Lucas 12:17 - Mixteco del suroeste de Tlaxiaco Oaxaca

¹⁷ Jee ñani iniꞌ‑i nne̱ꞌyá‑a maáa: “¿Ná kúvi ya̱ saꞌá ni̱ꞌ?, chi ntu ka̱ꞌ íyó nu̱u̱nꞌ chuva̱ꞌa ni̱ꞌ tataꞌ sáꞌá ni̱ꞌ ya̱ nkene.”

Lucas 12:17 Iomraidhean Croise

Mateo 16:7

Saájee nku̱kuéntú ráa jín táꞌán ráa jee nkachiꞌ ráa: ―Káchíꞌ re̱ꞌ nu̱u̱nꞌ‑ó sukuán, chi ntu váji‑ó jín i̱xta̱tíláꞌ.

Mateo 5:42

Jee ɨɨn ñɨvɨ ya̱ jíkánꞌ nantíñú nu̱u̱nꞌ nú, jee ku̱ꞌva maa nu̱u̱nꞌ‑u, jee ɨɨn ñɨvɨ ya̱ kuíni‑i ya̱ ku̱ꞌvanúún nú nu̱u̱nꞌ‑u jee koto nákuíñɨꞌ yátá nú nu̱u̱nꞌ‑u.

Lucas 10:25

Saájee ɨɨn te̱e ya̱ súkuáꞌa tu̱ꞌun nta̱túníꞌ Ndiosíꞌ, nna̱kuiñɨꞌ re̱ꞌ sáva kototúníꞌ re̱ꞌ Jesús jee ni̱ka̱tu̱ꞌún re̱ꞌ: ―Mestrúꞌ, ¿ná kúvi ya̱ saꞌá ni̱ꞌ sáva ni̱ꞌi̱nꞌ ni̱ꞌ ya̱ kutekuꞌ ni̱ꞌ nɨ́ɨ́nkání jín Ndiosíꞌ? ―nkachiꞌ‑i.

Lucas 11:41

Soo ne̱ ánímaꞌ rán naku̱ꞌva rán ya̱ íyó nu̱u̱nꞌ rán nu̱u̱nꞌ rá ñɨvɨ láꞌví, jee noo kino̱o nɨꞌɨ nu̱u̱nꞌ ránoꞌó.

Lucas 12:16

Saájee nna̱kani re̱ꞌ ɨɨn tu̱ꞌun ya̱ kúnkunuún káꞌánꞌ jín jie̱ꞌe̱ꞌ ya̱ káchíꞌ re̱ꞌ, jee nkachiꞌ re̱ꞌ: ―Nu̱u̱nꞌ ñuꞌun ɨɨn te̱e kúká nkene víꞌí tataꞌ sáꞌá‑a.

Lucas 12:18

Jee nkachiꞌ‑i: “Suꞌva saꞌá ni̱ꞌ. Kanɨꞌ ni̱ꞌ rá yakaꞌ ni̱ꞌ, jee nasákáꞌnú ni̱ꞌ ka̱ꞌ ráa, jee yukuán nataanꞌ ni̱ꞌ kua̱íyó rá tataꞌ sáꞌá ni̱ꞌ jín nɨꞌɨ rá nantíñú kúmí ni̱ꞌ.

Lucas 12:22

Saájee nkachiꞌ Jesús nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa: ―Saáva káchíꞌ ni̱ꞌ nu̱u̱nꞌ rán ya̱ koto nániꞌvɨꞌ iniꞌ rán jie̱ꞌe̱ꞌ na̱ja kutekuꞌ rán, va̱ni jie̱ꞌe̱ꞌ rénákúvi ya̱ kajiꞌ rán, jee koto nániꞌvɨꞌ iniꞌ rán jie̱ꞌe̱ꞌ yɨkɨkúñu rán, va̱ni ré jie̱ꞌe̱ꞌ na̱ saꞌma kuꞌun rán.

Lucas 12:29

Saáva koto nénu̱u̱nꞌ rán ná kúvi ya̱ kajiꞌ rán jín ná kúvi ya̱ koꞌo rán. Koto núkuíꞌyá iniꞌ ránú naniꞌvɨꞌ víꞌí iniꞌ rán jie̱ꞌe̱ꞌ vá.

Lucas 12:33

Xi̱kó rán nantíñú rán, jee ku̱ꞌva rán xu̱ꞌún nu̱u̱nꞌ rá ñɨvɨ láꞌví. Jee sukuán chuva̱ꞌa rán ta̱ꞌvi̱ꞌ yɨ́yáꞌvi maárán ya̱ ntu nɨ́ꞌɨ‑ɨ iniꞌ antivɨ́ súkún, jee suꞌva kuéntáꞌ yukuán saꞌá rán ñɨɨn xu̱ꞌún maárán ya̱ ntu kutúꞌú‑u. Jee yukuán ntu kénta rá kui̱ꞌná, ni ntu stívɨ́ ti̱kixinꞌ maa.

Lucas 16:3

’Saájee ñani iniꞌ maá musúꞌ vá nne̱ꞌyá‑a maáa: “¿Ná kúvi ya̱ saꞌá ni̱ꞌ?, chi kaneeꞌ i̱toꞌoꞌ ni̱ꞌ tiñu níso ni̱ꞌ. Jee ni ntu fesáꞌ ni̱ꞌ kete ni̱ꞌ nu̱u̱nꞌ ñu̱ꞌún, jee retú ka̱ka̱nꞌ ni̱ꞌ kutaꞌviꞌ ni̱ꞌ jee kúkanuun ni̱ꞌ.

Lucas 16:9

Soo sú rá ñɨvɨ ntu náaꞌ núkú ráa rá nantíñú kumí ráa, soo nuꞌuꞌ káchíꞌ ni̱ꞌ nu̱u̱nꞌ ránoꞌó ya̱ kuatíñú rán rá kúmí rán iniꞌ ñɨ̱vɨ́ yaꞌá sáva saꞌá va̱ꞌa rán jín ñɨvɨ sáva ni̱ꞌi̱nꞌ rán ya̱ tɨɨn ráa Tu̱ꞌun Ndiosíꞌ jee suꞌva saꞌá mániꞌ táꞌán rán, jee sáá nɨꞌɨ rá kúmí rán iniꞌ ñɨ̱vɨ́ yaꞌá, jee nakuatáꞌví ráa ránoꞌó sáá kenta rán nu̱u̱nꞌ nééꞌ Ndiosíꞌ nu̱u̱nꞌ kuneeꞌ rán nɨ́ɨ́nkání.

Lucas 18:22

Jee sáá nteso̱ꞌo Jesús ya̱ nkachiꞌ‑i, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Lucas 19:17

Jee nkachiꞌ re̱ꞌ nu̱u̱nꞌ‑u: “Íyó váꞌa, máá musúꞌ va̱ꞌa kúvi nú. Chi síkúnkuvi na̱a̱ꞌ nú sú ɨɨn tiñu lúlí, saáva taji ni̱ꞌ tiñu kunisotíñú nú tatúníꞌ nú nu̱u̱nꞌ u̱ji̱ꞌ rá ñuunꞌ”, nkachiꞌ re̱ꞌ.

Lucas 3:11

Jee nna̱xiníkó re̱ꞌ nu̱u̱nꞌ ráa: ―Ɨɨn ñɨvɨ ya̱ retú kúmí‑i u̱vi̱ꞌ saꞌma, íyó ku̱ꞌva‑a ɨɨn nu̱u̱nꞌ ñɨvɨ ya̱ ntu̱náꞌ kúmí. Jee ñɨvɨ ya̱ íyó ya̱ yájíꞌ‑i, jee suni sukuán saꞌá jín ñɨvɨ ya̱ ntu íyó ya̱ kajiꞌ ―nkachiꞌ re̱ꞌ.

Hechos 16:30

Jee ntavaꞌ re̱ꞌ ráa jee ni̱ka̱tu̱ꞌún re̱ꞌ ráa: ―¿Ná kúvi ya̱ íyó saꞌá ni̱ꞌ sáva natavaꞌ Ndiosíꞌ nuꞌuꞌ nu̱u̱nꞌ kua̱chi ni̱ꞌ nanitáꞌvíꞌ ni̱ꞌ?

Hechos 2:37

Sáá nteso̱ꞌo ráa tu̱ꞌun vá, nnu̱kuíꞌyáꞌ nasɨ́kuitɨꞌ iniꞌ ráa ne̱ ntu̱fi̱ꞌ ánímaꞌ ráa, jee nkachiꞌ ráa nu̱u̱nꞌ Pedro jín nu̱u̱nꞌ rá inka ka̱ꞌ te̱e níso rává tiñu apóstol: ―¿Ná íyó saꞌá ránꞌ, résa? Ránoꞌó ñaniꞌ.

Romanos 12:13

Jee chineí rán ya̱ jíniñúꞌún rá ñɨvɨ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Cristo. Jee koo ma̱ni̱ꞌ iniꞌ rán ku̱ꞌva rán ntíꞌ veꞌi rán kino̱o rá ñɨvɨ yɨ́ꞌɨ́ ráa nu̱u̱nꞌ Cristo ya̱ jíka ráa ichi.

1 Timoteo 6:17

Rá ñɨvɨ kúká ya̱ kúmí víꞌí nantíñú tiempúꞌ vitan, tetíñú nú ráa, ya̱ koto íyó vi̱xi̱ꞌ ráa, jee ya̱ koto jiáꞌa ráa tu̱neí iniꞌ ráa nu̱u̱nꞌ rá nantíñú kue̱ꞌe̱ꞌ yɨ́yáꞌvi, chi ntu̱ví kúun yoꞌo‑o jee ntu sukuáni chíneí‑i ráa. Chisaꞌ tatúníꞌ nú nu̱u̱nꞌ ráa, ya̱ ku̱ꞌva ráa tu̱neí iniꞌ ráa nu̱u̱nꞌ Ndiosíꞌ tékúꞌ, ya̱ kue̱ꞌe̱ꞌ víꞌí táji re̱ꞌ nu̱u̱nꞌ‑ó nɨꞌɨ nantíñú jíniñúꞌún‑ó, sáva kusɨ̱ɨ̱ꞌ iniꞌ‑ó jín‑i.

1 Juan 3:16

Suꞌva jee jíníꞌ‑ó na̱sa kúvi ya̱ tu̱ꞌun kunu̱u̱nꞌ‑ó, chi Jesús nna̱sokoꞌ re̱ꞌ maáréꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Jee suni suꞌva maáó ni ka̱ꞌ íyó nasokoꞌ‑ó maáó jie̱ꞌe̱ꞌ rá ñanitáꞌán‑ó ya̱ kúneí iniꞌ ráa Jesús, sú kuviꞌ‑ó.