Lucas 4:42 - Mixteco del suroeste de Tlaxiaco Oaxaca

⁴² Jee sáá nku̱nijinꞌ ki̱vɨ̱ꞌ steñu̱ꞌún jee nkene Jesús yuñúúnꞌ ɨɨn nu̱u̱nꞌ ntu ñɨvɨ, jee rá ñɨvɨ kue̱ꞌe̱ꞌ nánukú ráa re̱ꞌ, jee nkenta ráa nu̱u̱nꞌ nééꞌ re̱ꞌ, jee núnasɨ́ ráa chínetu ráa re̱ꞌ sáva ntu kene re̱ꞌ nteñu ráa.

Lucas 4:42 Iomraidhean Croise

Marcos 1:45

Soo kua̱ꞌa̱nꞌ te̱e vá jee nka̱jiéꞌé nna̱kani víꞌí‑i nu̱u̱nꞌ nɨꞌɨ rá ñɨvɨ. Jee ñe̱te̱nuun tu̱ꞌun jie̱ꞌe̱ꞌ ya̱ nkuvi yukuán, saáva ntu nkúvi ka̱ꞌ ki̱vɨ nijinꞌ Jesús nu̱u̱nꞌ ni ɨɨn rá ñuunꞌ. Chisaꞌ ni̱kónúun iyo re̱ꞌ nu̱u̱nꞌ ñu̱ꞌún sáɨn, jee nkiji rá ñɨvɨ ne̱ ntáká ichi nu̱u̱nꞌ re̱ꞌ.

Lucas 24:29

Jee nte̱tuvi ráa re̱ꞌ ya̱ kino̱o re̱ꞌ jín ráa, jee nkachiꞌ ráa nu̱u̱nꞌ re̱ꞌ: ―Kino̱o nú jín ránuꞌuꞌ yaꞌá, chi yánini, ya̱ kúnéñuꞌun ―nkachiꞌ ráa. Saájee nki̱vɨ Jesús yukuán sáva nkino̱o re̱ꞌ jín ráa.

Lucas 6:12

Jee sáá njia̱ꞌa rá ki̱vɨ̱ꞌ yukuán, jee kua̱ꞌa̱nꞌ Jesús xi̱ni̱ꞌ ɨɨn yuku sáva kaꞌanꞌ re̱ꞌ jín Ndiosíꞌ jee naniñuꞌ káꞌánꞌ re̱ꞌ jín Ndiosíꞌ.

Juan 4:34

Jee nkachiꞌ Jesús nu̱u̱nꞌ ráa: ―Neyu yájíꞌ ni̱ꞌ ví ya̱ saꞌá ni̱ꞌ sáni kuíni maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ, jín ya̱ sijínu ni̱ꞌ tiñu re̱ꞌ.

Juan 4:40

Saáva sáá nkenta rá ñɨvɨ ñuunꞌ Samaria vá nu̱u̱nꞌ Jesús, jee ni̱ka̱nꞌ táꞌvíꞌ ráa nu̱u̱nꞌ re̱ꞌ ya̱ kino̱o re̱ꞌ jín ráa. Jee nkino̱o re̱ꞌ u̱vi̱ꞌ ki̱vɨ̱ꞌ yukuán.

Juan 6:24

Jee sáá niniꞌ rá ñɨvɨ vá ya̱ ntu ka̱ꞌ nééꞌ Jesús yukuán, ni rá te̱e súkuáꞌa re̱ꞌ vá, jee nki̱vɨ rá ñɨvɨ vá iniꞌ rá barkúꞌ vá jee kua̱ꞌa̱nꞌ ráa ne̱ ñuunꞌ Capernaum, kua̱nanukú ráa Jesús.