Lucas 11:9 - Mixteco del suroeste de Tlaxiaco Oaxaca

⁹ Jee saáva káchíꞌ ni̱ꞌ nu̱u̱nꞌ ránú: Ka̱ka̱nꞌ táꞌvíꞌ rán nu̱u̱nꞌ Ndiosíꞌ, jee taji re̱ꞌ ya̱ jíniñúꞌún rán. Nukú rán rá tiñu váꞌa íyó nu̱u̱nꞌ re̱ꞌ jee naniꞌinꞌ rán ya̱ taji re̱ꞌ. Jee ka̱ka̱nꞌ táꞌvíꞌ rán nu̱u̱nꞌ re̱ꞌ kuéntáꞌ kua̱ꞌ síkájián yuvéꞌí jee síkúne re̱ꞌ maa.

Lucas 11:9 Iomraidhean Croise

Mateo 21:22

Jee ntáká ya̱ ka̱ka̱nꞌ rán, ni jíkánꞌ táꞌvíꞌ rán nu̱u̱nꞌ Ndiosíꞌ, jee i̱nu̱ꞌ iniꞌ rán jee ni̱ꞌi̱nꞌ rán maa ―nkachiꞌ Jesús.

Mateo 21:31

¿Né ɨɨn ni núvíꞌ rá se̱ꞌya te̱e vá nsi̱kúnkuvi‑i tiñu kuíni tátáꞌ ráa? ―nkachiꞌ Jesús. Jee nna̱xiníkó rá te̱e vá: ―Se̱ꞌya xíꞌnañúꞌún re̱ꞌ ―nkachiꞌ ráa. Jee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán, ya̱ rá te̱e nákeꞌen xu̱ꞌún ya̱ chúnáán rá ñɨvɨ ya̱ náneeꞌ Roma jín rá ñaꞌan sɨ̱ɨ̱ꞌ iniꞌ ya̱ xíkó ráa maáráa nu̱u̱nꞌ rá te̱e, jee xíꞌna ráa ka̱ꞌ kosoꞌ nu̱u̱nꞌ ki̱vɨ ráa xi̱ntíín Ndiosíꞌ sáva tatúníꞌ re̱ꞌ nu̱u̱nꞌ ráa, nsú káꞌ ránoꞌó.

Mateo 6:29

Soo káchíꞌ ni̱ꞌ nu̱u̱nꞌ rán, ya̱ Salomón, ya̱ viiꞌ nku̱ñáꞌnú re̱ꞌ nta̱túníꞌ re̱ꞌ ñuunꞌ Israel jee súka̱ꞌ viiꞌ nasɨ́kuitɨꞌ ni̱yo rá saꞌma nñúꞌun re̱ꞌ, soo ni maá Salomón ni ntu̱ví nñúꞌun re̱ꞌ saꞌma kuéntáꞌ kua̱ꞌ viiꞌ nasɨ́kuitɨꞌ níji ɨɨn rá itaꞌ vá.

Marcos 11:24

Káchíꞌ ni̱ꞌ nu̱u̱nꞌ rán ya̱ nɨꞌɨ ya̱ ka̱ka̱nꞌ rán, ni jíkánꞌ táꞌvíꞌ rán nu̱u̱nꞌ Ndiosíꞌ, i̱nu̱ꞌ iniꞌ rán ya̱ ya nni̱ꞌi̱nꞌ rán maa, jee ni̱ꞌi̱nꞌ rán maa.

Marcos 13:37

Rá tu̱ꞌun káchíꞌ ni̱ꞌ nu̱u̱nꞌ rán yaꞌá, nu̱u̱nꞌ nɨꞌɨ ñɨvɨ káchíꞌ ni̱ꞌ maa. ¡Nito koo rán maárán! ―nkachiꞌ Jesús.

Lucas 11:10

Chi ntáká ñɨvɨ ya̱ jíkánꞌ‑a, jee ni̱ꞌi̱nꞌ‑i. Jee ñɨvɨ ya̱ núkú‑u, jee naniꞌinꞌ‑i. Jee ñɨvɨ ya̱ síkájián‑a, jee kune maa.

Juan 14:13

Jee néni ɨɨn ya̱ ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee saꞌá ni̱ꞌ maa, sáva stúvi ni̱ꞌ ya̱ máá kúñáꞌnú nasɨ́kuitɨꞌ kúvi Tátáꞌ ni̱ꞌ jie̱ꞌe̱ꞌ ya̱ sáꞌá ni̱ꞌ.

Juan 15:16

Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

Juan 15:7

Retú íñɨ́ ni̱ꞌin rán kínóo kutú rán nu̱u̱nꞌ nuꞌuꞌ, jín retú ñúꞌún iniꞌ rán rá tu̱ꞌun ya̱ nkachiꞌ ni̱ꞌ nu̱u̱nꞌ rán, saájee kuvi ka̱ka̱nꞌ rán néni ɨɨn ya̱ kuíni rán, jee saꞌá ni̱ꞌ ya̱ kuvi ya̱ jíkánꞌ rán.

Juan 4:10

Jee nna̱xiníkó Jesús nu̱u̱nꞌ ña, jee nkachiꞌ re̱ꞌ: ―Retánꞌ jíníꞌ nú ta̱ꞌvi̱ꞌ ya̱ jiáꞌa Ndiosíꞌ nu̱u̱nꞌ ñɨvɨ, jín retánꞌ jíníꞌ nú né ɨɨn kúvi ni̱ꞌ ya̱ káchíꞌ ni̱ꞌ nu̱u̱nꞌ nú ya̱: taji nú xá ntíꞌ nute koꞌo ni̱ꞌ, jee maánú ka̱ka̱nꞌ táꞌvíꞌ nú nu̱u̱nꞌ ni̱ꞌ, jee taji ni̱ꞌ nute nu̱u̱nꞌ nú ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Romanos 2:7

Jee rá ñɨvɨ níkɨ́nꞌ ni̱ꞌin ráa sáꞌá ráa ya̱ váꞌa chi núkú ráa ya̱ saꞌá Ndiosíꞌ ya̱ nuñáꞌnú ráa, jín ya̱ nakuatáꞌví re̱ꞌ ráa jín ya̱ nku̱víꞌ ráa ka̱ꞌ. Jee nachunáán re̱ꞌ nu̱u̱nꞌ ráa ya̱ kutekuꞌ ráa jín re̱ꞌ nɨ́ɨ́nkání.

2 Corintios 6:2

Chi káchíꞌ Ndiosíꞌ nu̱u̱nꞌ Tutuꞌ Ííꞌ níso tu̱ꞌun re̱ꞌ ya̱: Maá tiempúꞌ ñani ni̱ꞌ jee ntɨɨn kuéntáꞌ ni̱ꞌ tu̱ꞌun ni̱ka̱nꞌ táꞌvíꞌ nú. Jee maá ki̱vɨ̱ꞌ ya̱ nsi̱káku ni̱ꞌ ñɨvɨ nu̱u̱nꞌ kua̱chi‑i, jee nchi̱neí ni̱ꞌ noꞌó. Tɨɨn kuéntáꞌ rán, vitan ví maá tiempúꞌ ya̱ ñani Ndiosíꞌ. Tɨɨn kuéntáꞌ rán, vitan ví maá ki̱vɨ̱ꞌ ya̱ sikáku re̱ꞌ ñɨvɨ.

Hebreos 11:6

Soo retú ntu ínúꞌ iniꞌ‑ó kúneí iniꞌ‑ó Ndiosíꞌ tékúꞌ, jee ni ntu íyó na̱ja kuvi kuva̱ꞌa iniꞌ re̱ꞌ kune̱ꞌyá re̱ꞌ yó. Chi ñɨvɨ nátuꞌva‑a nu̱u̱nꞌ re̱ꞌ jee íyó‑o i̱nu̱ꞌ iniꞌ‑i ya̱ íyó nijia re̱ꞌ, jín suni ya̱ ku̱ꞌva re̱ꞌ ta̱ꞌvi̱ꞌ nu̱u̱nꞌ rá ñɨvɨ ya̱ nánukú ráa re̱ꞌ.

Hebreos 4:16

Saáva ne̱ yuchí kukáꞌnú iniꞌ‑ó natuꞌva‑ó nu̱u̱nꞌ teyuꞌ Ndiosíꞌ nu̱u̱nꞌ tátúníꞌ re̱ꞌ jee kaꞌanꞌ‑ó jín re̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó, sáva ni̱ꞌi̱nꞌ‑ó ya̱ kunáꞌví iniꞌ re̱ꞌ yó jín ya̱ íyó mániꞌ iniꞌ re̱ꞌ chineí re̱ꞌ yó sáá jíniñúꞌún‑ó maa.

Santiago 1:5

Soo retú néni ɨɨn ránoꞌó kúmániꞌ ta̱nɨ̱ꞌ xi̱ni̱ꞌ‑i, ka̱ka̱nꞌ maa nu̱u̱nꞌ Ndiosíꞌ, jee ku̱ꞌva re̱ꞌ maa nu̱u̱nꞌ‑u. Chi ntu ñúkúꞌvá iniꞌ re̱ꞌ jiáꞌa re̱ꞌ maa nu̱u̱nꞌ nɨꞌɨ ñɨvɨ, jee ni ntu násóyu̱ꞌú re̱ꞌ nu̱u̱nꞌ ñɨvɨ vá jie̱ꞌe̱ꞌ ya̱ jíkánꞌ maa.

Santiago 5:15

Jee nu̱u̱nꞌ jíkánꞌ táꞌvíꞌ ráa jín ya̱ kúneí iniꞌ ráa Ndiosíꞌ, jee yukuán xinúvi‑i ñɨvɨ kúꞌvíꞌ vá, jee nako̱o‑o saꞌá I̱toꞌoꞌ‑ó nusɨ̱ɨ̱ꞌ iniꞌ‑i. Jee retú nsa̱ꞌá ñɨvɨ kúꞌvíꞌ vá kua̱chi jee kunekáꞌnú iniꞌ Ndiosíꞌ kune̱ꞌyá re̱ꞌ maa.

1 Juan 3:22

jee suni na̱ni kúvi ya̱ ka̱ka̱nꞌ‑ó nu̱u̱nꞌ re̱ꞌ, jee ni̱ꞌi̱nꞌ‑ó maa nu̱u̱nꞌ re̱ꞌ, chi síkúnkuvi‑ó ya̱ tátúníꞌ re̱ꞌ, chi sáꞌá‑ó ya̱ kúváꞌa iniꞌ re̱ꞌ néꞌyá re̱ꞌ maa.

Apoclipsis 2:24

’Soo rá inka ka̱ꞌ ránoꞌó ya̱ nééꞌ ñuunꞌ Tiatira, ya̱ ntu níkɨ́nꞌ rán tu̱ꞌun ya̱ xínéꞌénꞌ ñaꞌan yukuán, jee ni ntu yɨ́ꞌɨ́ rán ñujiínꞌ tu̱ꞌun, ya̱ káchíꞌ ráa ya̱ kúvi tu̱ꞌun yuꞌuꞌ kúñáꞌnú Satanás, jee káchíꞌ ni̱ꞌ nu̱u̱nꞌ ránoꞌó ya̱ ntu̱náꞌ inka ka̱ꞌ tiñu véi taji ni̱ꞌ nu̱u̱nꞌ ránoꞌó.