Lucas 7:9 - Mixteco del suroeste de Tlaxiaco Oaxaca

⁹ Jee sáá nteso̱ꞌo Jesús rá tu̱ꞌun yaꞌá, jee nti̱vɨ́ xíniꞌ re̱ꞌ. Jee nna̱koto yátá re̱ꞌ nu̱u̱nꞌ rá ñɨvɨ kue̱ꞌe̱ꞌ ya̱ kuáꞌán ráa níkɨ́nꞌ ráa re̱ꞌ, jee nkachiꞌ re̱ꞌ nu̱u̱nꞌ ráa: ―Káchíꞌ ni̱ꞌ nu̱u̱nꞌ rán ya̱ ni sú nu̱u̱nꞌ ñuunꞌ Israel ni ntu nnániꞌinꞌ ni̱ꞌ ni ɨɨn ñɨvɨ ya̱ kúneí iniꞌ‑i nuꞌuꞌ kuéntáꞌ kua̱ꞌ kúneí iniꞌ te̱e yaꞌá nuꞌuꞌ ―nkachiꞌ Jesús.

Lucas 7:9 Iomraidhean Croise

Mateo 15:28

Saájee nna̱xiníkó Jesús jee nkachiꞌ‑i nu̱u̱nꞌ ña: ―Noꞌó ñaꞌan, na̱ ka̱ꞌ kúneí víꞌí ka̱ꞌ iniꞌ nú nuꞌuꞌ. ¡Kuvi sáni kuíni nú ya̱ saꞌá ni̱ꞌ! ―nkachiꞌ re̱ꞌ. Jee ne̱ máá hora yukuán, jee nnuvi se̱ꞌya sɨ́ꞌɨ́ ña.

Mateo 8:10

Jee sáá nteso̱ꞌo Jesús rá tu̱ꞌun nkachiꞌ‑i, jee nti̱vɨ́ xíniꞌ re̱ꞌ, jee nkachiꞌ re̱ꞌ nu̱u̱nꞌ rá ñɨvɨ ya̱ níkɨ́nꞌ ráa re̱ꞌ kua̱ꞌa̱nꞌ: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ ni sú nu̱u̱nꞌ ñuunꞌ Israel ntu nnániꞌinꞌ ni̱ꞌ ni ɨɨn ñɨvɨ ya̱ kúneí víꞌí iniꞌ‑i nuꞌuꞌ, kuéntáꞌ kua̱ꞌ kúneí iniꞌ te̱e yaꞌá nuꞌuꞌ.

Mateo 9:33

Jee sáá nta̱níkɨ́nꞌ re̱ꞌ kui̱ꞌna̱ꞌ vá jee nna̱kaꞌanꞌ te̱e ñɨ́ꞌɨ́nꞌ vá, jee nti̱vɨ́ xá xíniꞌ rá ñɨvɨ, jee nkachiꞌ ráa: ―Ni ɨɨn íchí ntiáꞌan kuitɨꞌ kuvi ɨɨn tiñu íyó suꞌva nu̱u̱nꞌ ñuunꞌ Israel ―nkachiꞌ ráa.

Lucas 7:10

Jee sáá nni̱kó rá te̱e ya̱ nchui̱chí ña̱kaꞌanꞌ jín Jesús, jee nnenta ráa veꞌi, jee niniꞌ ráa ya̱ ya nnuva̱ꞌa musúꞌ vá.

Lucas 7:50

Soo nkachiꞌ Jesús nu̱u̱nꞌ ñaꞌan vá: ―Jie̱ꞌe̱ꞌ ya̱ kúneí iniꞌ nú nuꞌuꞌ, saáva ya̱ nna̱tavaꞌ ni̱ꞌ noꞌó nu̱u̱nꞌ kua̱chi nú nsi̱káku ni̱ꞌ noꞌó. Kuáꞌán va̱ꞌa ne̱ va̱ꞌa kuvi iniꞌ ánímaꞌ nú ―nkachiꞌ Jesús.

Lucas 7:8

Chi suni nuꞌuꞌ yɨ́ꞌɨ́ ni̱ꞌ xi̱ntíín inka te̱e tátúníꞌ nu̱u̱nꞌ ni̱ꞌ jee yɨ́ꞌɨ́ rá soldado xi̱ntíín ni̱ꞌ. Jee káchíꞌ ni̱ꞌ nu̱u̱nꞌ ɨɨn ráa: “Kuáꞌán”, jee kua̱ꞌa̱nꞌ‑a, jee káchíꞌ ni̱ꞌ nu̱u̱nꞌ inka: “Neꞌenꞌ”, jee va̱ji‑i, jee káchíꞌ ni̱ꞌ nu̱u̱nꞌ musúꞌ ni̱ꞌ: “Saꞌá tiñu yaꞌá”, jee sáꞌá‑a vá ―nkachiꞌ re̱ꞌ, nkachiꞌ ráa nu̱u̱nꞌ Jesús.