Lucas 3:11 - Mixteco del suroeste de Tlaxiaco Oaxaca

¹¹ Jee nna̱xiníkó re̱ꞌ nu̱u̱nꞌ ráa: ―Ɨɨn ñɨvɨ ya̱ retú kúmí‑i u̱vi̱ꞌ saꞌma, íyó ku̱ꞌva‑a ɨɨn nu̱u̱nꞌ ñɨvɨ ya̱ ntu̱náꞌ kúmí. Jee ñɨvɨ ya̱ íyó ya̱ yájíꞌ‑i, jee suni sukuán saꞌá jín ñɨvɨ ya̱ ntu íyó ya̱ kajiꞌ ―nkachiꞌ re̱ꞌ.

Lucas 3:11 Iomraidhean Croise

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Lucas 11:41

Soo ne̱ ánímaꞌ rán naku̱ꞌva rán ya̱ íyó nu̱u̱nꞌ rán nu̱u̱nꞌ rá ñɨvɨ láꞌví, jee noo kino̱o nɨꞌɨ nu̱u̱nꞌ ránoꞌó.

Lucas 18:22

Jee sáá nteso̱ꞌo Jesús ya̱ nkachiꞌ‑i, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Lucas 19:8

Saájee nnakui̱ñɨ̱ꞌ nichiꞌ Zaqueo, jee nkachiꞌ‑i nu̱u̱nꞌ I̱toꞌoꞌ‑ó: ―Kune̱ꞌyá nú I̱toꞌoꞌ ni̱ꞌ, chi ku̱ꞌva ni̱ꞌ sava rá nantíñú kúmí ni̱ꞌ nu̱u̱nꞌ rá ñɨvɨ láꞌví, jee retú si̱kɨ̱ꞌ ka̱ꞌ nsi̱káa ni̱ꞌ nka̱neeꞌ ni̱ꞌ xu̱ꞌún néni ɨɨn rá ñɨvɨ, jee ku̱mi̱ꞌ íchí ka̱ꞌ naku̱ꞌva ni̱ꞌ maa nu̱u̱nꞌ ráa ―nkachiꞌ‑i.

Juan 13:29

Chi sava ráa nkaꞌvi iniꞌ ráa ya̱ nkachiꞌ Jesús sukuán, chi Judas kúvi te̱e ya̱ nééꞌ si̱kɨ̱ꞌ re̱ꞌ ya̱ kúmí váꞌa re̱ꞌ ñunu xu̱ꞌún ráa, jee saáva nkaꞌvi iniꞌ ráa ya̱ nkachiꞌ Jesús ya̱ kikeꞌen‑e nantíñú ya̱ jíniñúꞌún ráa ki̱vɨ̱ꞌ viko, áxí ya̱ ku̱ꞌva‑a ntíꞌ xu̱ꞌún nu̱u̱nꞌ rá ñɨvɨ láꞌví.

Hechos 10:2

Suvire̱ꞌ jín nɨꞌɨ rá táꞌán veꞌi re̱ꞌ kúvi ráa ñɨvɨ néñu̱ꞌun ráa Ndiosíꞌ, jee ñúyúꞌví iniꞌ ráa nu̱u̱nꞌ Ndiosíꞌ. Jee sáꞌá víꞌí re̱ꞌ caridad nu̱u̱nꞌ rá ñɨvɨ láꞌví, jee sukuáni káꞌánꞌ re̱ꞌ jín Ndiosíꞌ.

Hechos 10:31

Jee nkachiꞌ re̱ꞌ: “Ndiosíꞌ nteso̱ꞌo ya̱ nkaꞌanꞌ nú jín re̱ꞌ jee nákúꞌun iniꞌ Ndiosíꞌ rá caridad nsa̱ꞌá nú.

Hechos 10:4

Ni nne̱ꞌyá re̱ꞌ saá maa, jee nyu̱ꞌví i̱yo re̱ꞌ, jee nkachiꞌ re̱ꞌ: ―¿Ná kúníꞌ nú?, Tátáꞌ. Jee nkachiꞌ najiáꞌáꞌ ííꞌ vá nu̱u̱nꞌ re̱ꞌ: ―Ya̱ kue̱ꞌe̱ꞌ káꞌánꞌ nú jín Ndiosíꞌ jín ya̱ nsa̱ꞌá nú caridad nu̱u̱nꞌ ñɨvɨ, ya̱ ntɨɨn kuéntáꞌ Ndiosíꞌ maa ya̱ nso̱ko̱ꞌ nú maa nu̱u̱nꞌ re̱ꞌ.

Efesios 4:28

Jee ñɨvɨ ya̱ sákuíꞌná, jee koto sákuíꞌná‑a ka̱ꞌ, chisaꞌ íyó satíñú‑u jín naꞌá‑a tiñu kúvi ya̱ váꞌa, sáva ni̱ꞌi̱nꞌ‑i ya̱ ku̱ꞌva‑a nu̱u̱nꞌ inka ñɨvɨ ya̱ jíniñúꞌún.

1 Timoteo 6:17

Rá ñɨvɨ kúká ya̱ kúmí víꞌí nantíñú tiempúꞌ vitan, tetíñú nú ráa, ya̱ koto íyó vi̱xi̱ꞌ ráa, jee ya̱ koto jiáꞌa ráa tu̱neí iniꞌ ráa nu̱u̱nꞌ rá nantíñú kue̱ꞌe̱ꞌ yɨ́yáꞌvi, chi ntu̱ví kúun yoꞌo‑o jee ntu sukuáni chíneí‑i ráa. Chisaꞌ tatúníꞌ nú nu̱u̱nꞌ ráa, ya̱ ku̱ꞌva ráa tu̱neí iniꞌ ráa nu̱u̱nꞌ Ndiosíꞌ tékúꞌ, ya̱ kue̱ꞌe̱ꞌ víꞌí táji re̱ꞌ nu̱u̱nꞌ‑ó nɨꞌɨ nantíñú jíniñúꞌún‑ó, sáva kusɨ̱ɨ̱ꞌ iniꞌ‑ó jín‑i.

1 Timoteo 6:18

Jee suni tatúníꞌ nú nu̱u̱nꞌ ráa, ya̱ saꞌá ráa ya̱ váꞌa, sáva kuvi kuéntáꞌ kúká ráa jín kue̱ꞌe̱ꞌ tiñu váꞌa sáꞌá ráa. Jee koo ma̱ni̱ꞌ iniꞌ ráa, ya̱ ɨɨn ni koo iniꞌ ráa ku̱ꞌva ráa ya̱ chineí ráa inka ñɨvɨ jín rá nantíñú ráa.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

Santiago 1:27

Jee tɨ́ɨn kuéntáꞌ Tátáꞌ‑ó Ndiosíꞌ ya̱ néñu̱ꞌun ninuꞌun‑ó re̱ꞌ, jín ya̱ saɨn iniꞌ‑ó ya̱ néñu̱ꞌun‑ó re̱ꞌ retú sáꞌá‑ó yaꞌá: ya̱ chíneí‑ó rá kuáchí nkino̱o láꞌví jín rá ñaꞌan ya̱ nkino̱o náꞌví ráa, ya̱ kúkuíꞌyáꞌ iniꞌ ráa nu̱u̱nꞌ ya̱ nóꞌo ráa, jee suni ya̱ kúmí‑ó maáó ya̱ ntu sátéꞌén‑ó ánímaꞌ‑ó jín ya̱ niváꞌa ya̱ níyo iniꞌ ñɨvɨ ñɨ̱vɨ́.

Santiago 2:14

Ránoꞌó ñaniꞌ ni̱ꞌ jín ku̱ꞌva ni̱ꞌ, ¿na̱ nu̱u̱nꞌ vá íyótiñu, retú ɨɨn ñɨvɨ káchíꞌ ya̱ kúneí iniꞌ‑i Jesús, jee retú ntu sáꞌá‑a tiñu váꞌa rúja? Retú suꞌva kúneí iniꞌ ñɨvɨ vá, ¿á kúvi natavaꞌ‑a ñɨvɨ vá nu̱u̱nꞌ kua̱chi ñɨvɨ vá sikáku‑u ñɨvɨ vá résa?

1 Juan 3:17

Soo néni ɨɨn ñɨvɨ ya̱ kúmí‑i rá nantíñú íyó ñɨ̱vɨ́ yaꞌá, jee jíníꞌ‑i ya̱ kúmániꞌ ya̱ jíniñúꞌún ñanitáꞌán‑a kutekuꞌ‑u, soo nu̱u̱nꞌ kutú ánímaꞌ‑a, jee ni ntu̱náꞌ jiáꞌa‑a ya̱ jíniñúꞌún ñanitáꞌán‑a, ¿na̱sa kúvi ñúꞌún iniꞌ ñɨvɨ vá ya̱ sáꞌá Ndiosíꞌ ya̱ kunu̱u̱nꞌ‑u, résa?

1 Juan 4:20

Jee retú néni ɨɨn ñɨvɨ kachiꞌ: “Maáníꞌ ñúnúunꞌ ni̱ꞌ Ndiosíꞌ”, jee retú táꞌvi iniꞌ‑i néꞌyá‑a ñanitáꞌán‑a, jee ñɨvɨ túꞌún ví‑i. Chi ñɨvɨ ya̱ ntu ñúnúunꞌ‑u táꞌán‑a ya̱ jíníꞌ‑i jín nchinúún‑u, jee ntu kúvi kunu̱u̱nꞌ‑u Ndiosíꞌ ya̱ ntiáꞌan kuniꞌ‑i re̱ꞌ jín nchinúún‑u.