Lucas 4:4 - Mixteco del suroeste de Tlaxiaco Oaxaca

⁴ Saájee nna̱xiníkó Jesús: ―Nu̱u̱nꞌ Tutuꞌ níso Tu̱ꞌun Ndiosíꞌ káchíꞌ ya̱: Nsú kua̱chi kuitɨꞌ ya̱ yájíꞌ ñɨvɨ sáꞌá ya̱ kutekuꞌ‑u. [Chisaꞌ ntáká tu̱ꞌun ya̱ kéne yuꞌú Ndiosíꞌ sáꞌá ya̱ kutekuꞌ‑u] ―nkachiꞌ re̱ꞌ.

Lucas 4:4 Iomraidhean Croise

Mateo 4:4

Jee nkachiꞌ Jesús nu̱u̱nꞌ‑u: ―Nu̱u̱nꞌ Tutuꞌ níso Tu̱ꞌun Ndiosíꞌ káchíꞌ: “Nsú kua̱chi kuitɨꞌ ya̱ yájíꞌ ñɨvɨ sáꞌá ya̱ kutekuꞌ‑u, chisaꞌ ntáká tu̱ꞌun ya̱ kéne yuꞌú Ndiosíꞌ sáꞌá ya̱ kutekuꞌ‑u.”

Mateo 6:31

Jee saáva koto nániꞌvɨꞌ iniꞌ rán jee kachiꞌ rán: “¿Ná kúvi ya̱ kajiꞌ‑ó?”, áxí, “¿ná kúvi ya̱ koꞌo‑ó?”, áxí, “¿ná kúvi ya̱ kuꞌun‑ó?”

Lucas 22:35

Saájee nkachiꞌ Jesús nu̱u̱nꞌ ráa. ―Sáá nta̱jí ni̱ꞌ ránoꞌó ña̱kachitu̱ꞌún rán tu̱ꞌun váꞌa Ndiosíꞌ, jee ni̱ꞌ ntu̱náꞌ ñɨɨn ñúꞌún xu̱ꞌún rán ínaꞌá rán, ni ñunu ñúꞌún nantíñú nú, ni ni̱jia̱nꞌ, jee, ¿á níyo ná nkumaniꞌ nu̱u̱nꞌ rán ya̱ jíniñúꞌún rán rúja? ―nkachiꞌ re̱ꞌ. Jee nkachiꞌ ráa: ―Ntu̱náꞌ nkúmániꞌ.

Lucas 4:10

chi káchíꞌ Tu̱ꞌun níso nu̱u̱nꞌ Tutuꞌ Ííꞌ ya̱: Tatúníꞌ re̱ꞌ nu̱u̱nꞌ rá najiáꞌáꞌ ííꞌ re̱ꞌ ya̱ kumí ráa noꞌó,

Lucas 4:3

Saájee nkachiꞌ kui̱ꞌna̱ꞌ kúñáꞌnú nu̱u̱nꞌ re̱ꞌ: ―Ya̱ kúvi nú Se̱ꞌya Ndiosíꞌ, jee kachiꞌ nu̱u̱nꞌ yu̱u̱ꞌ yaꞌá ya̱ nuvi‑i i̱xta̱tíláꞌ kajiꞌ nú ―nkachiꞌ‑i.

Lucas 4:8

Jee nna̱xiníkó Jesús, jee nkachiꞌ re̱ꞌ nu̱u̱nꞌ‑u: ―Kuiyo nu̱u̱nꞌ ni̱ꞌ, Satanás, chi káchíꞌ tu̱ꞌun níso nu̱u̱nꞌ Tutuꞌ Ííꞌ ya̱: I̱toꞌoꞌ nú ya̱ kúvi Ndiosíꞌ nú íyó kuneñu̱ꞌun nú maa, jee nu̱u̱nꞌ métúꞌún maáréꞌ ni íyó kɨtíñú nú ―nkachiꞌ Jesús.

Efesios 6:17

Jee kuiñɨ ni̱ꞌin rán jín ya̱ xinánitáꞌvíꞌ Ndiosíꞌ yó, chi yukuán kúvi kuéntáꞌ ɨɨn ti̱kokoꞌ ka̱a ya̱ ñúꞌún xi̱ni̱ꞌ ɨɨn soldado ya̱ náma‑a xi̱ni̱ꞌ‑i. Jee kuatíñú rán Tu̱ꞌun Ndiosíꞌ, ya̱ ntaji Ta̱chi̱ꞌ Ííꞌ re̱ꞌ nu̱u̱nꞌ‑ó kuéntáꞌ ɨɨn yuchiꞌ espada ya̱ jiátíñú rá soldado nu̱u̱nꞌ kántáꞌán ráa.