Lucas 8:2 - Mixteco del suroeste de Tlaxiaco Oaxaca

² Jee suni kútáꞌán sava rá ñaꞌan jín re̱ꞌ ya̱ nxi̱núvi re̱ꞌ ráa sáá ntavaꞌ re̱ꞌ ta̱chi̱ꞌ kíni yɨ́ꞌɨ́ iniꞌ ráña, jín sava ráña nxi̱núvi re̱ꞌ ráa nu̱u̱nꞌ rá kue̱ꞌi̱ꞌ nóꞌo ráa. Jee ɨɨn ráñá ví María ya̱ naní ña ñaꞌan ñuunꞌ Magdala, jee maáña vá nkene u̱xa̱ꞌ ta̱chi̱ꞌ kíni iniꞌ ña.

Lucas 8:2 Iomraidhean Croise

Mateo 4:24

Jee ñe̱te̱nuun tu̱ꞌun jie̱ꞌe̱ꞌ Jesús nu̱u̱nꞌ ntáká rá ñuunꞌ sánitɨ́ɨn ñuunꞌ Siria. Jee nki̱naka rá ñɨvɨ nu̱u̱nꞌ Jesús ntáká rá ñɨvɨ kúꞌvíꞌ ya̱ nóꞌo sɨ́ɨ́n sɨ́ɨ́n kéꞌín nu̱u̱nꞌ kue̱ꞌi̱ꞌ, jín rá yájíꞌ yatúꞌ, jín rá yɨ́ꞌɨ́ ta̱chi̱ꞌ kíni, jín rá jíꞌíyɨ̱ꞌɨ́ jín rá ñɨvɨ ya̱ ntu kúvi kantaꞌ ñunéꞌyúꞌ jee nxi̱núvi Jesús ráa.

Marcos 16:1

Sáá njia̱ꞌa ki̱vɨ̱ꞌ nájiáví, jee María ñuunꞌ Magdala, jín Salomé jín María nánáꞌ Jacobo, nkeꞌen ráa aceite jiávi̱xi̱ꞌ sáva kɨ̱chisó ráa maa nu̱u̱nꞌ ñunéꞌyúꞌ Jesús.

Marcos 16:9

[Sáá nna̱tekuꞌ i̱i̱ꞌ Jesús, ya̱neꞌenꞌ domingúꞌ ki̱vɨ̱ꞌ xíꞌnañúꞌún kájiéꞌé semana, jee xíꞌna ka̱ꞌ nu̱u̱nꞌ María ñuunꞌ Magdala ntu̱vi re̱ꞌ. Jee kúvi ña ñaꞌan ya̱ ntavaꞌ re̱ꞌ u̱xa̱ꞌ ta̱chi̱ꞌ néꞌí.

Lucas 23:27

Jee kue̱ꞌe̱ꞌ nasɨ́kuitɨꞌ rá ñɨvɨ kua̱ꞌa̱nꞌ níkɨ́nꞌ ya̱ta̱ꞌ Jesús, jee suni kua̱ꞌa̱nꞌ kue̱ꞌe̱ꞌ rá ñaꞌan níkɨ́nꞌ ráa ya̱ta̱ꞌ Jesús jee náꞌyúꞌ ráa ya̱ jiáku iniꞌ ráa jie̱ꞌe̱ꞌ re̱ꞌ.

Lucas 23:49

Jee ntáká rá ñɨvɨ ya̱ jíníꞌ ta̱ꞌán jín Jesús, jín rá ñaꞌan ya̱ níkɨ́nꞌ kútáꞌán jín Jesús ne̱ ñuunꞌ Galilea, íñɨ́ íká ráa néꞌyá ráa ya̱ kúvi sukuán.

Lucas 23:55

Jee rá ñaꞌan ya̱ nnikɨnꞌ ráña Jesús ne̱ ñuunꞌ Galilea, jee nchi̱nikɨnꞌ ráña José, jee niniꞌ ráña yaviꞌ veꞌi ni̱yɨ vá jee niniꞌ va̱ꞌa ráña na̱sa ñakɨnꞌ ráa ñunéꞌyúꞌ Jesús iniꞌ‑i.

Lucas 8:30

Jee ni̱ka̱tu̱ꞌún Jesús ta̱chi̱ꞌ néꞌí kákini yɨ́ꞌɨ́ te̱e vá: ―¿Ná naní nú? Jee nkachiꞌ‑i: ―Legión ―nkachiꞌ‑i sukuán chi jie̱ꞌe̱ꞌ nika̱ꞌ kue̱ꞌe̱ꞌ víꞌí ta̱chi̱ꞌ néꞌí kákini nki̱vɨ maa.

Juan 19:25

Jee yatin nu̱u̱nꞌ íñɨ́ kurúsiꞌ nu̱u̱nꞌ níntakaa Jesús íñɨ́ nánáꞌ re̱ꞌ, jín ku̱ꞌvi̱ꞌ nánáꞌ re̱ꞌ, jín María ya̱ kúvi ñasɨ́ꞌɨ́ Cleofas, jín María ñaꞌan ñuunꞌ Magdala.

Hechos 1:14

Jee nuún yɨ́tíñú ntáká ráa yaꞌá káꞌánꞌ ráa jín Ndiosíꞌ. Jee kútútú ráa jín rá ñaꞌan, jín María, ya̱ kúvi náánꞌ Jesús, jín rá ñaniꞌ re̱ꞌ sáva kaꞌanꞌ ráa jín Ndiosíꞌ.