Lucas 8:12 - Mixteco del suroeste de Tlaxiaco Oaxaca

¹² Rá nikɨn ñákava yuíchí kúvi rá ñɨvɨ ya̱ tésóꞌo ráa Tu̱ꞌun Ndiosíꞌ, soo kenta máá maá kui̱ꞌna̱ꞌ jee síyo‑o tu̱ꞌun vá ánímaꞌ ráa, sáva nsáꞌ i̱nu̱ꞌ iniꞌ ráa tu̱ꞌun vá jee sáva nsáꞌ nene ráa nu̱u̱nꞌ kua̱chi ráa nsáꞌ nanitáꞌvíꞌ ráa.

Lucas 8:12 Iomraidhean Croise

Mateo 13:19

Ntáká ñɨvɨ ya̱ tésóꞌo tu̱ꞌun jie̱ꞌe̱ꞌ na̱sa kívɨ ñɨvɨ xi̱ntíín Ndiosíꞌ tátúníꞌ re̱ꞌ nu̱u̱nꞌ ráa, jee ntu̱ví jiáku̱ꞌun iniꞌ ráa tu̱ꞌun vá, jee kénta kui̱ꞌna̱ꞌ kákini jee sííyo re̱ꞌ tu̱ꞌun váꞌa vá ya̱ níꞌinꞌ ñɨvɨ vá ñúꞌún iniꞌ ánímaꞌ‑a. Suvi‑i kúvi kuéntáꞌ nikɨn ya̱ ña̱kava yuíchí sáá nxi̱náváꞌ te̱e vá maa.

Mateo 13:4

Jee sáá xínáváꞌ‑a nikɨn tataꞌ nu̱u̱nꞌ ñu̱ꞌún, jee sava rá nikɨn tataꞌ ñe̱te̱ꞌ yuíchí, jee nkenta rá saaꞌ jee nyajiꞌ rátíꞌ maa.

Marcos 4:15

Jee sava ñɨvɨ kúvi ráa kuéntáꞌ íyó ñuꞌun káá iniꞌ ichi vá nu̱u̱nꞌ xínáváꞌ re̱ꞌ nikɨn. Jee sáá tésóꞌo ráa tu̱ꞌun vá, jee ntañúꞌún kuitɨꞌ va̱ji i̱toꞌoꞌ ta̱chi̱ꞌ néꞌí, naní Satanás, jee ixtá‑a tu̱ꞌun ya̱ njia̱ꞌa te̱e vá nu̱u̱nꞌ ráa.

Lucas 8:11

’Suꞌva kuíni kachiꞌ tu̱ꞌun kúnkunuún káꞌánꞌ yaꞌá: Nikɨn tataꞌ vá ví Tu̱ꞌun Ndiosíꞌ.

Lucas 8:13

Jee rá nikɨn ya̱ ñákava ráa nu̱u̱nꞌ yúúꞌ kúvi ráa rá ñɨvɨ ya̱ sáá tésóꞌo ráa Tu̱ꞌun Ndiosíꞌ jee ne̱ kúsɨ́ɨꞌ iniꞌ ráa tɨ́ɨn ráa maa, soo ntu kúun yoꞌo tu̱ꞌun vá iniꞌ ánímaꞌ ráa chi ntu kúkutú ráa ntu kúníꞌin ráa jín‑i, chi yakuꞌ ni tiempúꞌ jínúꞌ iniꞌ ráa maa. Chi sáá kenta táꞌán ráa tu̱nóꞌó, jee níkóyátá iniꞌ ráa nu̱u̱nꞌ tu̱ꞌun vá.

Lucas 8:5

―Ɨɨn te̱e jiákɨ́nꞌ tataꞌ sáꞌá nkene re̱ꞌ kua̱kakɨnꞌ re̱ꞌ nikɨn tataꞌ, jee sáá xínáváꞌ re̱ꞌ nikɨn tataꞌ nu̱u̱nꞌ ñu̱ꞌún, jee sava rá nikɨn tataꞌ ñe̱te̱ꞌ ña̱kava yuíchí, jee ña̱ñu̱ꞌ rá ñɨvɨ maa jee rá saaꞌ jíkó súkún nyajiꞌ rátíꞌ maa.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.