Lucas 11:7 - Mixteco del suroeste de Tlaxiaco Oaxaca

⁷ ’Jee náxiníkó‑o ne̱ iniꞌ veꞌi‑i, jee káchíꞌ‑i: “Koto stáña̱ꞌán nú nuꞌuꞌ, chi ya̱ násɨ́ꞌ yuvéꞌí ni̱ꞌ, jee ya̱ káá ni̱ꞌ kíxíꞌ ni̱ꞌ jín rá se̱ꞌya ni̱ꞌ, jee nkúvi nako̱o ni̱ꞌ sáva taji ni̱ꞌ ni ɨɨn nantíñú”, káchíꞌ‑i.

Lucas 11:7 Iomraidhean Croise

Mateo 25:10

’Jee ni kua̱ꞌa̱nꞌ rá ñaꞌan súchí núún kua̱keꞌen ráa aceite jee nkanta te̱e tánáꞌá vá, jee ni úꞌúnꞌ rá ñaꞌan ya̱ íyó tu̱ꞌva ráa jín kantil ráa, jee nki̱vɨ ráa jín te̱e tánáꞌá vá iniꞌ veꞌi nu̱u̱nꞌ íyó viko tánáꞌá vá, jee nna̱kasɨꞌ yuvéꞌí nu̱u̱nꞌ nkívɨ ráa vá.

Lucas 11:6

chi ɨɨn te̱e ma̱ni̱ꞌ jín ni̱ꞌ váji íká re̱ꞌ jee sukuán ntiaaꞌ re̱ꞌ veꞌi ni̱ꞌ, jee ntu̱náꞌ íyó ya̱ ku̱ꞌva ni̱ꞌ kajiꞌ re̱ꞌ”, káchíꞌ nú.

Lucas 11:8

’Soo káchíꞌ ni̱ꞌ nu̱u̱nꞌ rán asúnika̱ꞌ nsáꞌ nákóo‑o taji‑i nu̱u̱nꞌ nú ya̱ jíkánꞌ nú jie̱ꞌe̱ꞌ ya̱ ma̱ni̱ꞌ nú jín‑i, chisaꞌ jie̱ꞌe̱ꞌ ya̱ ntu kúkanuun nú kua̱xtáña̱ꞌán nú maa jee nako̱o‑o taji‑i ntáká ya̱ jíniñúꞌún nú.

Lucas 13:25

Chi kuéntáꞌ ɨɨn te̱e xí veꞌi nakuiñɨꞌ re̱ꞌ jee nakasɨꞌ re̱ꞌ yuvéꞌí, jee sáá nakasɨꞌ re̱ꞌ yuvéꞌí, jee kino̱o rán kuiñɨ rán ta̱ve̱ꞌí, jee sikájián rán yuvéꞌí, jee kachiꞌ rán: “I̱toꞌoꞌ, kune nú sáva ki̱vɨ ráníꞌ”, jee kachiꞌ re̱ꞌ nu̱u̱nꞌ ránú: “Ntu jíníꞌ ni̱ꞌ ránoꞌó ni né núꞌ va̱ji rán”, kachiꞌ re̱ꞌ.

Lucas 7:6

Saájee kua̱ꞌa̱nꞌ Jesús jín ráa. Jee sáá nsáꞌ íká ka̱ꞌ kenta ráa veꞌi, jee nchu̱ichí capitán vá sava rá te̱e káꞌánꞌ mani jín‑i kɨ̱kaꞌanꞌ ráa jín Jesús jee nkachiꞌ ráa nu̱u̱nꞌ re̱ꞌ ya̱ kachiꞌ‑i: ―I̱toꞌoꞌ ni̱ꞌ, koto stáña̱ꞌán nú maánú, chi ni ntu íyó ni̱ꞌi̱nꞌ ni̱ꞌ ya̱ ki̱vɨ nú iniꞌ veꞌi ni̱ꞌ.

Gálatas 6:17

Ne̱ vitan ré, koto stáña̱ꞌán ni ɨɨn ka̱ꞌ ñɨvɨ nuꞌuꞌ. Chi nééꞌ rá ya̱nta nu̱u̱nꞌ yɨkɨkúñu ni̱ꞌ nu̱u̱nꞌ nito u̱ꞌvi̱ꞌ ñɨvɨ nuꞌuꞌ jie̱ꞌe̱ꞌ Jesús. Kúvi vá kuéntáꞌ jerúꞌ ya̱ stúvi ya̱ musúꞌ Jesús ví ni̱ꞌ.