Lucas 10:21 - Mixteco del suroeste de Tlaxiaco Oaxaca

²¹ Jee máá hora yukuán jee nnusɨ̱ɨ̱ꞌ iniꞌ Jesús nsa̱ꞌá Ta̱chi̱ꞌ Ííꞌ, jee nkachiꞌ re̱ꞌ: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín nu̱u̱nꞌ iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí. Va̱tu̱ni, Tátáꞌ ni̱ꞌ, chi kúváꞌa iniꞌ nú ya̱ sukuán koo.

Lucas 10:21 Iomraidhean Croise

Mateo 16:17

Saájee nkachiꞌ Jesús: ―Na̱ ka̱ꞌ netuꞌ ka̱ꞌ kúvi nú Simón, se̱ꞌya Jonás, chi ni ɨɨn ñɨvɨ ñunéꞌyúꞌ ntu̱ví nstúvi maa nu̱u̱nꞌ nú, chisaꞌ máá Tátáꞌ ni̱ꞌ Ndiosíꞌ ya̱ nééꞌ re̱ꞌ antivɨ́ súkún, ví ya̱ nstúvi maa nu̱u̱nꞌ noꞌó.

Mateo 21:16

Jee nkachiꞌ rá te̱e vá nu̱u̱nꞌ Jesús: ―¿Á ntu tésóꞌo nú ya̱ káchíꞌ rá súchí lúlí yaꞌá rúja? ―nkachiꞌ ráa. Jee nkachiꞌ Jesús nu̱u̱nꞌ ráa: ―Saá, ¿á ni ntiáꞌan kaꞌvi rán Tutuꞌ níso Tu̱ꞌun Ndiosíꞌ?, ya̱ káchíꞌ‑i suꞌva rúja: Nsa̱ꞌá tu̱ꞌva nú tu̱ꞌun ya̱ kene yuꞌú rá súchí lúlí jín rá nchíkɨ́n ya̱ títí sáva nakuetúꞌún ráa noꞌó, káchíꞌ‑i ―nkachiꞌ Jesús.

Mateo 3:7

Soo sáá niniꞌ re̱ꞌ ya̱ kénta kue̱ꞌe̱ꞌ víꞌí rá te̱e yɨ́ꞌɨ́ ñujiínꞌ fariseo jín rá te̱e yɨ́ꞌɨ́ ñujiínꞌ saduceo nu̱u̱nꞌ síkuánuté re̱ꞌ, jee nkachiꞌ re̱ꞌ nu̱u̱nꞌ ráa: ―Ránoꞌó, kuéntáꞌ tataꞌ ko̱o̱ꞌ xe̱e̱nꞌ kúvi rán. ¿Né ɨɨn nxtúꞌva ya̱chi̱ꞌ nu̱u̱nꞌ rán, ya̱ kene kunu rán ka̱ku rán nu̱u̱nꞌ tu̱nóꞌó xéénꞌ kiji ya̱ xinóꞌo Ndiosíꞌ ránoꞌó chi kítɨ́ꞌ iniꞌ re̱ꞌ néꞌyá re̱ꞌ kua̱chi rán rúja?

Marcos 10:15

Máá nááꞌ vá káchíꞌ ni̱ꞌ nu̱u̱nꞌ rán, néni ɨɨn ñɨvɨ ya̱ ntu jiáꞌayuꞌú‑u ya̱ tátúníꞌ Ndiosíꞌ nu̱u̱nꞌ‑u, kuéntáꞌ jiáꞌayuꞌú ɨɨn su̱chí lúlí yaꞌá, ni nkúvi ki̱vɨ ráa naꞌá Ndiosíꞌ ―nkachiꞌ Jesús.

Lucas 15:5

Jee sáá naniꞌinꞌ‑i ti̱ꞌ, jee ne̱ kusɨ̱ɨ̱ꞌ iniꞌ‑i chisó‑o ti̱ꞌ si̱kɨ̱ꞌ chiyóꞌ‑o kinoꞌonꞌ‑o jín ti̱ꞌ.

Lucas 15:9

Jee sáá naniꞌinꞌ ña maa, jee kana ña rá ñaꞌan ma̱ni̱ꞌ jín ña jín rá ñɨvɨ nééꞌ yatin jín ña, jee kachiꞌ ña nu̱u̱nꞌ ráa: “Kusɨ̱ɨ̱ꞌ iniꞌ rán jín nuꞌuꞌ, chi nna̱niꞌinꞌ ni̱ꞌ xu̱ꞌún ni̱ꞌ ya̱ nsu̱kuíta ni̱ꞌ”, kachiꞌ ña.

Juan 11:41

Saájee nxi̱tá ráa yu̱u̱ꞌ nu̱u̱nꞌ yɨ́ꞌɨ́ te̱e níꞌiꞌ vá. Jee nna̱neꞌen nu̱u̱nꞌ Jesús, jee nna̱kune̱ꞌyá re̱ꞌ ne̱ súkún, jee nkachiꞌ re̱ꞌ: ―Tátáꞌ ni̱ꞌ, táji ni̱ꞌ ya̱ kutaꞌviꞌ ni̱ꞌ nu̱u̱nꞌ nú, chi ntɨɨn kuéntáꞌ nú nu̱u̱nꞌ tu̱ꞌun nkachiꞌ ni̱ꞌ.

2 Corintios 4:3

Chi retú tu̱ꞌun yɨ́séꞌí ví tu̱ꞌun va̱ꞌa jie̱ꞌe̱ꞌ Cristo ya̱ stékútu̱ꞌún ráníꞌ ya̱ ntu jiáku̱ꞌun iniꞌ ñɨvɨ maa, soo kua̱chi yɨ́séꞌí tu̱ꞌun vá nu̱u̱nꞌ rá ñɨvɨ ya̱ kuánaanꞌ nu̱u̱nꞌ Ndiosíꞌ.

Efesios 1:11

Chi nka̱ji Ndiosíꞌ yó sáva kúvi‑ó ñɨvɨ re̱ꞌ ya̱ yɨ́ꞌɨ́‑ó nu̱u̱nꞌ Cristo. Chi saá ya̱ nkuna̱a̱ꞌ ya̱chi̱ꞌ iniꞌ re̱ꞌ ni̱ꞌi̱nꞌ‑ó maa sánikua̱ꞌ ñúꞌún iniꞌ re̱ꞌ, ya̱ maáréꞌ kúvi ya̱ síkúnkuvi ntáká tiñu sáni kúnáaꞌ iniꞌ re̱ꞌ sáni kuíni re̱ꞌ saꞌá re̱ꞌ.

Efesios 1:5

jee saá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ nakeꞌen re̱ꞌ yó sáva kuvi‑ó se̱ꞌya re̱ꞌ jie̱ꞌe̱ꞌ ya̱ nsa̱ꞌá Jesús ya̱ kúvi Cristo. Nkuna̱a̱ꞌ ya̱chi̱ꞌ iniꞌ re̱ꞌ saꞌá re̱ꞌ suꞌva sánikua̱ꞌ nkuini re̱ꞌ sáni kúváꞌa iniꞌ re̱ꞌ.