Lucas 14:15 - Mixteco del suroeste de Tlaxiaco Oaxaca

¹⁵ Jee sáá nteso̱ꞌo ɨɨn rá ñɨvɨ ya̱ nééꞌ jín re̱ꞌ yuꞌú mesa rá tu̱ꞌun yaꞌá, jee nkachiꞌ‑i nu̱u̱nꞌ re̱ꞌ: ―Na̱ ka̱ꞌ netuꞌ ka̱ꞌ kúvi ñɨvɨ ya̱ kajiꞌ‑i neyu nu̱u̱nꞌ ñuunꞌ nu̱u̱nꞌ tátúníꞌ Ndiosíꞌ ne̱ antivɨ́ ―nkachiꞌ‑i.

Lucas 14:15 Iomraidhean Croise

Mateo 25:10

’Jee ni kua̱ꞌa̱nꞌ rá ñaꞌan súchí núún kua̱keꞌen ráa aceite jee nkanta te̱e tánáꞌá vá, jee ni úꞌúnꞌ rá ñaꞌan ya̱ íyó tu̱ꞌva ráa jín kantil ráa, jee nki̱vɨ ráa jín te̱e tánáꞌá vá iniꞌ veꞌi nu̱u̱nꞌ íyó viko tánáꞌá vá, jee nna̱kasɨꞌ yuvéꞌí nu̱u̱nꞌ nkívɨ ráa vá.

Mateo 8:11

Jee káchíꞌ ni̱ꞌ nu̱u̱nꞌ rán ya̱ kue̱ꞌe̱ꞌ víꞌí ñɨvɨ kene ráa rá ñuunꞌ káá ichi nu̱u̱nꞌ kénta nka̱niiꞌ, jín rá ñuunꞌ káá ichi nu̱u̱nꞌ táꞌánꞌ nka̱niiꞌ, kiji ráa kuneeꞌ ráa kajiꞌ ráa yumesáꞌ jín rá tátáꞌ jííꞌ‑ó yanaꞌán Abraham jín Isaac jín Jacob, sáá nachiꞌi Ndiosíꞌ, ya̱ nééꞌ antivɨ́ súkún, nɨꞌɨ xi̱ntíín re̱ꞌ tatúníꞌ re̱ꞌ nu̱u̱nꞌ nɨꞌɨ.

Lucas 12:37

Jee na̱ ka̱ꞌ netuꞌ ka̱ꞌ ví rá musúꞌ vá sáá nenta i̱toꞌoꞌ xí tiñu ráa jee naniꞌinꞌ re̱ꞌ ráa ya̱ íyó nito ráa. Jee máá naáꞌ nijia vá káchíꞌ ni̱ꞌ nu̱u̱nꞌ rán ya̱ suni ne̱ maá i̱toꞌoꞌ ráa nasatúꞌva re̱ꞌ maáréꞌ, jee sikúneeꞌ re̱ꞌ ráa yumesáꞌ, jee chisó re̱ꞌ nu̱u̱nꞌ ráa ya̱ kajiꞌ ráa.

Lucas 13:29

Soo kene rá ñɨvɨ rá ñuunꞌ káá ichi nu̱u̱nꞌ kénta nka̱niiꞌ jín rá ñuunꞌ káá ichi nu̱u̱nꞌ táꞌánꞌ nka̱niiꞌ, jín ichi norte jín ichi sur, jee kiji ráa kuneeꞌ ráa kajiꞌ ráa yumesáꞌ sáá nachiꞌi Ndiosíꞌ nɨꞌɨ xi̱ntíín re̱ꞌ tatúníꞌ re̱ꞌ nu̱u̱nꞌ nɨꞌɨ.

Lucas 22:16

Chi káchíꞌ ni̱ꞌ nu̱u̱nꞌ rán ya̱ ni nsáꞌ kajiꞌ tuku ni̱ꞌ ka̱ꞌ xíní viko Pascua, ne̱kua̱ꞌ sikúnkuvi nɨꞌɨ ya̱ nkuna̱a̱ꞌ iniꞌ Ndiosíꞌ jie̱ꞌe̱ꞌ vá sáá kɨꞌɨ nɨꞌɨ xi̱ntíín Ndiosíꞌ jee tatúníꞌ Ndiosíꞌ nu̱u̱nꞌ nɨꞌɨ ñɨ̱vɨ́ ―nkachiꞌ Jesús.

Lucas 22:30

sáva kajiꞌ rán koꞌo rán jín nuꞌuꞌ kuneeꞌ rán yuꞌú mesa ni̱ꞌ nu̱u̱nꞌ tátúníꞌ ni̱ꞌ nu̱u̱nꞌ nɨꞌɨ. Jee suni yukuán kuneeꞌ rán rá teyuꞌ ñáꞌnú sáva sanáaꞌ rán tatúníꞌ rán nu̱u̱nꞌ rá ñɨvɨ ya̱ kúvi ráa rá ni uxúꞌ u̱vi̱ꞌ tataꞌ ichiyúkúnꞌ ya̱ nkene ráa nu̱u̱nꞌ rá ni uxúꞌ u̱vi̱ꞌ (12) rá se̱ꞌya yɨ́ɨ́ Israel.

Apoclipsis 19:9

Saájee nkachiꞌ najiáꞌáꞌ ííꞌ nu̱u̱nꞌ ni̱ꞌ: ―Tee rá tu̱ꞌun yaꞌá: “¡Na̱ ka̱ꞌ netuꞌ ka̱ꞌ ví rá ñɨvɨ ya̱ nkana Ndiosíꞌ ráa ya̱ kɨ̱ꞌɨ̱nꞌ ráa xíní viko tánáꞌá re̱ꞌ ya̱ kúvi re̱ꞌ Lanchi Lúlí Ndiosíꞌ!” ―jee suni nkachiꞌ‑i ka̱ꞌ nu̱u̱nꞌ ni̱ꞌ―. Tu̱ꞌun na̱a̱ꞌ Ndiosíꞌ kúvi tu̱ꞌun vá ―nkachiꞌ najiáꞌáꞌ ííꞌ vá.