Lucas 2:46 - Mixteco del suroeste de Tlaxiaco Oaxaca

⁴⁶ Jee ne̱ ki̱vɨ̱ꞌ uníꞌ nkuvi jee nna̱niꞌinꞌ ráa re̱ꞌ iniꞌ veñu̱ꞌun káꞌnú Jerusalén, nééꞌ re̱ꞌ nteñu rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, tésóꞌo re̱ꞌ tu̱ꞌun káchíꞌ ráa, jee jíkátu̱ꞌún re̱ꞌ ráa.

Lucas 2:46 Iomraidhean Croise

Mateo 12:40

Chi kuéntáꞌ kua̱ꞌ ñúꞌún Jonás u̱ni̱ꞌ ki̱vɨ̱ꞌ jín u̱ni̱ꞌ yakuááꞌ iniꞌ ɨɨn tia̱ká máá káꞌnú nasɨ́kuitɨꞌ, jee suni sukuán kuvi jín nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, chi kɨse̱ꞌí ni̱ꞌ chi̱ji ñuꞌun u̱ni̱ꞌ ki̱vɨ̱ꞌ jín u̱ni̱ꞌ yakuááꞌ.

Mateo 16:21

Ne̱ saájee nka̱jiéꞌé Jesús nakachiꞌ va̱ꞌa na̱a̱ꞌ re̱ꞌ nu̱u̱nꞌ rá te̱e súkuáꞌa re̱ꞌ vá, ya̱ íyó re̱ꞌ kɨ̱ꞌɨ̱nꞌ re̱ꞌ nu̱u̱nꞌ ñuunꞌ Jerusalén. Jee rá te̱e kúñáꞌnú, jín rá su̱tu̱ꞌ kúñáꞌnú, jín rá te̱e xínéꞌénꞌ tu̱ꞌun nta̱túníꞌ Ndiosíꞌ yanaꞌán, xinóꞌo víꞌí ráa re̱ꞌ, jee kaꞌniꞌ ráa re̱ꞌ. Soo ki̱vɨ̱ꞌ uníꞌ jee natekuꞌ i̱i̱ꞌ re̱ꞌ kene re̱ꞌ nteñu rá ni̱yɨ.

Lucas 2:47

Jee ntáká rá ñɨvɨ ya̱ tésóꞌo ráa rá tu̱ꞌun káchíꞌ re̱ꞌ jee tívɨ́ xíniꞌ ráa ya̱ níchí víꞌí káꞌánꞌ re̱ꞌ jín suni rá tu̱ꞌun náxiníkó re̱ꞌ nu̱u̱nꞌ ráa.

Lucas 5:17

Jee ɨɨn ki̱vɨ̱ꞌ sáá xínéꞌénꞌ Jesús Tu̱ꞌun Ndiosíꞌ, jee yukuán nééꞌ sava rá te̱e yɨ́ꞌɨ́ ráa nu̱u̱nꞌ ñujiínꞌ fariseo jín sava rá te̱e ya̱ xínéꞌénꞌ ráa jie̱ꞌe̱ꞌ tu̱ꞌun nta̱túníꞌ Ndiosíꞌ, jee va̱ji ráa ntáká rá ñuunꞌ tɨ́ɨn Galilea jín rá ñuunꞌ tɨ́ɨn Judea, jín ñuunꞌ káꞌnú Jerusalén. Jee fuersáꞌ níꞌinꞌ níso I̱toꞌoꞌ‑ó Ndiosíꞌ íyó‑o jín Jesús sáva xinúvi re̱ꞌ rá ñɨvɨ.

Juan 3:10

Saájee nna̱xiníkó Jesús jee nkachiꞌ‑i nu̱u̱nꞌ re̱ꞌ: ―Noꞌó kúvi ɨɨn mestrúꞌ nu̱u̱nꞌ rá ñɨvɨ Israel jee, ¿á ntu jíníꞌ nú jie̱ꞌe̱ꞌ vá rúja?

Hechos 5:34

Soo nnakui̱ñɨ̱ꞌ nichiꞌ ɨɨn te̱e naní Gamaliel ichinúúnꞌ Justicia. Kúvi re̱ꞌ ɨɨn te̱e yɨ́ꞌɨ́ ñujiínꞌ fariseo, ya̱ xínéꞌénꞌ re̱ꞌ jie̱ꞌe̱ꞌ tu̱ꞌun ley Ndiosíꞌ. Jee íyó ñáꞌnú nɨꞌɨ rá ñɨvɨ nu̱u̱nꞌ re̱ꞌ. Jee nta̱túníꞌ re̱ꞌ ya̱ tavaꞌ ráa rá te̱e vá chíkéꞌi unúún.

1 Timoteo 1:7

Chi kuíni ráa xinéꞌénꞌ ráa tu̱ꞌun ley, ya̱ njia̱ꞌa Ndiosíꞌ nu̱u̱nꞌ Moisés, soo ntu jiáku̱ꞌun iniꞌ ráa jie̱ꞌe̱ꞌ tu̱ꞌun ya̱ káchíꞌ ráa, jín jie̱ꞌe̱ꞌ ya̱ íchí sanáaꞌ ráa.