Lucas 23:12 - Mixteco del suroeste de Tlaxiaco Oaxaca

¹² Jee ki̱vɨ̱ꞌ yukuán jee nnuma̱ni̱ꞌ Pilato jín Herodes, chi nékúvi jee ntu̱fi̱ꞌ ta̱ꞌán ráa.

Lucas 23:12 Iomraidhean Croise

Mateo 16:1

Rá te̱e yɨ́ꞌɨ́ ñujiínꞌ fariseo jín rá saduceo nkenta ráa nu̱u̱nꞌ Jesús, sáva sikúvi ráa iniꞌ re̱ꞌ sáva kototúníꞌ ráa re̱ꞌ. Jee saáva ni̱ka̱nꞌ ráa nu̱u̱nꞌ re̱ꞌ ya̱ saꞌá re̱ꞌ ɨɨn seña a̱nasɨ́ ya̱ stúvi re̱ꞌ ya̱ níso re̱ꞌ fesáꞌ ííꞌ váji ne̱ nu̱u̱nꞌ Ndiosíꞌ nééꞌ antivɨ́ súkún.

Mateo 27:2

Jee niꞌniꞌ ráa re̱ꞌ, jee kua̱ꞌa̱nꞌ ráa jín re̱ꞌ jee nna̱ku̱ꞌva ráa re̱ꞌ xi̱ntíín Pilato ya̱ kúvi te̱e ñuunꞌ Roma, ya̱ tátúníꞌ nu̱u̱nꞌ ñuunꞌ Israel.

Hechos 4:27

’Jee sukuán nkuvi nijia, chi nku̱tútú Herodes, jín Poncio Pilato, jín rá ñɨvɨ ntu kúvi Israel, jín rá ñɨvɨ kúvi Israel, ñuunꞌ yaꞌá. Jee nkenta ráa si̱kɨ̱ꞌ Se̱ꞌya ííꞌ nú, Jesús, ya̱ ñani nú sáva tatúníꞌ re̱ꞌ nu̱u̱nꞌ ñɨ̱vɨ́.