Lucas 7:8 - Mixteco del suroeste de Tlaxiaco Oaxaca

⁸ Chi suni nuꞌuꞌ yɨ́ꞌɨ́ ni̱ꞌ xi̱ntíín inka te̱e tátúníꞌ nu̱u̱nꞌ ni̱ꞌ jee yɨ́ꞌɨ́ rá soldado xi̱ntíín ni̱ꞌ. Jee káchíꞌ ni̱ꞌ nu̱u̱nꞌ ɨɨn ráa: “Kuáꞌán”, jee kua̱ꞌa̱nꞌ‑a, jee káchíꞌ ni̱ꞌ nu̱u̱nꞌ inka: “Neꞌenꞌ”, jee va̱ji‑i, jee káchíꞌ ni̱ꞌ nu̱u̱nꞌ musúꞌ ni̱ꞌ: “Saꞌá tiñu yaꞌá”, jee sáꞌá‑a vá ―nkachiꞌ re̱ꞌ, nkachiꞌ ráa nu̱u̱nꞌ Jesús.

Lucas 7:8 Iomraidhean Croise

Lucas 7:7

Jee saáva ni ntu nkíji iniꞌ ni̱ꞌ ya̱ ni ntu íyó ni̱ꞌi̱nꞌ ni̱ꞌ ya̱ kua̱jiaaꞌ máá maáníꞌ nu̱u̱nꞌ nú. Chi kua̱chi tu̱ꞌun káꞌánꞌ nú tatúníꞌ nú ni, jee nuvi musúꞌ ni̱ꞌ.

Lucas 7:9

Jee sáá nteso̱ꞌo Jesús rá tu̱ꞌun yaꞌá, jee nti̱vɨ́ xíniꞌ re̱ꞌ. Jee nna̱koto yátá re̱ꞌ nu̱u̱nꞌ rá ñɨvɨ kue̱ꞌe̱ꞌ ya̱ kuáꞌán ráa níkɨ́nꞌ ráa re̱ꞌ, jee nkachiꞌ re̱ꞌ nu̱u̱nꞌ ráa: ―Káchíꞌ ni̱ꞌ nu̱u̱nꞌ rán ya̱ ni sú nu̱u̱nꞌ ñuunꞌ Israel ni ntu nnániꞌinꞌ ni̱ꞌ ni ɨɨn ñɨvɨ ya̱ kúneí iniꞌ‑i nuꞌuꞌ kuéntáꞌ kua̱ꞌ kúneí iniꞌ te̱e yaꞌá nuꞌuꞌ ―nkachiꞌ Jesús.

Hechos 23:17

Jee nkana Pablo ɨɨn rá capitán jee nkachiꞌ re̱ꞌ nu̱u̱nꞌ‑u: ―Kɨ̱na̱ka nú te̱e súchí yaꞌá nu̱u̱nꞌ general. Chi íyó tu̱ꞌun nakani re̱ꞌ nu̱u̱nꞌ‑u.

Hechos 23:23

Jee nkana re̱ꞌ u̱vi̱ꞌ rá capitán jee nkachiꞌ re̱ꞌ nu̱u̱nꞌ ráa: ―Saꞌá túꞌva rán u̱vi̱ꞌ sientúꞌ (200) soldado, jín u̱ni̱xiko u̱ji̱ꞌ (70) rá soldado yósóꞌ kitɨ, jín u̱vi̱ꞌ sientúꞌ (200) soldado rá ínaꞌá lanza, sáva kɨ̱ꞌɨ̱nꞌ rán ñuunꞌ Cesarea, kaɨ̱ɨ̱nꞌ yakuááꞌ.

Hechos 23:26

“Claudio Lisias, nu̱u̱nꞌ Félix, te̱e nísotíñú ñáꞌnú. ¿Á íyó va̱ꞌa nú?

Hechos 23:31

Saájee nsa̱ꞌá rá soldado sáni nta̱túníꞌ re̱ꞌ nu̱u̱nꞌ ráa. Nkeꞌen ráa Pablo jee ña̱ꞌa̱nꞌ ráa jín‑i yakuááꞌ ki̱vɨ̱ꞌ yukuán nu̱u̱nꞌ ñuunꞌ Antípatris.

Hechos 24:23

Jee nta̱túníꞌ re̱ꞌ nu̱u̱nꞌ capitán ya̱ kúmí‑i Pablo. Soo ku̱ꞌva‑a kuiñɨ núne Pablo iniꞌ veka̱a. Jee koto kúsáꞌán ni ɨɨn rán chineí rá táꞌán Pablo maáréꞌ.

Hechos 25:26

Soo ntu̱ví ná íyó ni ɨɨn tu̱ꞌun, ya̱ kúvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e nu̱u̱nꞌ i̱toꞌoꞌ‑ó. Saáva va̱ji náka ni̱ꞌ te̱e vá, sáva kuiñɨ re̱ꞌ ichinúúnꞌ ránꞌ, jee ñáꞌnú ka̱ꞌ vá kuiñɨ re̱ꞌ ichinúúnꞌ maánú, rey Agripa. Jee saáva ré nxi̱náꞌmáꞌ‑ó maa, sáva kuvi tee ni̱ꞌ nu̱u̱nꞌ tutuꞌ jie̱ꞌe̱ꞌ‑e.

Colosenses 3:22

Jee ránoꞌó musúꞌ, nta̱ká tiñu kaníjiá rán rá te̱e ñunéꞌyúꞌ xí tiñu ya̱ kúvi i̱toꞌoꞌ rán. Nsú kua̱chi sáá néꞌyá ráa ránoꞌó kaníjiá rán, ya̱ kua̱chi núkú rán kuva̱ꞌa iniꞌ ráa kune̱ꞌyá ráa ránoꞌó. Chisaꞌ koo saɨn iniꞌ ánímaꞌ rán ya̱ kaníjiá rán ráa, jie̱ꞌe̱ꞌ sáꞌá ñáꞌnú rán nu̱u̱nꞌ Ndiosíꞌ.