Lucas 22:43 - Mixteco del suroeste de Tlaxiaco Oaxaca

⁴³ Saájee nkitu̱vi ɨɨn najiáꞌáꞌ ííꞌ Ndiosíꞌ ya̱ váji ne̱ antivɨ́ súkún nu̱u̱nꞌ re̱ꞌ sáva nna̱sáneí‑i iniꞌ re̱ꞌ.

Lucas 22:43 Iomraidhean Croise

Mateo 26:53

¿Á ntu̱ví jíníꞌ ránú ya̱ kuvi ka̱ka̱nꞌ táꞌvíꞌ ni̱ꞌ nu̱u̱nꞌ Tátáꞌ ni̱ꞌ, jee kuísá ntañúꞌún tají re̱ꞌ víꞌí ka̱ꞌ u̱ni̱xiko u̱xi̱ꞌ u̱vi̱ꞌ mil (72,000) rá najiáꞌáꞌ ííꞌ re̱ꞌ nu̱u̱nꞌ ni̱ꞌ, jee nama ráa nuꞌuꞌ?

Mateo 4:11

Saájee nkuiyo kui̱ꞌna̱ꞌ vá nu̱u̱nꞌ Jesús jee kua̱ꞌa̱nꞌ‑a, jee nkenta rá najiáꞌáꞌ ííꞌ Ndiosíꞌ nchi̱neí ráa Jesús.

Mateo 4:6

Jee nkachiꞌ‑i nu̱u̱nꞌ Jesús: ―Ya̱ kúvi nú Se̱ꞌya Ndiosíꞌ, ku̱te̱ꞌ nú maánú ne̱ nu̱u̱nꞌ ñu̱ꞌún, chi káchíꞌ tu̱ꞌun níso nu̱u̱nꞌ Tutuꞌ Ííꞌ: Tatúníꞌ re̱ꞌ nu̱u̱nꞌ rá najiáꞌáꞌ ííꞌ re̱ꞌ jie̱ꞌe̱ꞌ noꞌó, jee kunaꞌá ráa noꞌó, sáva ntu kachiꞌi jie̱ꞌe̱ꞌ nú nu̱u̱nꞌ yuúꞌ jee tu̱fi̱ꞌ nú.

Lucas 22:32

Soo nuꞌuꞌ jíkánꞌ táꞌvíꞌ ni̱ꞌ jie̱ꞌe̱ꞌ nú nu̱u̱nꞌ Ndiosíꞌ sáva níta ya̱ kúneí iniꞌ nú nuꞌuꞌ. Jee sáá nakani iniꞌ nú ya̱ nsa̱ꞌá nú jee nikó nú nu̱u̱nꞌ nuꞌuꞌ saájee nasáneí nú iniꞌ ánímaꞌ rá ñanitáꞌán nú kuiñɨ ni̱ꞌin ráa ―nkachiꞌ Jesús.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

Hechos 18:23

Sáá nkuvi nneeꞌ‑e yukuán yakuꞌ tiempúꞌ, jee nkene‑e kua̱ꞌa̱nꞌ‑a jiáꞌa‑a ta ñuunꞌ sánitɨ́ɨn Galacia jín Frigia. Jee yukuán nachituvi‑i nɨꞌɨ rá ñɨvɨ níkɨ́nꞌ ñujiínꞌ Jesús.

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.

Hebreos 1:14

Chi ntáká rá najiáꞌáꞌ ííꞌ Ndiosíꞌ, jee súka̱ꞌ ntu̱ví íyó yɨkɨkúñu ráa, soo jiátíñú re̱ꞌ ráa kúvi ráa musúꞌ re̱ꞌ sáꞌá ráa tiñu re̱ꞌ, chi chúichí re̱ꞌ ráa sáva chineí ráa ntáká rá ñɨvɨ ya̱ ni̱ꞌi̱nꞌ rává ta̱ꞌvi̱ꞌ ya̱ nanitáꞌvíꞌ rává.

Hebreos 1:6

Jee inka íchí, sáá nta̱jí Ndiosíꞌ métúꞌún Se̱ꞌya maáréꞌ nkiji‑i iniꞌ ñɨ̱vɨ́ yaꞌá, jee nkachiꞌ re̱ꞌ: Ntáká rá najiáꞌáꞌ ííꞌ kuneñu̱ꞌun ráa Se̱ꞌya ni̱ꞌ. Nkachiꞌ Ndiosíꞌ.

Hebreos 2:17

Jee saáva niniñúꞌún re̱ꞌ nkenta nkuvi re̱ꞌ kuéntáꞌ mákua íyó kuitɨꞌ rá ñaniꞌ re̱ꞌ, sáva nkenta nkuvi re̱ꞌ ɨɨn su̱tu̱ꞌ kúñáꞌnú nasɨ́kuitɨꞌ, ya̱ náꞌví iniꞌ re̱ꞌ néꞌyá re̱ꞌ ráa, jee síkúnkuvi na̱a̱ꞌ re̱ꞌ tiñu Ndiosíꞌ, sáva nso̱ko̱ꞌ re̱ꞌ maáréꞌ sáva siíyo re̱ꞌ kua̱chi rá ñɨvɨ.