Lucas 4:7 - Mixteco del suroeste de Tlaxiaco Oaxaca

⁷ Saáva retú nakui̱ñɨ̱ꞌ ítɨ́ nú nu̱u̱nꞌ nuꞌuꞌ kuneñu̱ꞌun nú nuꞌuꞌ, jee taji ni̱ꞌ kua̱íyó nu̱u̱nꞌ nú ―nkachiꞌ kui̱ꞌna̱ꞌ vá.

Lucas 4:7 Iomraidhean Croise

Mateo 2:11

Jee sáá nki̱vɨ ráa iniꞌ veꞌi, jee niniꞌ ráa su̱chí lúlí yɨ́ɨ́ vá jín nánáꞌ‑a María, jee ña̱kui̱ñɨ̱ꞌ ítɨ́ ráa, jee nneñu̱ꞌun ráa su̱chí lúlí vá. Jee nine ráa rá kajúnꞌ ya̱tu̱nꞌ ínaꞌá ráa nsi̱kútaꞌviꞌ ráa rá ta̱ꞌvi̱ꞌ nu̱u̱nꞌ su̱chí vá, ya̱ kúvi yu̱u̱ꞌ kuáán yɨ́yáꞌvi nasɨ́kuitɨꞌ, jín su̱jie i̱i̱ꞌ, jín inka ka̱ꞌ su̱jie naní mirra.

Lucas 17:16

Jee nna̱kui̱ñɨ̱ꞌ ítɨ́‑ɨ jie̱ꞌe̱ꞌ Jesús, jee ña̱xin‑i nu̱u̱nꞌ‑u ne̱ nu̱u̱nꞌ ñu̱ꞌún, jiáꞌa‑a ya̱ kútaꞌviꞌ‑i nu̱u̱nꞌ Jesús. Jee kúvi‑i ɨɨn te̱e ñuunꞌ Samaria.

Lucas 4:6

Jee nkachiꞌ kui̱ꞌna̱ꞌ vá nu̱u̱nꞌ re̱ꞌ: ―Nu̱u̱nꞌ noꞌó taji ni̱ꞌ ya̱ kunisotíñú nú tatúníꞌ nú nu̱u̱nꞌ ntáká rá ñuunꞌ yaꞌá, jee taji ni̱ꞌ nu̱u̱nꞌ nú rá viiꞌ nasɨ́kuitɨꞌ kúñáꞌnú íyó maa. Chi nna̱taji maa nu̱u̱nꞌ ni̱ꞌ jee xi̱ntíín ni̱ꞌ nna̱kɨ̱ꞌɨ maa, jee ku̱ꞌva ni̱ꞌ maa nu̱u̱nꞌ néni ɨɨn nu̱u̱nꞌ ya̱ kuíni maáníꞌ ku̱ꞌva ni̱ꞌ maa.

Lucas 4:8

Jee nna̱xiníkó Jesús, jee nkachiꞌ re̱ꞌ nu̱u̱nꞌ‑u: ―Kuiyo nu̱u̱nꞌ ni̱ꞌ, Satanás, chi káchíꞌ tu̱ꞌun níso nu̱u̱nꞌ Tutuꞌ Ííꞌ ya̱: I̱toꞌoꞌ nú ya̱ kúvi Ndiosíꞌ nú íyó kuneñu̱ꞌun nú maa, jee nu̱u̱nꞌ métúꞌún maáréꞌ ni íyó kɨtíñú nú ―nkachiꞌ Jesús.

Lucas 8:28

Jee sáá niniꞌ‑i Jesús, jee nka̱najíín‑i jee ña̱kui̱ñɨ̱ꞌ ítɨ́‑ɨ ña̱xin‑i maáa jie̱ꞌe̱ꞌ Jesús, jee kua̱neí‑i nka̱najíín‑i: ―¿Na̱kui chi kíní nú maánú jín nuꞌuꞌ, Jesús, Se̱ꞌya Ndiosíꞌ máá kúñáꞌnú nasɨ́kuitɨꞌ nu̱u̱nꞌ kua̱íyó? Jíkánꞌ táꞌvíꞌ ni̱ꞌ nu̱u̱nꞌ noꞌó ya̱ koto xínóꞌo nú nuꞌuꞌ ―nkachiꞌ‑i.

Apoclipsis 22:8

Nuꞌuꞌ, Juan, nuꞌuꞌ ví ya̱ nteso̱ꞌo ni̱ꞌ jee niniꞌ jínúunꞌ ni̱ꞌ ntáká rá tu̱ꞌun yaꞌá jín tiñu yaꞌá. Jee sáá nkuvi nteso̱ꞌo ni̱ꞌ rá tu̱ꞌun vá, jín rá tiñu niniꞌ jínúunꞌ ni̱ꞌ vá, jee nna̱kui̱ñɨ̱ꞌ ítɨ́ ni̱ꞌ jiáxin ni̱ꞌ maáníꞌ ne̱ nu̱u̱nꞌ ñuꞌun jie̱ꞌe̱ꞌ najiáꞌáꞌ ííꞌ vá ya̱ nstúvi‑i rá tiñu vá nu̱u̱nꞌ nuꞌuꞌ sáva kuneñu̱ꞌun ni̱ꞌ maa nékúvi.

Apoclipsis 4:10

jee ta íchí néñu̱ꞌun ráa Ndiosíꞌ sukuán saájee suni ni o̱ko̱ꞌ ku̱mi̱ꞌ (24) rá te̱e kúñáꞌnú vá, nákuíñɨꞌ ítɨ́ ráa jiáxin ráa maáráa ne̱ nu̱u̱nꞌ ñuꞌun nu̱u̱nꞌ re̱ꞌ ya̱ nééꞌ re̱ꞌ teyuꞌ tátúníꞌ re̱ꞌ, jee chíñúꞌún ráa maáréꞌ ya̱ tékúꞌ re̱ꞌ nɨ́ɨ́nkání, jee táváꞌ ráa rá corona ñúxíniꞌ ráa jiákɨ́nꞌ ráa maa ichinúúnꞌ teyuꞌ nu̱u̱nꞌ tátúníꞌ re̱ꞌ. Jee káchíꞌ ráa:

Apoclipsis 5:8

Jee sáá ntɨɨn re̱ꞌ tutuꞌ vá, jee ni kúmíꞌ rá tékúꞌ vá, jín ni ókóꞌ ku̱mi̱ꞌ (24) rá te̱e kúñáꞌnú vá nna̱kui̱ñɨ̱ꞌ ítɨ́ ráa jiáxin ráa maáráa ne̱ nu̱u̱nꞌ ñuꞌún nu̱u̱nꞌ re̱ꞌ. Jee ta ɨɨn ɨɨn rá te̱e kúñáꞌnú vá ínaꞌá ráa yaaꞌ naní arpa, jín ko̱ꞌo̱ꞌ oro ñúꞌún chitú su̱jie ííꞌ iniꞌ ráa. Jee rá su̱jie ííꞌ vá kúvi ráa rá tu̱ꞌun ya̱ káꞌánꞌ rá ñɨvɨ Ndiosíꞌ jín re̱ꞌ jee kúvi rá ñɨvɨ vá ya̱ nsa̱ꞌá sɨ́ɨ́n re̱ꞌ ráa sáva kuvi ráa ñɨvɨ re̱ꞌ.