Lucas 2:5 - Mixteco del suroeste de Tlaxiaco Oaxaca

⁵ Jee kua̱ꞌa̱nꞌ re̱ꞌ yukuán sáva naku̱ꞌva nkáá re̱ꞌ súví re̱ꞌ jín María yukuán, ya̱ káá náꞌviꞌ re̱ꞌ jín ña, jee nééꞌ kue̱ꞌi̱ꞌ ña.

Lucas 2:5 Iomraidhean Croise

Lucas 2:1

Jee rá ki̱vɨ̱ꞌ tiempúꞌ yukuán nkuvi suꞌva, jee Augusto ya̱ kúvi te̱e tátúníꞌ ñuunꞌ Roma, jee nta̱túníꞌ re̱ꞌ nu̱u̱nꞌ rá ñɨvɨ kua̱íyó rá ñuunꞌ íyó ñɨ̱vɨ́ ya̱ yɨ́ꞌɨ́ ráa xi̱ntíín ñuunꞌ Roma ya̱ nakeꞌen ráa kua̱íyó súví rá ñɨvɨ nakɨ̱ꞌɨ nu̱u̱nꞌ tutuꞌ.

Lucas 2:3

Jee ntáká rá ñɨvɨ kua̱noꞌonꞌ ráa ta rá ñuunꞌ rá jííꞌ ráa kua̱naku̱ꞌva ráa súví ráa.

Lucas 2:4

Jee suni José ranika̱ꞌ nkene re̱ꞌ ñuunꞌ Nazaret ɨɨn rá ñuunꞌ Galilea, jee kua̱noꞌonꞌ re̱ꞌ ñuunꞌ yɨ́ꞌɨ́ xi̱ntíín Judea, naní Belén, ya̱ kúvi ñuunꞌ nu̱u̱nꞌ nkaku David jííꞌ re̱ꞌ yanaꞌán. Chi kúvi re̱ꞌ se̱ꞌya ichiyúkúnꞌ va̱ji nu̱u̱nꞌ David.

Lucas 2:6

Jee ni nééꞌ ráa Belén yukuán, jee nkenta ki̱vɨ̱ꞌ ya̱ sikáku ña se̱ꞌya ña.