Lucas 14:13 - Mixteco del suroeste de Tlaxiaco Oaxaca

¹³ Chisaꞌ sáá sáꞌá nú viko, jee kana nú rá ñɨvɨ láꞌví, jín ñɨvɨ kúꞌlúꞌ, jín ñɨvɨ lénkó jín ñɨvɨ kuáá.

Lucas 14:13 Iomraidhean Croise

Mateo 15:30

Jee nkenta kue̱ꞌe̱ꞌ víꞌí rá ñɨvɨ nu̱u̱nꞌ re̱ꞌ, jee náka ráa rá ñɨvɨ lénkó, ñɨvɨ kuáá, ñɨvɨ kúꞌlúꞌ, ñɨvɨ ñɨ́ꞌɨ́nꞌ, jín kue̱ꞌe̱ꞌ víꞌí ka̱ꞌ rá ñɨvɨ kúꞌvíꞌ. Jee ñakɨnꞌ ráa rá ñɨvɨ kúꞌvíꞌ vá nu̱u̱nꞌ íñɨ́ Jesús. Jee nxi̱núvi re̱ꞌ rá ñɨvɨ kúꞌvíꞌ vá.

Mateo 22:10

Jee sáá nkene rá musúꞌ vá kua̱ꞌa̱nꞌ ráa ntáká rá ichi káꞌnú, jee nstútú ráa ntáká ñɨvɨ ya̱ naniꞌinꞌ ráa, va̱ni ñɨvɨ kánéꞌén, va̱ni ñɨvɨ va̱ꞌa, jee suꞌva nchi̱tú ñɨvɨ nu̱u̱nꞌ íyó viko tána̱ꞌá vá.

Lucas 11:41

Soo ne̱ ánímaꞌ rán naku̱ꞌva rán ya̱ íyó nu̱u̱nꞌ rán nu̱u̱nꞌ rá ñɨvɨ láꞌví, jee noo kino̱o nɨꞌɨ nu̱u̱nꞌ ránoꞌó.

Lucas 14:12

Jee suni nkachiꞌ re̱ꞌ nu̱u̱nꞌ te̱e ya̱ kana‑a re̱ꞌ kajiꞌ re̱ꞌ i̱xta̱ꞌ veꞌi‑i: ―Sáá sáꞌá nú neyu áxí xíní ya̱ ku̱ꞌva nú kajiꞌ rá ñɨvɨ jee koto kána nú rá ñɨvɨ ma̱ni̱ꞌ jín nú, jín rá ñaniꞌ nú, jín rá táꞌán nú, jín rá ñɨvɨ kúká ya̱ nééꞌ yatin jín nú, nsuñájee nakana tuku ráa noꞌó, jee natají tuku ráa nu̱u̱nꞌ nú.

Lucas 14:14

Saájee na̱ ka̱ꞌ netuꞌ ka̱ꞌ kuvi nú, chi ntu̱náꞌ íyó nu̱u̱nꞌ ráa ya̱ nataji ráa nu̱u̱nꞌ nú. Soo nachunáán Ndiosíꞌ nu̱u̱nꞌ noꞌó ya̱ kútaꞌviꞌ nú ki̱vɨ̱ꞌ natekuꞌ i̱i̱ꞌ rá ñɨvɨ na̱a̱ꞌ ya̱ níꞌiꞌ ―nkachiꞌ Jesús.

Lucas 14:21

Jee sáá nni̱kó musúꞌ vá jee nna̱kani‑i nɨꞌɨ rá tu̱ꞌun yaꞌá ya̱ nkachiꞌ rá ñɨvɨ vá nu̱u̱nꞌ i̱toꞌoꞌ‑o, saájee nki̱tɨ̱ꞌ víꞌí iniꞌ i̱toꞌoꞌ veꞌi vá, jee nkachiꞌ‑i nu̱u̱nꞌ musúꞌ‑u vá: “Kuáꞌán ntañúꞌún rá nu̱yáꞌvi jín rá iniꞌ ichi káá nteñu ñuunꞌ, jee kana nú rá ñɨvɨ láꞌví, jín rá ñɨvɨ kúꞌlúꞌ, jín rá ñɨvɨ kuáá jín rá ñɨvɨ lénkó, kiji ráa”, nkachiꞌ re̱ꞌ.

Hechos 9:39

I̱ña̱jée nke̱chí Pedro jee kua̱ꞌa̱nꞌ re̱ꞌ jín ráa. Sáá nkenta ráa jín re̱ꞌ, ña̱na̱ka ráa re̱ꞌ iniꞌ veꞌi yósóꞌ táꞌán vá. Jee nkuti̱yu̱ꞌ ntáká rá ñaꞌan náꞌví nu̱u̱nꞌ Pedro, jee náꞌyúꞌ ráa. Jee xínéꞌénꞌ ráa rá saꞌma kání ñúnkáꞌnú jín rá saꞌma sáꞌá ya̱ nsa̱ꞌá ña sáá ntekuꞌ ña jín ráa.

1 Timoteo 3:2

Ɨɨn te̱e níso tiñu vá, íyó kuvi re̱ꞌ ɨɨn te̱e, ya̱ ntu kúvi chikua̱chi ñɨvɨ re̱ꞌ, jín ya̱ kuvi re̱ꞌ yɨɨ́ métúꞌún ñaꞌan ni, jín ya̱ ñúꞌún ñáꞌnú iniꞌ re̱ꞌ, jín ya̱ ñúꞌún kájí iniꞌ re̱ꞌ, jín ya̱ jiáꞌnu ñáꞌnú re̱ꞌ nu̱u̱nꞌ rá ñɨvɨ, jín ya̱ íyó mániꞌ iniꞌ re̱ꞌ ya̱ ku̱ꞌva re̱ꞌ ntíꞌ veꞌi kino̱o ñɨvɨ jíka ichi. Jee kuvi xinéꞌénꞌ re̱ꞌ.

1 Timoteo 5:10

jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.

Tito 1:8

Soo íyó kuvi re̱ꞌ ɨɨn te̱e ya̱ íyó maniꞌ iniꞌ, ya̱ ku̱ꞌva re̱ꞌ ntíꞌ veꞌi kino̱o ñɨvɨ jíka ichi, jín ya̱ ñúnúunꞌ ya̱ váꞌa, jín ya̱ jiáni kájí iniꞌ, jín ya̱ jíka na̱a̱ꞌ, jín ya̱ sáꞌá sɨ́ɨ́n re̱ꞌ maáréꞌ ya̱ nkɨ́ꞌɨ re̱ꞌ nu̱u̱nꞌ ya̱ níváꞌa sáni kuíni Ndiosíꞌ, jín ya̱ nákeꞌen re̱ꞌ maáréꞌ.

Filemón 1:7

Chi kúsɨ́ɨꞌ nasɨ́kuitɨꞌ iniꞌ ánímaꞌ ni̱ꞌ, ñaniꞌ, jee núneí iniꞌ ni̱ꞌ jie̱ꞌe̱ꞌ ñúnúunꞌ nú rá ñanitáꞌán‑ó, chi nxi̱núváꞌa nú iniꞌ ánímaꞌ rá ñɨvɨ ya̱ nku̱sɨ́ɨ́n ráa yɨ́ꞌɨ́ ráa nu̱u̱nꞌ Cristo.

Hebreos 13:2

Jee koto náánꞌ iniꞌ rán ya̱ ku̱ꞌvanúún rán veꞌi rán kino̱o rá ñɨvɨ sáá jíniñúꞌún‑u nu̱u̱nꞌ kino̱o‑o. Chi jie̱ꞌe̱ꞌ vá, jee íyó ñɨvɨ káꞌvi ni ya̱ njia̱ꞌanúún ráa veꞌi ráa nu̱u̱nꞌ rá najiáꞌáꞌ ííꞌ Ndiosíꞌ nkino̱o rává sú ntu jíníꞌ ráa maa.