Lucas 10:3 - Mixteco del suroeste de Tlaxiaco Oaxaca

³ ’Kuáꞌán ránú, kune̱ꞌyá rán, chi chúichí ni̱ꞌ ránoꞌó kuéntáꞌ kua̱ꞌ lanchi lúlí nteñu rá ñɨvɨ ya̱ kúvi ráa kuéntáꞌ váꞌúꞌ xéénꞌ.

Lucas 10:3 Iomraidhean Croise

Mateo 10:16

’Jee kune̱ꞌyá rán, chi nuꞌuꞌ chúichí ni̱ꞌ ránoꞌó kɨ̱ꞌɨ̱nꞌ rán nteñu rá ñɨvɨ, kuéntáꞌ kuáꞌánꞌ rá lanchi nteñu rá váꞌúꞌ xe̱e̱nꞌ. Saáva nito koo rán kuéntáꞌ ko̱o̱ꞌ, soo kuꞌun másúꞌ saɨn iniꞌ rán kuéntáꞌ paloma.

Mateo 10:22

Taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ. Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Mateo 7:15

’Kumí rán maárán nu̱u̱nꞌ rá te̱e túꞌún ya̱ káchíꞌ ráa nika̱ꞌ ya̱ kúvi ráa ñɨvɨ nákani tu̱ꞌun kéne yuꞌú Ndiosíꞌ nu̱u̱nꞌ ráa, jee káñunkúún sáꞌá ráa nika̱ꞌ maáráa va̱ji ráa nu̱u̱nꞌ rán kuéntáꞌ lanchi másúꞌ, soo ñúꞌún kánéꞌén iniꞌ ráa kuéntáꞌ ñúꞌún máñáꞌ iniꞌ váꞌúꞌ xéénꞌ.

Lucas 10:4

Jee koto ínaꞌá rán ñɨɨn xu̱ꞌún rán, ni ñunu ñúꞌún ya̱ kajiꞌ rán, ni inka ka̱ꞌ ni̱jia̱nꞌ rán, jee ni koto jiákui̱ñɨ̱ꞌ rán ichi kaꞌanꞌ rán rá tu̱ꞌun káva̱ꞌa kukuéntú rán jín ni ɨɨn ñɨvɨ.

Juan 10:12

Soo musúꞌ ya̱ íyó ya̱ꞌvi re̱ꞌ jee kúmí re̱ꞌ rátíꞌ, jee nsú i̱toꞌoꞌ xí rá lanchi vá kúvi re̱ꞌ, chi nsú lanchi maáréꞌ kúvi rátíꞌ. Sáá jíníꞌ re̱ꞌ ya̱ va̱ji ɨɨn váꞌúꞌ jee xínóo re̱ꞌ rá lanchi jee jínu re̱ꞌ kua̱ꞌa̱nꞌ re̱ꞌ. Jee váꞌúꞌ vá chi tɨ́ɨn ti̱ꞌ rá lanchi, jee síkúténuun ti̱ꞌ rátíꞌ.

Juan 15:20

’Íyó naku̱ꞌun iniꞌ rán rá tu̱ꞌun nkachiꞌ ni̱ꞌ nu̱u̱nꞌ rán sáá nkachiꞌ ni̱ꞌ: “Ya̱ ɨɨn musúꞌ jee ntu̱ví kúñáꞌnú re̱ꞌ ka̱ꞌ nsú káꞌ i̱toꞌoꞌ re̱ꞌ.” Ya jíto u̱ꞌvi̱ꞌ ñɨvɨ nuꞌuꞌ, jee suni sukuán koto u̱ꞌvi̱ꞌ ráa ránoꞌó. Jee retú ñúꞌún iniꞌ ñɨvɨ rá tu̱ꞌun ya̱ káchíꞌ ni̱ꞌ, jee suni kuꞌun iniꞌ ráa rá tu̱ꞌun ya̱ kachiꞌ ránoꞌó.

Juan 16:2

Chi tavaꞌ ráa ránoꞌó iniꞌ rá veꞌi sinagoga nu̱u̱nꞌ kútútú rá ñɨvɨ Israel jee nkúꞌva ráa ka̱ꞌ ki̱vɨ rán nteñu ráa. Jee nsú kua̱chi sukuán ni chi kenta ki̱vɨ̱ꞌ ya̱ néni ɨɨn ráa kaꞌniꞌ‑i ránoꞌó, jee kukaꞌvi iniꞌ‑i ya̱ ɨɨn tiñu váꞌa sáꞌá‑a nu̱u̱nꞌ Ndiosíꞌ.

Hechos 20:29

Nuꞌuꞌ jíníꞌ ya̱, ré kua̱ꞌa̱nꞌ ni̱ꞌ, jee ki̱vɨ rá ñɨvɨ nteñu rán, jee nkɨ́kui̱ñɨ̱ꞌ ráa nukú ráa xináꞌví ráa rá ñanitáꞌán‑ó sáva xináánꞌ ráa rává, kuéntáꞌ váꞌúꞌ xe̱e̱nꞌ ya̱ jiáꞌníꞌ‑i rá lanchi.

Hechos 9:16

I̱ña̱jée nuꞌuꞌ, xinéꞌénꞌ ni̱ꞌ nu̱u̱nꞌ re̱ꞌ na̱sa íyó kunoꞌo re̱ꞌ jie̱ꞌe̱ꞌ nuꞌuꞌ ―nkachiꞌ I̱toꞌoꞌ‑ó nu̱u̱nꞌ Ananías.

Hechos 9:2

jee ni̱ka̱nꞌ re̱ꞌ ya̱ ku̱ꞌva‑a ɨɨn tutuꞌ nu̱u̱nꞌ re̱ꞌ, ya̱ ku̱ꞌva re̱ꞌ nu̱u̱nꞌ rá te̱e nééꞌ si̱kɨ̱ꞌ rá veꞌi sinagoga ñuunꞌ Damasco nu̱u̱nꞌ kútútú rá ñɨvɨ Israel. Tutuꞌ vá kachiꞌ ya̱ níso re̱ꞌ tiñu, ya̱ retú naniꞌinꞌ re̱ꞌ néni ɨɨn ñɨvɨ ya̱ yɨ́ꞌɨ́ ichi vá, va̱ni te̱e va̱ni ñaꞌan, jee kuꞌniꞌ re̱ꞌ maa jee kinaka re̱ꞌ maa nu̱u̱nꞌ Jerusalén.