Lucas 13:16 - Mixteco del suroeste de Tlaxiaco Oaxaca

¹⁶ Soo ñaꞌan yaꞌá, ya̱ kúvi ña se̱ꞌya tataꞌ ichiyúkúnꞌ‑ó Abraham, ya̱ núꞌníꞌ ña nu̱u̱nꞌ kue̱ꞌi̱ꞌ xa̱ꞌu̱nꞌ u̱ni̱ꞌ (18) kui̱ya̱ꞌ nsa̱ꞌá Satanás, jee, ¿á ntu íyó nakui̱ñɨ̱ꞌ núne ña ki̱vɨ̱ꞌ nájiáví ya̱ núꞌníꞌ ña nu̱u̱nꞌ kue̱ꞌi̱ꞌ yaꞌá rúja? ―nkachiꞌ Jesús.

Lucas 13:16 Iomraidhean Croise

Mateo 4:10

Saájee nkachiꞌ Jesús nu̱u̱nꞌ‑u: ―Kuiyo nu̱u̱nꞌ ni̱ꞌ, Satanás, chi káchíꞌ tu̱ꞌun níso nu̱u̱nꞌ Tutuꞌ Ííꞌ ya̱: “Íyó kuneñu̱ꞌun nú I̱toꞌoꞌ nú ya̱ kúvi Ndiosíꞌ nú, jee nu̱u̱nꞌ métúꞌún maáréꞌ ni íyó kɨtíñú nú” ―nkachiꞌ Jesús.

Marcos 2:27

Jee nkachiꞌ Jesús nu̱u̱nꞌ ráa: ―Nsa̱ꞌá Ndiosíꞌ ki̱vɨ̱ꞌ nájiáví sáva kuvi ya̱ váꞌa nu̱u̱nꞌ rá ñɨvɨ. Soo nsáꞌ nsa̱ꞌá re̱ꞌ rá ñɨvɨ sáva yɨ́ñúꞌún ráa ki̱vɨ̱ꞌ nájiáví vá ne̱ kunoꞌo ráa.

Lucas 16:24

Saájee nka̱najíín re̱ꞌ, jee nkachiꞌ re̱ꞌ: “Tátáꞌ Abraham, kunáꞌví iniꞌ nú nuꞌuꞌ, jee chuichí nú Lázaro sáva chu̱náji re̱ꞌ xi̱ni̱ꞌ xi̱ntíín re̱ꞌ nu̱u̱nꞌ nute, jee xiníkó re̱ꞌ yáá ni̱ꞌ, chi nóꞌo nasɨ́kuitɨꞌ ni̱ꞌ nu̱u̱nꞌ ñuꞌúnꞌ xéénꞌ yaꞌá”, nkachiꞌ re̱ꞌ.

Lucas 19:9

Jee nkachiꞌ Jesús nu̱u̱nꞌ re̱ꞌ: ―Vitan nkenta natavaꞌ Ndiosíꞌ ɨɨn ñɨvɨ veꞌi yaꞌá nu̱u̱nꞌ kua̱chi‑i nsi̱káku re̱ꞌ maa, chi kúvi nijia‑a se̱ꞌya tataꞌ ichiyúkúnꞌ nkene nu̱u̱nꞌ Abraham.

Lucas 3:8

Jee saáva íyó saꞌá rán tiñu na̱a̱ꞌ váꞌa, ya̱ stúvi nijia rán ya̱ nna̱kani nijia iniꞌ rán nxi̱nóo rán tiñu niváꞌa. Jee suꞌva kuvi rán kuéntáꞌ yutun kúun ya̱ vixíꞌ váꞌa. Jee saáva koto káchíꞌ rán iniꞌ maárán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham, ya̱ kaníjiá ráa re̱ꞌ.

Juan 8:44

Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

Hechos 13:26

’Ránoꞌó ñaniꞌ, ya̱ kúvi rán se̱ꞌya tataꞌ Abraham, jín rá inka ñɨvɨ, ya̱ nééꞌ nteñu rán, ya̱ ñúyúꞌví iniꞌ rán nu̱u̱nꞌ Ndiosíꞌ. Nta̱jí re̱ꞌ nu̱u̱nꞌ rán tu̱ꞌun yaꞌá ya̱ káchíꞌ ya̱ nátavaꞌ re̱ꞌ yó nu̱u̱nꞌ kua̱chi‑ó xínánitáꞌvíꞌ re̱ꞌ yó.

2 Timoteo 2:26

Jee suꞌva kenta nakukájí iniꞌ ráa jee ka̱ku ráa nu̱u̱nꞌ máñáꞌ kui̱ꞌna̱ꞌ kúñáꞌnú nu̱u̱nꞌ nkininkava ráa jee ntɨɨn re̱ꞌ ráa sáva saꞌá ráa ya̱ kuíni re̱ꞌ.