Lucas 10:11 - Mixteco del suroeste de Tlaxiaco Oaxaca

¹¹ “Ne̱ tíka̱cha̱a̱ꞌ ñuunꞌ rán yaꞌá, ya̱ ntɨ́ɨn jie̱ꞌe̱ꞌ ráníꞌ, jee kísɨ ránꞌ maa sáva nastúvi ránꞌ ya̱ íyó si̱kɨ̱ꞌ ránú.” Soo íyó kukáꞌnú iniꞌ ránú yaꞌá, ya̱ ya nku̱yatin ya̱ kuvi ki̱vɨ ñɨvɨ xi̱ntíín Ndiosíꞌ nu̱u̱nꞌ tátúníꞌ re̱ꞌ nu̱u̱nꞌ ráa.

Lucas 10:11 Iomraidhean Croise

Mateo 10:14

Soo retú ɨɨn ntu íyó maniꞌ ráa tɨɨn ráa ránoꞌó, ni ntu̱ví nénu̱u̱nꞌ ráa chúꞌun iniꞌ ráa Tu̱ꞌun Ndiosíꞌ ya̱ káchíꞌ ránú nu̱u̱nꞌ‑u, saájee sáá kene rán veꞌi ñɨvɨ ya̱ sáꞌá sukuán, áxí ñuunꞌ vá, jee kisɨ rán ti̱ka̱cha̱a̱ꞌ jie̱ꞌe̱ꞌ rán, sáva nastúvi rán ya̱ íyó si̱kɨ̱ꞌ ráa.

Mateo 10:7

’Kuáꞌán rán, jee stekútu̱ꞌún rán nu̱u̱nꞌ rá ñɨvɨ ya̱ ya nku̱yatin nu̱u̱nꞌ ráa ya̱ kuvi ki̱vɨ ráa naꞌá Ndiosíꞌ ya̱ nééꞌ re̱ꞌ antivɨ́ súkún re̱ꞌ sáva tatúníꞌ re̱ꞌ nu̱u̱nꞌ ráa.

Mateo 3:2

jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Juan.

Marcos 6:11

Jee retú ɨɨn nu̱u̱nꞌ ntu íyó maniꞌ ráa tɨɨn ráa ránoꞌó, ni ntu̱ví nénu̱u̱nꞌ ráa chúꞌun iniꞌ ráa Tu̱ꞌun Ndiosíꞌ ya̱ káchíꞌ ránú nu̱u̱nꞌ‑u, jee sáá kene rán yukuán, jee kisɨ rán ti̱ka̱cha̱a̱ꞌ jie̱ꞌe̱ꞌ rán, sáva nastúvi rán ya̱ íyó si̱kɨ̱ꞌ ráa. Máá nááꞌ vá káchíꞌ ni̱ꞌ nu̱u̱nꞌ rán, ya̱ ki̱vɨ̱ꞌ keꞌneꞌ Ndiosíꞌ kua̱chi ñɨ̱vɨ́, súka̱ꞌ xinóꞌo víꞌí Ndiosíꞌ rá ñɨvɨ rá ñuunꞌ Sodoma jín Gomorra, soo másúꞌ ka̱ꞌ xinóꞌo re̱ꞌ ráa nsú káꞌ xinóꞌo re̱ꞌ rá ñɨvɨ rá ñuunꞌ vá ya̱ ntu tésóꞌo tu̱ꞌun kachiꞌ ránú ―nkachiꞌ Jesús nu̱u̱nꞌ ráa.

Lucas 10:10

Soo néni ɨɨn ñuunꞌ nu̱u̱nꞌ kenta rán kívɨ rán, jee retú ntu íyó maniꞌ ráa tɨɨn ráa ránoꞌó yukuán, jee sáá kene rán yukuán kuiñɨ rán iniꞌ ichi, jee kachiꞌ rán:

Lucas 10:9

Jee xinúvi rán rá ñɨvɨ kúꞌvíꞌ íyó yukuán, jee kachiꞌ rán nu̱u̱nꞌ ráa ya̱: “Nku̱yatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ nu̱u̱nꞌ tatúníꞌ re̱ꞌ nu̱u̱nꞌ ránoꞌó”, kachiꞌ rán.

Lucas 9:5

Jee retú néni ɨɨn nu̱u̱nꞌ ntu íyó maniꞌ ráa tɨɨn ráa ránoꞌó, jee sáá kene rán ñuunꞌ vá, jee kisɨ rán ti̱ka̱cha̱a̱ꞌ jie̱ꞌe̱ꞌ rán, sáva nastúvi rán ya̱ íyó si̱kɨ̱ꞌ ráa ―nkachiꞌ re̱ꞌ.

Hechos 13:26

’Ránoꞌó ñaniꞌ, ya̱ kúvi rán se̱ꞌya tataꞌ Abraham, jín rá inka ñɨvɨ, ya̱ nééꞌ nteñu rán, ya̱ ñúyúꞌví iniꞌ rán nu̱u̱nꞌ Ndiosíꞌ. Nta̱jí re̱ꞌ nu̱u̱nꞌ rán tu̱ꞌun yaꞌá ya̱ káchíꞌ ya̱ nátavaꞌ re̱ꞌ yó nu̱u̱nꞌ kua̱chi‑ó xínánitáꞌvíꞌ re̱ꞌ yó.

Hechos 13:40

Saáva nito koo rán maárán, sáva nkúnoꞌo rán ya̱ nkachiꞌ rá te̱e nna̱kani ráa tu̱ꞌun nkene yuꞌú Ndiosíꞌ, ya̱ níso nu̱u̱nꞌ Tutuꞌ Ííꞌ, jee nkachiꞌ ɨɨn ráa:

Hechos 13:46

Saájee nkaꞌanꞌ neí iniꞌ Pablo jín Bernabé jee nkachiꞌ ráa nu̱u̱nꞌ rá ñɨvɨ Israel: ―Xíꞌna nu̱u̱nꞌ ránoꞌó íyó kachiꞌ ráníꞌ Tu̱ꞌun Ndiosíꞌ. Soo nku̱ichi iniꞌ rán maa, jee sánáaꞌ rán ya̱ ntu íyó níꞌinꞌ rán ya̱ kutekuꞌ rán nɨ́ɨ́nkání jín Ndiosíꞌ. Teso̱ꞌo rán. Saáva kɨ̱ꞌɨ̱nꞌ ránꞌ stekútu̱ꞌún ránꞌ maa nu̱u̱nꞌ rá ñɨvɨ ntu kúvi Israel.

Hechos 13:51

Soo nkisɨ ráa ti̱ka̱cha̱a̱ꞌ jie̱ꞌe̱ꞌ ráa, sáva túvi ya̱ íyó si̱kɨ̱ꞌ rá ñɨvɨ ñuunꞌ vá nu̱u̱nꞌ Ndiosíꞌ. Jee kua̱ꞌa̱nꞌ ráa ñuunꞌ Iconio.

Romanos 10:21

Soo jie̱ꞌe̱ꞌ rá ñɨvɨ Israel nkaꞌanꞌ Isaías ya̱ nkachiꞌ Ndiosíꞌ jie̱ꞌe̱ꞌ ráa: “Nuví niñuꞌ síkááꞌ ni̱ꞌ rá naꞌá ni̱ꞌ nu̱u̱nꞌ ráa kána ni̱ꞌ ráa nu̱u̱nꞌ ni̱ꞌ ya̱ kúvi ráa ñɨvɨ ya̱ ntu káníjiá ráa jín ya̱ jiááꞌ iniꞌ ráa.”

Romanos 10:8

Soo ¿ná kúvi ya̱ káchíꞌ tu̱ꞌun nu̱u̱nꞌ Tutuꞌ Ííꞌ, résa? Káchíꞌ‑i: Íyó yatin tu̱ꞌun re̱ꞌ nu̱u̱nꞌ nú, iniꞌ yuꞌú nú jín iniꞌ ánímaꞌ nú íyó‑o. Tu̱ꞌun yaꞌá kúvi tu̱ꞌun ya̱ íyó kuneí iniꞌ‑ó Cristo ya̱ stékútu̱ꞌún ráníꞌ.

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.