Lucas 16:2 - Mixteco del suroeste de Tlaxiaco Oaxaca

² Saájee nkana re̱ꞌ musúꞌ re̱ꞌ vá, jee nkachiꞌ re̱ꞌ nu̱u̱nꞌ‑u: “¿Ná kúvi rá tiñu yaꞌá ya̱ tésóꞌo ni̱ꞌ jie̱ꞌe̱ꞌ nú? Nataji nú kuéntáꞌ nu̱u̱nꞌ ni̱ꞌ jie̱ꞌe̱ꞌ tiñu níso nú, chi nsáꞌ kunisotíñú nú ka̱ꞌ nu̱u̱nꞌ rá tiñu sáꞌá ni̱ꞌ”, nkachiꞌ re̱ꞌ.

Lucas 16:2 Iomraidhean Croise

Mateo 12:36

Soo káchíꞌ ni̱ꞌ nu̱u̱nꞌ rán ki̱vɨ̱ꞌ koo juiciúꞌ jee naku̱ꞌva ñɨvɨ kuéntáꞌ jie̱ꞌe̱ꞌ ntáká tu̱ꞌun nékáíyó káꞌánꞌ‑a.

Mateo 20:8

’Jee sáá kúnéñuꞌun, jee nkachiꞌ i̱toꞌoꞌ xí tiñu vá nu̱u̱nꞌ te̱e tátúníꞌ yósóꞌ nu̱u̱nꞌ rá musúꞌ vá: “Kana nú rá musúꞌ, jee chunáán nú ya̱ꞌvi ráa, kajiéꞌé jín rá musúꞌ nki̱vɨ ne̱ nu̱u̱nꞌ nɨ́ꞌɨ, jee rá nki̱vɨ ya̱ xíꞌnañúꞌún kuvi ráa ne̱ nu̱u̱nꞌ nɨ́ꞌɨ”, nkachiꞌ i̱toꞌoꞌ xí tiñu vá.

Lucas 12:20

Soo nkachiꞌ Ndiosíꞌ nu̱u̱nꞌ re̱ꞌ: “Te̱e naanꞌ, chi yakuááꞌ vitan kinake̱ꞌen ni̱ꞌ ánímaꞌ nú, jee rá nsa̱ꞌá stákoo nú, ¿né ɨɨn vá kuvi maa rúja?”, nkachiꞌ Ndiosíꞌ nu̱u̱nꞌ te̱e vá.

Lucas 12:42

Saájee nkachiꞌ I̱toꞌoꞌ‑ó: ―¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Lucas 16:1

Jee suni nkachiꞌ tuku Jesús nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa: ―Ni̱yo ɨɨn te̱e kúká ya̱ íyó ɨɨn musúꞌ re̱ꞌ ya̱ nísotíñú‑u nu̱u̱nꞌ rá tiñu sáꞌá re̱ꞌ, jee nxi̱kóñáꞌán ñɨvɨ maa nu̱u̱nꞌ re̱ꞌ ya̱ jiáxínꞌ síkɨ́ sɨ̱ɨ̱ꞌ‑ɨ ya̱ kúmí re̱ꞌ.

Lucas 16:3

’Saájee ñani iniꞌ maá musúꞌ vá nne̱ꞌyá‑a maáa: “¿Ná kúvi ya̱ saꞌá ni̱ꞌ?, chi kaneeꞌ i̱toꞌoꞌ ni̱ꞌ tiñu níso ni̱ꞌ. Jee ni ntu fesáꞌ ni̱ꞌ kete ni̱ꞌ nu̱u̱nꞌ ñu̱ꞌún, jee retú ka̱ka̱nꞌ ni̱ꞌ kutaꞌviꞌ ni̱ꞌ jee kúkanuun ni̱ꞌ.

Romanos 14:12

Saáva ta ɨɨn ta ɨɨn‑ó na̱siáꞌa‑ó kuéntáꞌ jie̱ꞌe̱ꞌ na̱sa vá nsa̱ꞌá‑ó ni nééꞌ‑ó ñɨ̱vɨ́ yaꞌá nu̱u̱nꞌ Ndiosíꞌ tékúꞌ ya̱ íyó antivɨ́ súkún.

1 Corintios 1:11

Jee káchíꞌ ni̱ꞌ rá yaꞌá nu̱u̱nꞌ ránoꞌó ñanitáꞌán maáníꞌ, chi rá ñɨvɨ táꞌán veꞌi Cloé nsi̱kúkáꞌnú ráa iniꞌ ni̱ꞌ ya̱ íyó tuntíxín nteñu ránoꞌó.

1 Corintios 4:2

Chi rá ñɨvɨ ya̱ néen kuéntáꞌ tiñu i̱toꞌoꞌ ráa íyó sikúnkuvi va̱ꞌa ráa maa.

1 Corintios 4:5

Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.

2 Corintios 5:10

Chi nta̱ká‑ó saá íyó kɨ̱ꞌɨ̱nꞌ‑ó kuiñɨ‑ó nu̱u̱nꞌ keꞌneꞌ Cristo rá tiñu nsa̱ꞌá‑ó, sáva ta ɨɨn ɨɨn‑ó ni̱ꞌi̱nꞌ‑ó sánikua̱ꞌ na̱ja nsa̱ꞌá‑ó, va̱ni tiñu váꞌa áxí va̱ni tiñu níváꞌa, sáá ni̱yo‑ó jín yɨkɨkúñu‑ó iniꞌ ñɨ̱vɨ́ yaꞌá.

1 Timoteo 4:14

Koto xínóo nú saꞌá nú tiñu Ndiosíꞌ ya̱ kúvi ta̱ꞌvi̱ꞌ ntaji Ta̱chi̱ꞌ Ííꞌ Ndiosíꞌ nu̱u̱nꞌ nú ya̱ chíneí re̱ꞌ noꞌó sáꞌá nú maa, chi rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ rává Cristo nchi̱só ráa naꞌá ráa xi̱ni̱ꞌ nú, sáva kani ráa noꞌó kuniso nú tiñu vá, jee ɨɨn ráa nna̱kani‑i tu̱ꞌun nkene yuꞌú Ndiosíꞌ ya̱ taji re̱ꞌ ta̱ꞌvi̱ꞌ vá nu̱u̱nꞌ nú.

1 Timoteo 5:24

Rá kua̱chi sáꞌá sava ñɨvɨ, kájíkuitɨꞌ túvi‑i ne̱ ntiáꞌan kuna̱a̱ꞌ kua̱chi ráa. Soo kuéé ka̱ꞌ natu̱vi rá kua̱chi rá inka ráa.

1 Pedro 4:10

Jee nu̱u̱nꞌ ta ɨɨn ɨɨn rán nsi̱kútaꞌviꞌ Ndiosíꞌ ɨɨn ta̱ꞌvi̱ꞌ nu̱u̱nꞌ ránoꞌó ya̱ kuvi saꞌá rán ɨɨn tiñu, jee sánikua̱ꞌ íyó ta̱ꞌvi̱ꞌ rán jee íyó saꞌá rán tiñu vá sáva chineí rán ɨɨn inka ka̱ꞌ rá táꞌán rán, jee suꞌva sikúnkuvi na̱a̱ꞌ va̱ꞌa rán maa sánikua̱ꞌ sɨ́ɨ́n sɨ́ɨ́n nu̱u̱nꞌ ta̱ꞌvi̱ꞌ ví‑i nsi̱kútaꞌviꞌ Ndiosíꞌ maa nu̱u̱nꞌ rán.

1 Pedro 4:5

Soo suviráa chi naku̱ꞌva ráa kuéntáꞌ na̱ja ñáꞌnu ráa nu̱u̱nꞌ máá Ndiosíꞌ ya̱ íyó túꞌva re̱ꞌ sáva sanáaꞌ re̱ꞌ jie̱ꞌe̱ꞌ kua̱chi rá ñɨvɨ tékúꞌ jín rá ñɨvɨ níꞌiꞌ.

Apoclipsis 20:12

Jee niniꞌ ni̱ꞌ kua̱íyó rá ni̱yɨ, va̱ni ya̱ kúñáꞌnú va̱ni ya̱ ntu kúñáꞌnú, íñɨ́ ráa ichinúúnꞌ re̱ꞌ. Jee nsa̱ꞌá re̱ꞌ ya̱ nnine rá tutuꞌ. Jee nsa̱ꞌá re̱ꞌ ya̱ nnine inka ka̱ꞌ tutuꞌ níso súví rá ñɨvɨ ya̱ kutekuꞌ ráa nɨ́ɨ́nkání jín Ndiosíꞌ. Jee nsa̱ꞌá náaꞌ re̱ꞌ jie̱ꞌe̱ꞌ rá ñɨvɨ sánikua̱ꞌ tiñu nsa̱ꞌá ráa ya̱ níso nu̱u̱nꞌ rá tutuꞌ yukuán.