Lucas 1:2 - Mixteco del suroeste de Tlaxiaco Oaxaca

² sánikua̱ꞌ nákani rá ñɨvɨ niniꞌ jínúunꞌ ráa maa nu̱u̱nꞌ ráníꞌ ne̱ xíꞌnañúꞌún, jee yɨ́tíñú ráa xínéꞌénꞌ ráa tu̱ꞌun Jesús.

Lucas 1:2 Iomraidhean Croise

Marcos 1:1

Suꞌva nka̱jiéꞌé tu̱ꞌun váꞌa jie̱ꞌe̱ꞌ Jesús, ya̱ nísotíñú re̱ꞌ ya̱ kúvi Cristo, ya̱ ñani Ndiosíꞌ re̱ꞌ tatúníꞌ re̱ꞌ nu̱u̱nꞌ ñɨ̱vɨ́, jee kúvi re̱ꞌ Se̱ꞌya Ndiosíꞌ.

Marcos 16:20

Jee nke̱i̱chí rá te̱e vá, jee nɨ́ɨ́n nste̱kútu̱ꞌún ráa tu̱ꞌun váꞌa Jesús, jee nchi̱neí maá I̱toꞌoꞌ‑ó ráa, jee nstúvi re̱ꞌ ya̱ naáꞌ ví tu̱ꞌun vá jín seña ííꞌ a̱nasɨ́ nsa̱ꞌá re̱ꞌ. Saá koo. Amén.]

Marcos 4:14

Te̱e xínáváꞌ nikɨn kúvi kuéntáꞌ ɨɨn te̱e stékútu̱ꞌún tu̱ꞌun váꞌa Ndiosíꞌ.

Lucas 24:48

Jee ránoꞌó kúvi ya̱ nááꞌ ya̱ nakani rá tu̱ꞌun jie̱ꞌe̱ꞌ nta̱ká ya̱ niniꞌ rán ya̱ nkuvi yaꞌá.

Juan 15:27

Jee suni ránoꞌó ranika̱ꞌ, naku̱ꞌva rán ya̱ naáꞌ jie̱ꞌe̱ꞌ nuꞌuꞌ, chi kútáꞌán rán jín nuꞌuꞌ ne̱ tiempúꞌ xíꞌnañúꞌún ya̱ nka̱jiéꞌé ni̱ꞌ nna̱kani ni̱ꞌ rá tu̱ꞌun váꞌa ni̱ꞌ nu̱u̱nꞌ rá ñɨvɨ.

Juan 16:4

Jee ya̱ nkachiꞌ ni̱ꞌ rá tu̱ꞌun yaꞌá nu̱u̱nꞌ rán, sáva sáá kenta ki̱vɨ̱ꞌ ya̱ kunoꞌo rán, jee naku̱ꞌun iniꞌ rán rá tu̱ꞌun yaꞌá ya̱ nkachiꞌ ni̱ꞌ maa nu̱u̱nꞌ rán jie̱ꞌe̱ꞌ vá. ’Ntu̱ví nkáchíꞌ ni̱ꞌ rá tu̱ꞌun yaꞌá nu̱u̱nꞌ rán ne̱ tiempúꞌ xíꞌnañúꞌún ya̱ nka̱jiéꞌé ni̱ꞌ nna̱kani ni̱ꞌ rá tu̱ꞌun váꞌa ni̱ꞌ, chi jie̱ꞌe̱ꞌ ni ka̱ꞌ ya̱ nku̱táꞌán ni̱ꞌ jín ránoꞌó.

Hechos 1:3

Ne̱ sáá ya̱ njia̱ꞌa ya̱ nnoꞌo re̱ꞌ jee ni̱ꞌi̱ꞌ re̱ꞌ, jee suni nstúvi tékúꞌ re̱ꞌ maáréꞌ nu̱u̱nꞌ ráa jee nstúvi kájí víꞌí re̱ꞌ nu̱u̱nꞌ ráa ya̱ máá naáꞌ nijia ya̱ tékúꞌ re̱ꞌ. Jee u̱vi̱xiko (40) ki̱vɨ̱ꞌ ka̱ꞌ niniꞌ ráa re̱ꞌ. Jee nkaꞌanꞌ re̱ꞌ jie̱ꞌe̱ꞌ ichi na̱ja tátúníꞌ Ndiosíꞌ nu̱u̱nꞌ ñɨvɨ.

Hechos 1:8

Soo ni̱ꞌi̱nꞌ rán fuersáꞌ ííꞌ sáá kenta Ta̱chi̱ꞌ Ííꞌ kɨꞌɨ re̱ꞌ iniꞌ rán. Jee kuvi rán ñɨvɨ, ya̱ istúvi rán ya̱ naáꞌ jie̱ꞌe̱ꞌ nuꞌuꞌ nu̱u̱nꞌ rá ñɨvɨ ñuunꞌ Jerusalén jín nu̱u̱nꞌ nɨꞌɨ rá sánitɨ́ɨn Judea jín Samaria, jín nu̱u̱nꞌ rá ñɨvɨ íyó rá ñuunꞌ íká ka̱ꞌ nu̱u̱nꞌ nɨ́ɨ́nkáꞌnú ñɨ̱vɨ́ ―nkachiꞌ Jesús.

Hechos 14:25

Jee sáá ya̱ nkachiꞌ ráa tu̱ꞌun váꞌa ñuunꞌ Perge, jee ña̱ꞌa̱nꞌ ráa ñuunꞌ Atalia.

Hechos 16:6

Jee njia̱ꞌa ráa kua̱ꞌa̱nꞌ ráa sánitɨ́ɨn Frigia jín Galacia, chi ntu njiáꞌa Ta̱chi̱ꞌ Ííꞌ Ndiosíꞌ stekútu̱ꞌún ráa tu̱ꞌun va̱ꞌa sánitɨ́ɨn Asia.

Hechos 17:11

Soo rá ñɨvɨ yukuán nkuva̱ꞌa ka̱ꞌ iniꞌ ráa nsú káꞌ rá ñɨvɨ ñuunꞌ Tesalónica, chi va̱ne̱ꞌ ñuꞌun káñá iniꞌ ráa ntɨɨn ráa tu̱ꞌun yaꞌá. Jee ni ki̱vɨ̱ꞌ súkuáꞌa ráa Tutuꞌ Ííꞌ níso Tu̱ꞌun Ndiosíꞌ, sáva kuniꞌ ráa ré ya̱ naáꞌ ví ya̱ káchíꞌ Pablo jín Silas.

Hechos 26:16

Soo nako̱o jee nakui̱ñɨ̱ꞌ nichiꞌ nú. Chi ntu̱vi ni̱ꞌ nu̱u̱nꞌ nú, sáva kani ni̱ꞌ noꞌó kuvi nú musúꞌ kuatíñú ni̱ꞌ noꞌó, jee nastúvi nú ya̱ naáꞌ jie̱ꞌe̱ꞌ ya̱ niniꞌ nú vitan, jín ya̱ xinéꞌénꞌ ni̱ꞌ nu̱u̱nꞌ nú.

Hechos 4:20

Soo ntu kúvi sikɨ́kui̱ñɨ̱ꞌ ráníꞌ kachiꞌ ránꞌ jie̱ꞌe̱ꞌ rá niniꞌ ránꞌ jín rá nteso̱ꞌo ránꞌ ―nkachiꞌ Pedro jín Juan.

Hechos 8:4

I̱ña̱jée rá ñɨvɨ ñéte̱nuun vá, jee ni̱kónúun ráa, jee nste̱kútu̱ꞌún ráa tu̱ꞌun váꞌa Jesús.

Romanos 15:16

sáva sáꞌá ni̱ꞌ tiñu Cristo Jesús nu̱u̱nꞌ rá ñɨvɨ ya̱ ntu kúvi ñɨvɨ Israel. Sáꞌá ni̱ꞌ tiñu kuéntáꞌ su̱tu̱ꞌ, ya̱ stékútu̱ꞌún ni̱ꞌ tu̱ꞌun váꞌa Ndiosíꞌ, sáva kuvi ki̱vɨ ráa nu̱u̱nꞌ re̱ꞌ, kuéntáꞌ násokoꞌ ni̱ꞌ ráa nu̱u̱nꞌ re̱ꞌ, jee saájee kúváꞌa iniꞌ re̱ꞌ néꞌyá re̱ꞌ ráa, chi nsa̱ꞌá Ta̱chi̱ꞌ Ííꞌ re̱ꞌ nnu̱noo ráa chi nsásɨ́ɨ́n re̱ꞌ ráa sáva kɨtíñú ráa nu̱u̱nꞌ re̱ꞌ.

1 Corintios 4:1

Saáva ránuꞌuꞌ jee tɨɨn kuéntáꞌ ránú ya̱ musúꞌ ni kúvi ránuꞌuꞌ nu̱u̱nꞌ Cristo ya̱ nte̱tíñú re̱ꞌ ránuꞌuꞌ sáva néen kuéntáꞌ ráníꞌ tiñu re̱ꞌ sáva xínéꞌénꞌ ránꞌ Tu̱ꞌun Ndiosíꞌ ya̱ nyɨ̱yuꞌuꞌ nékúvi.

Hebreos 2:3

Jee nu̱u̱nꞌ ni̱yo sukuán, jee maáórán, ¿na̱sa ka̱ꞌ vá saꞌá‑ó jee kaku‑ó nu̱u̱nꞌ tu̱nóꞌó vá, retú ntu nénu̱u̱nꞌ‑ó chuꞌun iniꞌ‑ó jie̱ꞌe̱ꞌ tu̱ꞌun máá ñáꞌnú káꞌ jie̱ꞌe̱ꞌ ya̱ na̱sa natavaꞌ Jesús yó nu̱u̱nꞌ kua̱chi‑ó sikáku re̱ꞌ yó rúja? Chi xíꞌna ka̱ꞌ nkachitu̱ꞌún maá I̱toꞌoꞌ‑ó Jesús tu̱ꞌun yaꞌá, jee kuíre rá te̱e ya̱ nteso̱ꞌo maa, jee nna̱stúvi ráa ya̱ naáꞌ jie̱ꞌe̱ꞌ tu̱ꞌun yaꞌá nu̱u̱nꞌ‑órán

1 Pedro 5:1

Vitan jee nákutíñú ni̱ꞌin ni̱ꞌ nu̱u̱nꞌ rá te̱e kúñáꞌnú nu̱u̱nꞌ ránoꞌó ya̱ yɨ́ꞌɨ́ xi̱ntíín Cristo, chi nuꞌuꞌ jee suni te̱e kúñáꞌnú kúvi ni̱ꞌ jín ráa nu̱u̱nꞌ rá ñɨvɨ yɨ́ꞌɨ́ xi̱ntíín Cristo, jee kúvi ni̱ꞌ ɨɨn te̱e ya̱ jiáꞌa ni̱ꞌ ya̱ nááꞌ ya̱ ya niniꞌ jínúunꞌ ni̱ꞌ rá tu̱nóꞌó nnoꞌo Cristo. Jee suni ni̱ꞌi̱nꞌ ni̱ꞌ kuñáꞌnú ni̱ꞌ kuéntáꞌ maáréꞌ sáá nenta nijinꞌ re̱ꞌ jín tiñu níso re̱ꞌ.

2 Pedro 1:16

Chi ntu nníkɨ́nꞌ ránꞌ ntu ntɨ́ɨn kuéntáꞌ ránꞌ rá kuentúꞌ túꞌún máñáꞌ ya̱ nkene xi̱ni̱ꞌ ñɨvɨ sáá nsi̱kúkáꞌnú ránꞌ iniꞌ ránoꞌó jie̱ꞌe̱ꞌ ya̱ kenta I̱toꞌoꞌ‑ó Jesús ya̱ kúvi Cristo jín jie̱ꞌe̱ꞌ fuersáꞌ ííꞌ ni̱ꞌin níso re̱ꞌ, chisaꞌ niniꞌ jínúunꞌ ráníꞌ ya̱ viiꞌ kúñáꞌnú re̱ꞌ.