Lucas 11:1 - Mixteco del suroeste de Tlaxiaco Oaxaca

¹ Nkuvi suꞌva sáá nééꞌ Jesús ɨɨn nu̱u̱nꞌ káꞌánꞌ re̱ꞌ jín Ndiosíꞌ. Jee sáá nkuvi ni̱ka̱nꞌ táꞌvíꞌ re̱ꞌ jee ɨɨn rá te̱e kútáꞌán jín re̱ꞌ súkuáꞌa re̱ꞌ, nkachiꞌ‑i nu̱u̱nꞌ re̱ꞌ: ―I̱toꞌoꞌ, xinéꞌénꞌ ránuꞌuꞌ na̱ja ka̱ka̱nꞌ táꞌvíꞌ ránꞌ nu̱u̱nꞌ Ndiosíꞌ sánikua̱ꞌ suni nxi̱néꞌénꞌ Juan nu̱u̱nꞌ rá te̱e nku̱táꞌán jín re̱ꞌ nsu̱kuáꞌa re̱ꞌ ráa.

Lucas 11:1 Iomraidhean Croise

Lucas 10:42

Soo íyó métúꞌún ɨɨn jie̱ꞌe̱ꞌ jíniñúꞌún ñɨvɨ, chi María jee nka̱ji ña máá tiñu váꞌa ka̱ꞌ máá ñáꞌnú ka̱ꞌ, jee ntu̱náꞌ yó kaneeꞌ maa nu̱u̱nꞌ ña ―nkachiꞌ Jesús.

Lucas 11:2

Jee nkachiꞌ Jesús nu̱u̱nꞌ ráa: ―Sáá káꞌánꞌ rán jín Ndiosíꞌ, jee suꞌva kachiꞌ rán: Tátáꞌ ránꞌ, [ya̱ nééꞌ antivɨ́ súkún], na̱ ka̱ꞌ kɨñúꞌún ñɨvɨ nu̱u̱nꞌ noꞌó ya̱ ííꞌ kúvi nú. Na̱ ka̱ꞌ sikíji nú ki̱vɨ̱ꞌ ya̱ tatúníꞌ nú nu̱u̱nꞌ rá ñɨvɨ ñɨ̱vɨ́ yaꞌá. [Saꞌá nú rá tiñu iniꞌ ñɨ̱vɨ́ yaꞌá sáni kuíni nú koo sánikua̱ꞌ sáꞌá nú antivɨ́ súkún.]

Lucas 6:12

Jee sáá njia̱ꞌa rá ki̱vɨ̱ꞌ yukuán, jee kua̱ꞌa̱nꞌ Jesús xi̱ni̱ꞌ ɨɨn yuku sáva kaꞌanꞌ re̱ꞌ jín Ndiosíꞌ jee naniñuꞌ káꞌánꞌ re̱ꞌ jín Ndiosíꞌ.

Lucas 7:13

Jee sáá niniꞌ I̱toꞌoꞌ‑ó Jesús ña, jee nku̱náꞌví iniꞌ re̱ꞌ ña, jee nkachiꞌ re̱ꞌ nu̱u̱nꞌ ña: ―Koto náꞌyúꞌ nú ―nkachiꞌ re̱ꞌ.

Lucas 7:19

jee nchui̱chí re̱ꞌ ráa kua̱ꞌa̱nꞌ ráa nu̱u̱nꞌ I̱toꞌoꞌ‑ó sáva katu̱ꞌún ráa: ―¿Á noꞌó ví Cristo ya̱ nchi̱sóyuꞌú Ndiosíꞌ ya̱ íyó kiji‑i tatúníꞌ‑i nu̱u̱nꞌ nɨꞌɨ?, áxí, ¿á íyó kunetu ráníꞌ inka ka̱ꞌ? ―nkachiꞌ Juan ya̱ kachiꞌ ráa.

Lucas 9:18

Ɨɨn ki̱vɨ̱ꞌ nku̱sɨ́ɨ́n Jesús káꞌánꞌ re̱ꞌ jín Ndiosíꞌ, jee rá te̱e súkuáꞌa re̱ꞌ ráa nééꞌ ráa jín re̱ꞌ jee ni̱ka̱tu̱ꞌún re̱ꞌ ráa: ―¿Né ɨɨn káchíꞌ rá ñɨvɨ ya̱ kúvi nuꞌuꞌ? ―nkachiꞌ re̱ꞌ.

Lucas 9:28

Jee sáá njia̱ꞌa yatin u̱na̱ꞌ ki̱vɨ̱ꞌ ya̱ nkachiꞌ re̱ꞌ rá tu̱ꞌun yukuán, jee nkeꞌen re̱ꞌ Pedro jín Juan jín Jacobo, jee kua̱ꞌa̱nꞌ re̱ꞌ jín ráa nu̱u̱nꞌ yuku kua̱kaꞌanꞌ re̱ꞌ jín Ndiosíꞌ.

Hebreos 5:7

Jee rá ki̱vɨ̱ꞌ kúvi Cristo te̱e ñunéꞌyúꞌ sáá nneeꞌ re̱ꞌ iniꞌ ñɨ̱vɨ́ yaꞌá, jee ni̱ka̱nꞌ táꞌvíꞌ re̱ꞌ nkaꞌanꞌ kua̱chi re̱ꞌ ne̱ jiáku iniꞌ re̱ꞌ nka̱najíín re̱ꞌ nnaꞌyuꞌ ntenúúnꞌ re̱ꞌ nu̱u̱nꞌ Ndiosíꞌ ya̱ níso‑o fuersáꞌ sikáku‑u re̱ꞌ ya̱ kuviꞌ re̱ꞌ nékúvi. Jee saáva ntɨɨn kuéntáꞌ Ndiosíꞌ maa jie̱ꞌe̱ꞌ ya̱ ñúyúꞌví iniꞌ re̱ꞌ néꞌyá re̱ꞌ Ndiosíꞌ.

Judas 1:20

Soo ránoꞌó ya̱ ñúnúunꞌ ni̱ꞌ, sikújia va̱ꞌa rán iniꞌ maárán kuiñɨ kutú rán ka̱ꞌ jín ya̱ nááꞌ ííꞌ nasɨ́kuitɨꞌ jie̱ꞌe̱ꞌ Jesús ya̱ kúneí iniꞌ rán. Jee nukú rán ya̱ chineí Ta̱chi̱ꞌ Ííꞌ Ndiosíꞌ ránoꞌó kaꞌanꞌ rán jín Ndiosíꞌ.