoclipsis 5:8

Jee sáá ntɨɨn re̱ꞌ tutuꞌ vá, jee ni kúmíꞌ rá tékúꞌ vá, jín ni ókóꞌ ku̱mi̱ꞌ (24) rá te̱e kúñáꞌnú vá nna̱kui̱ñɨ̱ꞌ ítɨ́ ráa jiáxin ráa maáráa ne̱ nu̱u̱nꞌ ñuꞌún nu̱u̱nꞌ re̱ꞌ. Jee ta ɨɨn ɨɨn rá te̱e kúñáꞌnú vá ínaꞌá ráa yaaꞌ naní arpa, jín ko̱ꞌo̱ꞌ oro ñúꞌún chitú su̱jie ííꞌ iniꞌ ráa. Jee rá su̱jie ííꞌ vá kúvi ráa rá tu̱ꞌun ya̱ káꞌánꞌ rá ñɨvɨ Ndiosíꞌ jín re̱ꞌ jee kúvi rá ñɨvɨ vá ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ.