Lucas 3:1 - Mixteco del suroeste de Tlaxiaco Oaxaca

¹ Jee kui̱ya̱ꞌ xáꞌúnꞌ (15) ya̱ nkuvi ya̱ tátúníꞌ Tiberio nu̱u̱nꞌ rá nación ya̱ yɨ́ꞌɨ́ ráa xi̱ntíín ñuunꞌ Roma, jee Poncio Pilato kúvi re̱ꞌ te̱e tátúníꞌ nu̱u̱nꞌ ñuunꞌ Judea, jee Herodes kúvi re̱ꞌ te̱e tátúníꞌ nu̱u̱nꞌ ñuunꞌ Galilea, jee ñaniꞌ re̱ꞌ Felipe kúvi re̱ꞌ te̱e tátúníꞌ nu̱u̱nꞌ ñuunꞌ Iturea jín nu̱u̱nꞌ ñuunꞌ Traconite, jee Lisanias kúvi te̱e tátúníꞌ nu̱u̱nꞌ ñuunꞌ Abilinia.

Lucas 3:1 Iomraidhean Croise

Génesis 49:10

Jee nkuíyo bastón nu̱u̱nꞌ Judá, jee kino̱o bastón te̱e néetiñu jín rá ichiyúkúnꞌ kiji nu̱u̱nꞌ re̱ꞌ ya̱ tatúníꞌ ráa ne̱kua̱ꞌ kiji te̱e xí karútíꞌ vá, jee rá ñɨvɨ ntáká rá ñuunꞌ kaníjiá ráa re̱ꞌ.

Mateo 14:1

Jee tiempúꞌ yukuán Herodes kúvi te̱e tátúníꞌ nu̱u̱nꞌ ñuunꞌ Galilea. Jee nteso̱ꞌo‑o tu̱ꞌun nákani rá ñɨvɨ jie̱ꞌe̱ꞌ Jesús.

Mateo 14:3

Nkachiꞌ Herodes sukuán chi ya nkuvi tiempúꞌ sáá ntají re̱ꞌ tɨɨn ráa Juan, kuꞌniꞌ ráa maa, nchiꞌi ráa maa iniꞌ veka̱a. Nsa̱ꞌá Herodes sukuán, chi nta̱na̱ꞌá re̱ꞌ jín Herodías ya̱ nkuvi ñasɨ́ꞌɨ́ ñaniꞌ re̱ꞌ Felipe,

Mateo 14:6

Soo nkenta ki̱vɨ̱ꞌ íyó viko nánu kui̱ya̱ꞌ nkaku Herodes, jee se̱ꞌya sɨ́ꞌɨ́ Herodías nka̱tiéꞌé ña ichinúúnꞌ rá ñɨvɨ nééꞌ viko re̱ꞌ, jee ntaꞌanꞌ víꞌí iniꞌ Herodes nsa̱ꞌá ña.

Mateo 22:17

Saáva kachiꞌ xá nu̱u̱nꞌ ráníꞌ na̱ja jiáni iniꞌ nú, ¿á yɨ́netuꞌ ya̱ chunáán‑ó xu̱ꞌún náneeꞌ te̱e ya̱ tátúníꞌ nación Roma, áxí ntu̱ví? ―nkachiꞌ rává nu̱u̱nꞌ Jesús.

Mateo 27:2

Jee niꞌniꞌ ráa re̱ꞌ, jee kua̱ꞌa̱nꞌ ráa jín re̱ꞌ jee nna̱ku̱ꞌva ráa re̱ꞌ xi̱ntíín Pilato ya̱ kúvi te̱e ñuunꞌ Roma, ya̱ tátúníꞌ nu̱u̱nꞌ ñuunꞌ Israel.

Marcos 6:17

Nkachiꞌ Herodes suꞌva chi [ya̱ nkuvi tiempúꞌ ichi ya̱ta̱ꞌ ya̱] máá maáréꞌ nta̱jí re̱ꞌ ntɨɨn ráa Juan jee niꞌniꞌ ráa maa iniꞌ veka̱a. Nsa̱ꞌá re̱ꞌ yaꞌá jie̱ꞌe̱ꞌ Herodías, ñasɨ́ꞌɨ́ ñaniꞌ re̱ꞌ, ya̱ kúvi Felipe, chi nna̱tana̱ꞌá Herodes jín ña.

Marcos 6:21

Soo nkenta ɨɨn ki̱vɨ̱ꞌ ñúꞌún iniꞌ ña, máá sáá nkenta viko kui̱ya̱ꞌ Herodes. Nsa̱ꞌá re̱ꞌ ɨɨn xíní nu̱u̱nꞌ rá te̱e kúñáꞌnú jín re̱ꞌ, jín rá capitán soldado, jín rá te̱e kúñáꞌnú ñuunꞌ Galilea.

Lucas 13:31

Jee maá hora yukuán ntuꞌva sava rá te̱e yɨ́ꞌɨ́ ñujiínꞌ fariseo nu̱u̱nꞌ Jesús, jee nkachiꞌ ráa nu̱u̱nꞌ re̱ꞌ: ―Kene nú nu̱u̱nꞌ ñuunꞌ yaꞌá kuáꞌán chi kuíni Herodes kaꞌniꞌ re̱ꞌ noꞌó ―nkachiꞌ ráa.

Lucas 2:1

Jee rá ki̱vɨ̱ꞌ tiempúꞌ yukuán nkuvi suꞌva, jee Augusto ya̱ kúvi te̱e tátúníꞌ ñuunꞌ Roma, jee nta̱túníꞌ re̱ꞌ nu̱u̱nꞌ rá ñɨvɨ kua̱íyó rá ñuunꞌ íyó ñɨ̱vɨ́ ya̱ yɨ́ꞌɨ́ ráa xi̱ntíín ñuunꞌ Roma ya̱ nakeꞌen ráa kua̱íyó súví rá ñɨvɨ nakɨ̱ꞌɨ nu̱u̱nꞌ tutuꞌ.

Lucas 23:24

Saájee nkuna̱a̱ꞌ iniꞌ Pilato saꞌá re̱ꞌ sáni ya̱ nyɨ̱tuvi ráa.

Lucas 3:19

Soo suni nnu̱xichiꞌ re̱ꞌ nu̱u̱nꞌ Herodes te̱e tátúníꞌ, jie̱ꞌe̱ꞌ ya̱ nna̱kunaka‑a ña̱nu‑u Herodías ñaꞌan kúvi ñasɨ́ꞌɨ́ ñaniꞌ‑i Felipe, jín suni jie̱ꞌe̱ꞌ ntáká ka̱ꞌ rá tiñu niváꞌa ya̱ nsa̱ꞌá‑a.

Lucas 9:7

Jee Herodes, te̱e tátúníꞌ, chi nku̱káꞌnú iniꞌ re̱ꞌ jie̱ꞌe̱ꞌ ntáká tiñu sáꞌá Jesús. Jee nku̱naan nku̱suꞌva re̱ꞌ, chi sava rá ñɨvɨ káchíꞌ ya̱ Juan ví‑i ya̱ nna̱tekuꞌ i̱i̱ꞌ‑i ya̱ níꞌiꞌ‑i,

Hechos 23:26

“Claudio Lisias, nu̱u̱nꞌ Félix, te̱e nísotíñú ñáꞌnú. ¿Á íyó va̱ꞌa nú?

Hechos 24:27

Sáá njia̱ꞌa u̱vi̱ꞌ kui̱ya̱ꞌ, jee nna̱kuiñɨꞌ inka te̱e naní Porcio Festo nu̱u̱nꞌ tiñu nniso Félix. Soo nkuini Félix ya̱ kino̱o va̱ꞌa jín rá ñɨvɨ Israel, saáva nxi̱nóo re̱ꞌ Pablo veka̱a.

Hechos 26:30

Nnakui̱ñɨ̱ꞌ nichiꞌ te̱e tátúníꞌ vá, jín te̱e nísotíñú, jín Berenice, jín rá ñɨvɨ nééꞌ jín ráa.

Hechos 4:27

’Jee sukuán nkuvi nijia, chi nku̱tútú Herodes, jín Poncio Pilato, jín rá ñɨvɨ ntu kúvi Israel, jín rá ñɨvɨ kúvi Israel, ñuunꞌ yaꞌá. Jee nkenta ráa si̱kɨ̱ꞌ Se̱ꞌya ííꞌ nú, Jesús, ya̱ ñani nú sáva tatúníꞌ re̱ꞌ nu̱u̱nꞌ ñɨ̱vɨ́.