Lucas 10:1 - Mixteco del suroeste de Tlaxiaco Oaxaca

¹ Jee sáá njia̱ꞌa rá yukuán, jee ñani I̱toꞌoꞌ‑ó inka u̱ni̱xiko u̱ji̱ꞌ (70) ka̱ꞌ rá te̱e jee nchu̱ichí re̱ꞌ ni uvíꞌ ni uvíꞌ ráa kua̱ꞌa̱nꞌ xíꞌna ka̱ꞌ ntáká rá ñuunꞌ ntáká nu̱u̱nꞌ ya̱ íyó kɨ̱ꞌɨ̱nꞌ re̱ꞌ.

Lucas 10:1 Iomraidhean Croise

Lucas 1:17

Jee xíꞌna ka̱ꞌ Juan kenta, ne̱ ntiáꞌan kenta I̱toꞌoꞌ‑ó, jee koo Ta̱chi̱ꞌ Ííꞌ Ndiosíꞌ jín re̱ꞌ jee koo fuersáꞌ níꞌin Ndiosíꞌ jín re̱ꞌ, kuéntáꞌ kua̱ꞌ nkuvi jín Elías ne̱ yanaꞌán. Jee kachitu̱ꞌún re̱ꞌ tu̱ꞌun jie̱ꞌe̱ꞌ I̱toꞌoꞌ‑ó sáva nasaꞌá re̱ꞌ nakama̱ni̱ꞌ rá tátáꞌ jín rá se̱ꞌya ráa, jee sáva nachuꞌun re̱ꞌ ichi rá ñɨvɨ ni̱ꞌin iniꞌ ya̱ sama iniꞌ ráa jee naku̱ꞌun kájí iniꞌ ráa sánikua̱ꞌ ñɨvɨ na̱a̱ꞌ. Jee suꞌva nasaꞌá túꞌva re̱ꞌ rá ñɨvɨ sáva koo tu̱ꞌva va̱ꞌa ráa kunikɨnꞌ ráa I̱toꞌoꞌ‑ó sáá kenta‑a ―nkachiꞌ najiáꞌáꞌ ííꞌ vá.

Lucas 1:76

Jee noꞌó, se̱ꞌya yɨ́ɨ́ lúlí ni̱ꞌ, ñani Ndiosíꞌ nó sáva kuvi nú ɨɨn te̱e ya̱ nakani nú tu̱ꞌun kene yuꞌú máá maá Ndiosíꞌ ya̱ máá ñáꞌnú re̱ꞌ ka̱ꞌ nu̱u̱nꞌ nɨꞌɨ. Chi xíꞌna nú kɨ̱ꞌɨ̱nꞌ nú kosoꞌ nú nu̱u̱nꞌ I̱toꞌoꞌ‑ó, sáva saꞌá tu̱ꞌva nú ánímaꞌ rá ñɨvɨ, jee kenta re̱ꞌ.

Lucas 7:13

Jee sáá niniꞌ I̱toꞌoꞌ‑ó Jesús ña, jee nku̱náꞌví iniꞌ re̱ꞌ ña, jee nkachiꞌ re̱ꞌ nu̱u̱nꞌ ña: ―Koto náꞌyúꞌ nú ―nkachiꞌ re̱ꞌ.

Lucas 7:19

jee nchui̱chí re̱ꞌ ráa kua̱ꞌa̱nꞌ ráa nu̱u̱nꞌ I̱toꞌoꞌ‑ó sáva katu̱ꞌún ráa: ―¿Á noꞌó ví Cristo ya̱ nchi̱sóyuꞌú Ndiosíꞌ ya̱ íyó kiji‑i tatúníꞌ‑i nu̱u̱nꞌ nɨꞌɨ?, áxí, ¿á íyó kunetu ráníꞌ inka ka̱ꞌ? ―nkachiꞌ Juan ya̱ kachiꞌ ráa.

Lucas 9:52

Jee nchu̱ichí re̱ꞌ xíꞌna ka̱ꞌ sava rá te̱e kua̱ꞌa̱nꞌ ráa nu̱u̱nꞌ, jee kua̱ꞌa̱nꞌ ráa nki̱vɨ ráa ɨɨn rá ñuunꞌ Samaria sáva nukú ráa nu̱u̱nꞌ satúꞌva ráa kino̱o re̱ꞌ.