Lucas 7:2 - Mixteco del suroeste de Tlaxiaco Oaxaca

² Jee yukuán nééꞌ ɨɨn capitán tátúníꞌ nu̱u̱nꞌ rá soldado Roma, jee ɨɨn rá musúꞌ re̱ꞌ, ya̱ ñúnúunꞌ víꞌí re̱ꞌ maa, jee kúꞌvíꞌ‑i jee sa̱néꞌ íyó kuviꞌ‑i.

Lucas 7:2 Iomraidhean Croise

Génesis 24:27

jee kachiꞌ‑i: “Na̱ ka̱ꞌ netuꞌ ka̱ꞌ kúvi I̱toꞌoꞌ ya̱ kuvi Ndiosíꞌ i̱toꞌoꞌ ni̱ꞌ Abraham, ya̱ ntu̱ví nxínóo re̱ꞌ i̱toꞌoꞌ ni̱ꞌ Abraham nu̱u̱nꞌ ya̱ íyó mániꞌ iniꞌ re̱ꞌ néꞌyá re̱ꞌ maa jee nsi̱kúnkuvi na̱a̱ꞌ re̱ꞌ jín‑i, jee nuꞌuꞌ chi nchuꞌun I̱toꞌoꞌ ichi nuꞌuꞌ kɨ̱ꞌɨ̱nꞌ ni̱ꞌ veꞌi rá táꞌán i̱toꞌoꞌ ni̱ꞌ Abraham”, nkachiꞌ musúꞌ vá ni nákuetúꞌún re̱ꞌ.

Génesis 35:8

Jee suni yukuán ni̱ꞌi̱ꞌ Débora, ñaꞌan ya̱ nku̱mí ña Rebeca, jee nse̱ꞌí ráa ña jie̱ꞌe̱ꞌ ɨɨn tu̱ya̱á, yatin Betel. Jee nsi̱kúnání Jacob nu̱u̱nꞌ ñuꞌun yaꞌá “tu̱ya̱á ya̱ tóo ntenúúnꞌ”.

Mateo 27:54

Jee te̱e kúvi capitán rá soldado jín rá soldado ya̱ íñɨ́ ráa jín re̱ꞌ ya̱ kúmí ráa Jesús, jee sáá niniꞌ ráa ya̱ nta̱an jín nɨꞌɨ ya̱ nkuvi, jee nyu̱ꞌví nasɨ́kuitɨꞌ ráa, jee nkachiꞌ ráa: ―Máá nááꞌ nijia ya̱ Se̱ꞌya Ndiosíꞌ kúvi te̱e yaꞌá ―nkachiꞌ ráa.

Lucas 23:47

Jee sáá niniꞌ te̱e kúvi capitán tátúníꞌ nu̱u̱nꞌ rá soldado vá ya̱ nkuvi suꞌva, jee nna̱kuetúꞌún re̱ꞌ Ndiosíꞌ jee suni nkachiꞌ re̱ꞌ: ―Máá nááꞌ nijia ya̱ tee yaꞌá kúvi re̱ꞌ te̱e na̱a̱ꞌ ―nkachiꞌ re̱ꞌ.

Lucas 7:1

Jee sáá ni̱nu tu̱ꞌun nkaꞌanꞌ Jesús jín rá ñɨvɨ, jee kua̱ꞌa̱nꞌ re̱ꞌ nki̱vɨ re̱ꞌ ñuunꞌ Capernaum.

Lucas 7:3

Jee sáá nteso̱ꞌo re̱ꞌ ya̱ káꞌánꞌ rá ñɨvɨ jie̱ꞌe̱ꞌ Jesús, jee nchu̱ichí re̱ꞌ sava rá te̱e kúñáꞌnú Israel sáva kɨ̱ka̱ka̱nꞌ táꞌvíꞌ ráa nu̱u̱nꞌ Jesús ya̱ kɨ̱xinúvi‑i musúꞌ re̱ꞌ.

Lucas 8:42

Chi se̱ꞌya sɨ́ꞌɨ́ métúꞌún re̱ꞌ, ya̱ íñɨ́ ña yatin u̱xu̱ꞌ u̱vi̱ꞌ (12) kui̱ya̱ꞌ, sa̱néꞌ íyó kuviꞌ ña. Soo ni kua̱ꞌa̱nꞌ Jesús jín re̱ꞌ, jee ne̱ nákuniꞌi rá ñɨvɨ kue̱ꞌe̱ꞌ vá Jesús níkɨ́nꞌ ráa maa.

Hechos 10:1

Íyó ɨɨn te̱e nééꞌ ñuunꞌ Cesarea, ya̱ naní re̱ꞌ Cornelio. Kúvi re̱ꞌ capitán ya̱ tátúníꞌ nu̱u̱nꞌ ɨɨn sientúꞌ (100) soldado ejército Roma. Yɨ́ꞌɨ́ re̱ꞌ nu̱u̱nꞌ batallón naní Italiano.

Hechos 10:7

Jee sáá nkene najiáꞌáꞌ ííꞌ ya̱ nkaꞌanꞌ‑a jín re̱ꞌ, jee nkana Cornelio u̱vi̱ꞌ musúꞌ re̱ꞌ jín ɨɨn soldado, ya̱ yɨ́tíñú‑u nu̱u̱nꞌ Ndiosíꞌ. Kúvi re̱ꞌ ɨɨn rá soldado ya̱ jiátíñú kutú Cornelio.

Hechos 22:26

Sáá nteso̱ꞌo capitán yaꞌá, jee ña̱kachiꞌ re̱ꞌ nu̱u̱nꞌ general: ―¿Ná kúvi ya̱ saꞌá nú? Chi se̱ꞌya ñuunꞌ Roma ví te̱e yaꞌá.

Hechos 23:17

Jee nkana Pablo ɨɨn rá capitán jee nkachiꞌ re̱ꞌ nu̱u̱nꞌ‑u: ―Kɨ̱na̱ka nú te̱e súchí yaꞌá nu̱u̱nꞌ general. Chi íyó tu̱ꞌun nakani re̱ꞌ nu̱u̱nꞌ‑u.

Hechos 27:1

Sáá nkuna̱a̱ꞌ iniꞌ ráa ya̱ kɨ̱ꞌɨ̱nꞌ ráníꞌ iniꞌ barkúꞌ ne̱ ñuunꞌ Italia, jee ntaji ráa Pablo jín sava rá te̱e yɨ́ꞌɨ́ veka̱a nu̱u̱nꞌ ɨɨn capitán naní Julio. Yɨ́ꞌɨ́ re̱ꞌ nu̱u̱nꞌ ɨɨn batallón rá soldado naní Augusto.

Hechos 27:3

Jee ki̱vɨ̱ꞌ teenꞌ, nkenta ránꞌ ñuunꞌ Sidón. Jee nkuva̱ꞌa iniꞌ Julio nne̱ꞌyá re̱ꞌ Pablo, jee njia̱ꞌa re̱ꞌ kɨ̱ꞌɨ̱nꞌ káꞌánꞌ‑a jín rá ñɨvɨ káva̱ꞌa jín‑i, sáva koto va̱ꞌa ráa maa nu̱u̱nꞌ nɨꞌɨ ya̱ jíniñúꞌún‑u.

Hechos 27:43

Soo capitán kuíni re̱ꞌ sikáku re̱ꞌ Pablo, jee ntu njiáꞌa re̱ꞌ saꞌá ráa maa. Jee nta̱túníꞌ‑i ya̱ rá ñɨvɨ jíníꞌ su̱té, xíꞌnañúꞌún ráa ka̱ꞌ vá nava nu̱u̱nꞌ nute, jee kɨ̱ꞌɨ̱nꞌ ráa ne̱ yúnteñúꞌún.

Colosenses 3:22

Jee ránoꞌó musúꞌ, nta̱ká tiñu kaníjiá rán rá te̱e ñunéꞌyúꞌ xí tiñu ya̱ kúvi i̱toꞌoꞌ rán. Nsú kua̱chi sáá néꞌyá ráa ránoꞌó kaníjiá rán, ya̱ kua̱chi núkú rán kuva̱ꞌa iniꞌ ráa kune̱ꞌyá ráa ránoꞌó. Chisaꞌ koo saɨn iniꞌ ánímaꞌ rán ya̱ kaníjiá rán ráa, jie̱ꞌe̱ꞌ sáꞌá ñáꞌnú rán nu̱u̱nꞌ Ndiosíꞌ.