Lucas 3:13 - Mixteco del suroeste de Tlaxiaco Oaxaca

¹³ Jee nna̱xiníkó re̱ꞌ nu̱u̱nꞌ ráa: ―Koto síkáa víꞌí rán xu̱ꞌún nakeꞌen rán nu̱u̱nꞌ rá ñɨvɨ ya̱ chunáán ráa xu̱ꞌún náneeꞌ vetíñú, chisaꞌ nakeꞌen rán sánikua̱ꞌ íyó chunáán ráa ―nkachiꞌ re̱ꞌ.

Lucas 3:13 Iomraidhean Croise

Mateo 7:12

Jee saáva ntáká sánikua̱ꞌ kuíni rán ya̱ saꞌá ñɨvɨ jín ránoꞌó jee suni sukuán saꞌá rán jín ráa, chi sukuán xínéꞌénꞌ tu̱ꞌun ley nta̱túníꞌ Ndiosíꞌ ya̱ ntee Moisés jín suni rá tu̱ꞌun ya̱ nna̱kani rá te̱e nna̱kani tu̱ꞌun nkene yuꞌú máá maá Ndiosíꞌ yanaꞌán.

Lucas 19:8

Saájee nnakui̱ñɨ̱ꞌ nichiꞌ Zaqueo, jee nkachiꞌ‑i nu̱u̱nꞌ I̱toꞌoꞌ‑ó: ―Kune̱ꞌyá nú I̱toꞌoꞌ ni̱ꞌ, chi ku̱ꞌva ni̱ꞌ sava rá nantíñú kúmí ni̱ꞌ nu̱u̱nꞌ rá ñɨvɨ láꞌví, jee retú si̱kɨ̱ꞌ ka̱ꞌ nsi̱káa ni̱ꞌ nka̱neeꞌ ni̱ꞌ xu̱ꞌún néni ɨɨn rá ñɨvɨ, jee ku̱mi̱ꞌ íchí ka̱ꞌ naku̱ꞌva ni̱ꞌ maa nu̱u̱nꞌ ráa ―nkachiꞌ‑i.

Lucas 3:12

Jee rá te̱e nákeꞌen xu̱ꞌún náneeꞌ ñuunꞌ Roma, jee suni nkenta sava ráa sáva kuanuté ráa jee nkachiꞌ ráa nu̱u̱nꞌ Juan: ―Mestrúꞌ, ¿ná kúvi ya̱ saꞌá rán maa rúja? ―nkachiꞌ ráa.

Lucas 3:14

Jee suni ni̱ka̱tu̱ꞌún sava rá soldado: ―Jee ránuꞌuꞌ, ¿ná kúvi ya̱ saꞌá ráníꞌ rúja? ―nkachiꞌ ráa. Jee nkachiꞌ re̱ꞌ nu̱u̱nꞌ ráa: ―Koto chúyúꞌví rán iniꞌ ni ɨɨn rá ñɨvɨ sáva kaneeꞌ rán xu̱ꞌún ráa, ni koto tée kuáá rán kua̱chi si̱kɨ̱ꞌ ráa, chisaꞌ kuva̱ꞌa iniꞌ rán sánikua̱ꞌ íyó ya̱ꞌvi rán.

1 Corintios 6:10

ni rá ñɨvɨ kuíꞌná, ni rá ñɨvɨ uꞌvi iniꞌ, ni rá ñɨvɨ ka̱ꞌva, ni rá ñɨvɨ kákuíyuꞌú, ni rá ñɨvɨ sáꞌá máñáꞌ, chi nsáꞌ ni̱ꞌi̱nꞌ ráa ta̱ꞌvi̱ꞌ ya̱ ki̱vɨ ráa xi̱ntíín Ndiosíꞌ tátúníꞌ re̱ꞌ nu̱u̱nꞌ ráa.

Efesios 4:28

Jee ñɨvɨ ya̱ sákuíꞌná, jee koto sákuíꞌná‑a ka̱ꞌ, chisaꞌ íyó satíñú‑u jín naꞌá‑a tiñu kúvi ya̱ váꞌa, sáva ni̱ꞌi̱nꞌ‑i ya̱ ku̱ꞌva‑a nu̱u̱nꞌ inka ñɨvɨ ya̱ jíniñúꞌún.

Hebreos 12:1

Saáva, suni maáó ranika̱ꞌ, jee kuéntáꞌ nñuti̱yu̱ꞌ kue̱ꞌe̱ꞌ víꞌí nasɨ́kuitɨꞌ rá ñɨvɨ vá yó, ya̱ nstúvi ráa ya̱ naáꞌ jie̱ꞌe̱ꞌ yɨ́yáꞌvi ka̱ꞌ ya̱ kúneí iniꞌ ñɨvɨ Ndiosíꞌ. Jee saáva, xinóo‑ó ntáká tiñu sávéi yó jín rá kua̱chi ya̱ tɨ́ɨn ñamaꞌ‑a yó. Jee kuniꞌvɨꞌ iniꞌ‑ó kuni̱ꞌin‑ó kɨ̱ꞌɨ̱nꞌ‑ó ichinúúnꞌ‑ó nu̱u̱nꞌ ichi ñakɨnꞌ Ndiosíꞌ nu̱u̱nꞌ‑ó ñɨ̱vɨ́ yaꞌá, kuéntáꞌ jínu‑ó carrera.