Lucas 8:3 - Mixteco del suroeste de Tlaxiaco Oaxaca

³ Jee inka ka̱ꞌ ví Juana, ñasɨ́ꞌɨ́ Chuza, te̱e tátúníꞌ nu̱u̱nꞌ rá musúꞌ veꞌi Herodes te̱e nísotíñú, jee inka ví Susana, jín kue̱ꞌe̱ꞌ ka̱ꞌ ñaꞌan, jee maáráña yɨ́tíñú ráa chíneí ráa Jesús jín rá nantíñú maáráa jie̱ꞌe̱ꞌ ya̱ jíniñúꞌún re̱ꞌ jín rá te̱e kútáꞌán jín re̱ꞌ.

Lucas 8:3 Iomraidhean Croise

Mateo 14:1

Jee tiempúꞌ yukuán Herodes kúvi te̱e tátúníꞌ nu̱u̱nꞌ ñuunꞌ Galilea. Jee nteso̱ꞌo‑o tu̱ꞌun nákani rá ñɨvɨ jie̱ꞌe̱ꞌ Jesús.

Mateo 14:3

Nkachiꞌ Herodes sukuán chi ya nkuvi tiempúꞌ sáá ntají re̱ꞌ tɨɨn ráa Juan, kuꞌniꞌ ráa maa, nchiꞌi ráa maa iniꞌ veka̱a. Nsa̱ꞌá Herodes sukuán, chi nta̱na̱ꞌá re̱ꞌ jín Herodías ya̱ nkuvi ñasɨ́ꞌɨ́ ñaniꞌ re̱ꞌ Felipe,

Mateo 14:6

Soo nkenta ki̱vɨ̱ꞌ íyó viko nánu kui̱ya̱ꞌ nkaku Herodes, jee se̱ꞌya sɨ́ꞌɨ́ Herodías nka̱tiéꞌé ña ichinúúnꞌ rá ñɨvɨ nééꞌ viko re̱ꞌ, jee ntaꞌanꞌ víꞌí iniꞌ Herodes nsa̱ꞌá ña.

Mateo 2:11

Jee sáá nki̱vɨ ráa iniꞌ veꞌi, jee niniꞌ ráa su̱chí lúlí yɨ́ɨ́ vá jín nánáꞌ‑a María, jee ña̱kui̱ñɨ̱ꞌ ítɨ́ ráa, jee nneñu̱ꞌun ráa su̱chí lúlí vá. Jee nine ráa rá kajúnꞌ ya̱tu̱nꞌ ínaꞌá ráa nsi̱kútaꞌviꞌ ráa rá ta̱ꞌvi̱ꞌ nu̱u̱nꞌ su̱chí vá, ya̱ kúvi yu̱u̱ꞌ kuáán yɨ́yáꞌvi nasɨ́kuitɨꞌ, jín su̱jie i̱i̱ꞌ, jín inka ka̱ꞌ su̱jie naní mirra.

Mateo 20:8

’Jee sáá kúnéñuꞌun, jee nkachiꞌ i̱toꞌoꞌ xí tiñu vá nu̱u̱nꞌ te̱e tátúníꞌ yósóꞌ nu̱u̱nꞌ rá musúꞌ vá: “Kana nú rá musúꞌ, jee chunáán nú ya̱ꞌvi ráa, kajiéꞌé jín rá musúꞌ nki̱vɨ ne̱ nu̱u̱nꞌ nɨ́ꞌɨ, jee rá nki̱vɨ ya̱ xíꞌnañúꞌún kuvi ráa ne̱ nu̱u̱nꞌ nɨ́ꞌɨ”, nkachiꞌ i̱toꞌoꞌ xí tiñu vá.

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Mateo 26:11

Chi sukuáni nééꞌ rá láꞌví jín ránoꞌó, soo nuꞌuꞌ chi nsáꞌ nɨ́ɨ́nkání kuneeꞌ ni̱ꞌ jín rán.

Mateo 27:55

Jee yukuán íñɨ́ kue̱ꞌe̱ꞌ rá ñaꞌan néꞌyá íká ráña, jee suviráña vá nchi̱nikɨnꞌ ráña Jesús ne̱ ñuꞌun Galilea sáva chineí ráa re̱ꞌ.

Lucas 24:10

Jee rá ñaꞌan vá ví María, ñaꞌan ñuunꞌ Magdala, jín Juana, jín María, nánáꞌ Jacobo, jín rá inka ñaꞌan ya̱ kútáꞌán jín ráña. Jee nákani ráña rá tu̱ꞌun yaꞌá jie̱ꞌe̱ꞌ ya̱ nkuvi nu̱u̱nꞌ rá te̱e kúvi apóstol.

Juan 12:6

Sú nkachiꞌ re̱ꞌ sukuán, soo nsú jie̱ꞌe̱ꞌ ya̱ kúnáꞌví nijia iniꞌ re̱ꞌ rá láꞌví, chisaꞌ jie̱ꞌe̱ꞌ ni ka̱ꞌ ya̱ maáréꞌ kúvi ɨɨn te̱e kuíꞌná. Chi maáréꞌ kúvi te̱e ya̱ nééꞌ si̱kɨ̱ꞌ re̱ꞌ kúmí re̱ꞌ ñunu xu̱ꞌún nu̱u̱nꞌ rá táꞌán te̱e súkuáꞌa Jesús ráa, jee tɨ́ɨn kuíꞌná re̱ꞌ yakuꞌ xu̱ꞌún nu̱u̱nꞌ chúꞌun ráa ya̱ kúmí re̱ꞌ.

Hechos 13:1

I̱ña̱jée nteñu rá ñɨvɨ ñuunꞌ káꞌnú Antioquía ya̱ kúneí iniꞌ ráa Jesús ya̱ kútútú ráa yukuán, ni̱yo rá te̱e nákani ráa tu̱ꞌun kéne yuꞌú Ndiosíꞌ, jee ni̱yo rá te̱e ya̱ xínéꞌénꞌ ráa Tu̱ꞌun Ndiosíꞌ. Nkuvi ráa Bernabé jín Simón ya̱ naní Túún, jín Lucio te̱e ñuunꞌ Cirene, jín Manaén, ya̱ ñaꞌnu jín Herodes, ya̱ nta̱túníꞌ Herodes ñuunꞌ Galilea, jín Saulo.

2 Corintios 8:9

Chi ya̱ jíníꞌ rán ya̱ íyó mániꞌ iniꞌ I̱toꞌoꞌ‑ó Jesús ya̱ kúvi Cristo néꞌyá re̱ꞌ yó ya̱ sáꞌá re̱ꞌ ya̱ váꞌa jín‑ó. Chi sú kúká re̱ꞌ chi xi̱ntíín re̱ꞌ ví nɨꞌɨ ya̱ íyó, soo nna̱saꞌá láꞌví re̱ꞌ maáréꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, sáva ni̱ꞌi̱nꞌ‑órán ya̱ yɨ́yáꞌvi ka̱ꞌ ya̱ táji Ndiosíꞌ, jie̱ꞌe̱ꞌ ya̱ nnoꞌo láꞌví Cristo.

Filipenses 4:22

Nɨꞌɨ rá ñɨvɨ ya̱ nsa̱ꞌá sɨ́ɨ́n Ndiosíꞌ, ya̱ yɨ́ꞌɨ́ ráa nu̱u̱nꞌ re̱ꞌ, táji ráa tu̱ꞌun jíkátu̱ꞌún ráa ránoꞌó, jee saꞌ víꞌí káꞌ sava rá ñɨvɨ vá ya̱ yɨ́ꞌɨ́ veꞌi te̱e tátúníꞌ nu̱u̱nꞌ nɨꞌɨ rá ñuunꞌ tɨ́ɨn ñuunꞌ Roma.

1 Timoteo 5:10

jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.