Lucas 7:12 - Mixteco del suroeste de Tlaxiaco Oaxaca

¹² Jee sáá nku̱yatin re̱ꞌ yuvéꞌí nu̱u̱nꞌ kívɨ ñuunꞌ vá, jee niniꞌ re̱ꞌ ya̱ nkene rá ñɨvɨ kua̱se̱ꞌí ráa ɨɨn ni̱yɨ, jee ni̱yɨ vá se̱ꞌya métúꞌún xíníꞌ nkuvi‑i nu̱u̱nꞌ nánáꞌ‑a, jee ñanáꞌví kúvi ña, jee kútáꞌán kue̱ꞌe̱ꞌ víꞌí rá ñɨvɨ ñuunꞌ vá jín ña.

Lucas 7:12 Iomraidhean Croise

Génesis 22:12

Jee nkachiꞌ máá najiáꞌáꞌ ííꞌ vá: ―¡Koto síkáa nú naꞌá nú kaꞌniꞌ nú te̱e súchí vá! ¡Koto na̱ sáꞌá nú re̱ꞌ!, chi vitan jee ya̱ jíníꞌ ni̱ꞌ ya̱ ñúyúꞌví iniꞌ nú néꞌyá nú Ndiosíꞌ, chi ntu̱ví nkúsáꞌán nú so̱ko̱ꞌ nú nu̱u̱nꞌ ni̱ꞌ se̱ꞌya nú, ya̱ kúvi métúꞌún ni se̱ꞌya nú ―nkachiꞌ najiáꞌáꞌ ííꞌ vá nu̱u̱nꞌ Abraham.

Génesis 22:2

Jee nkachiꞌ Ndiosíꞌ nu̱u̱nꞌ re̱ꞌ: ―Keꞌen ntañúꞌún se̱ꞌya nú Isaac, ya̱ kúvi métúꞌún ni se̱ꞌya nú, ya̱ ñúnúunꞌ víꞌí nú, jee kua̱ꞌa̱nꞌ nu̱u̱nꞌ káá ñuꞌun naní Moriah, jee yukuán kaꞌniꞌ nú maa jee teñuꞌunꞌ nú maa, sáva so̱ko̱ꞌ nú maa nu̱u̱nꞌ ni̱ꞌ nu̱u̱nꞌ ɨɨn yuku nu̱u̱nꞌ kachiꞌ ni̱ꞌ nu̱u̱nꞌ nú ―nkachiꞌ Ndiosíꞌ nu̱u̱nꞌ Abraham.

Lucas 7:11

Jee sáá njia̱ꞌa yakuꞌ tiempúꞌ, jee kua̱ꞌa̱nꞌ Jesús ɨɨn ñuunꞌ naní Naín, jee rá te̱e súkuáꞌa re̱ꞌ ráa kútáꞌán ráa jín re̱ꞌ, jee suni kútáꞌán rá ñɨvɨ kue̱ꞌe̱ꞌ nasɨ́kuitɨꞌ jín re̱ꞌ.

Lucas 7:13

Jee sáá niniꞌ I̱toꞌoꞌ‑ó Jesús ña, jee nku̱náꞌví iniꞌ re̱ꞌ ña, jee nkachiꞌ re̱ꞌ nu̱u̱nꞌ ña: ―Koto náꞌyúꞌ nú ―nkachiꞌ re̱ꞌ.

Lucas 8:42

Chi se̱ꞌya sɨ́ꞌɨ́ métúꞌún re̱ꞌ, ya̱ íñɨ́ ña yatin u̱xu̱ꞌ u̱vi̱ꞌ (12) kui̱ya̱ꞌ, sa̱néꞌ íyó kuviꞌ ña. Soo ni kua̱ꞌa̱nꞌ Jesús jín re̱ꞌ, jee ne̱ nákuniꞌi rá ñɨvɨ kue̱ꞌe̱ꞌ vá Jesús níkɨ́nꞌ ráa maa.

Lucas 8:52

Jee ntáká rá ñɨvɨ nééꞌ veꞌi Jairo náꞌyúꞌ ráa jee íyó tu̱nkuíꞌyáꞌ iniꞌ ráa jie̱ꞌe̱ꞌ ñalúlí vá. Soo nkachiꞌ Jesús nu̱u̱nꞌ ráa: ―Koto náꞌyúꞌ rán, chi nsáꞌ ni̱ꞌi̱ꞌ ña, chisaꞌ kíxíꞌ ña ―nkachiꞌ re̱ꞌ.

Juan 11:19

Jee kue̱ꞌe̱ꞌ víꞌí rá ñɨvɨ Israel yukuán nkenta ráa nu̱u̱nꞌ nééꞌ Marta jín María, sáva nasaꞌá neí ráa iniꞌ ráña, jie̱ꞌe̱ꞌ ya̱ níꞌiꞌ ku̱ꞌva ráña.

Hechos 9:39

I̱ña̱jée nke̱chí Pedro jee kua̱ꞌa̱nꞌ re̱ꞌ jín ráa. Sáá nkenta ráa jín re̱ꞌ, ña̱na̱ka ráa re̱ꞌ iniꞌ veꞌi yósóꞌ táꞌán vá. Jee nkuti̱yu̱ꞌ ntáká rá ñaꞌan náꞌví nu̱u̱nꞌ Pedro, jee náꞌyúꞌ ráa. Jee xínéꞌénꞌ ráa rá saꞌma kání ñúnkáꞌnú jín rá saꞌma sáꞌá ya̱ nsa̱ꞌá ña sáá ntekuꞌ ña jín ráa.

Hechos 9:41

Jee njia̱ꞌa re̱ꞌ naꞌá re̱ꞌ nu̱u̱nꞌ ña, jee nxi̱nákuiñɨꞌ re̱ꞌ ña. Jee nkana re̱ꞌ rá ñɨvɨ yɨ́ꞌɨ́ nu̱u̱nꞌ Jesús, ne̱ jíꞌín rá ñaꞌan náꞌví, jee nxi̱néꞌénꞌ re̱ꞌ ña nu̱u̱nꞌ ráa ya̱ tékúꞌ ña.

Santiago 1:27

Jee tɨ́ɨn kuéntáꞌ Tátáꞌ‑ó Ndiosíꞌ ya̱ néñu̱ꞌun ninuꞌun‑ó re̱ꞌ, jín ya̱ saɨn iniꞌ‑ó ya̱ néñu̱ꞌun‑ó re̱ꞌ retú sáꞌá‑ó yaꞌá: ya̱ chíneí‑ó rá kuáchí nkino̱o láꞌví jín rá ñaꞌan ya̱ nkino̱o náꞌví ráa, ya̱ kúkuíꞌyáꞌ iniꞌ ráa nu̱u̱nꞌ ya̱ nóꞌo ráa, jee suni ya̱ kúmí‑ó maáó ya̱ ntu sátéꞌén‑ó ánímaꞌ‑ó jín ya̱ niváꞌa ya̱ níyo iniꞌ ñɨvɨ ñɨ̱vɨ́.