Lucas 1:1 - Mixteco del suroeste de Tlaxiaco Oaxaca

¹ Kue̱ꞌe̱ꞌ rá ñɨvɨ nsa̱tíñú ráa sáva tee ráa tu̱ꞌun káꞌánꞌ jie̱ꞌe̱ꞌ rá tiñu ya̱ nkuvi nteñu ráníꞌ,

Lucas 1:1 Iomraidhean Croise

Marcos 16:20

Jee nke̱i̱chí rá te̱e vá, jee nɨ́ɨ́n nste̱kútu̱ꞌún ráa tu̱ꞌun váꞌa Jesús, jee nchi̱neí maá I̱toꞌoꞌ‑ó ráa, jee nstúvi re̱ꞌ ya̱ naáꞌ ví tu̱ꞌun vá jín seña ííꞌ a̱nasɨ́ nsa̱ꞌá re̱ꞌ. Saá koo. Amén.]

Juan 20:31

Soo rá tu̱ꞌun yaꞌá ntee ni̱ꞌ nu̱u̱nꞌ tutuꞌ yaꞌá, sáva ránoꞌó ji̱nu̱ꞌ iniꞌ rán ya̱ Jesús kúvi re̱ꞌ Cristo, ya̱ nátavaꞌ‑a ñɨvɨ nu̱u̱nꞌ kua̱chi ráa, jín ya̱ kúvi re̱ꞌ Se̱ꞌya Ndiosíꞌ, jee sáva ni̱ꞌi̱nꞌ rán ya̱ kutekuꞌ rán nɨ́ɨ́nkání jín re̱ꞌ jie̱ꞌe̱ꞌ ya̱ kúneí iniꞌ rán re̱ꞌ.

Romanos 14:5

Jee suni íyó ñɨvɨ jiáni iniꞌ‑i ya̱ íyó ɨɨn ki̱vɨ̱ꞌ va̱ꞌa ka̱ꞌ nsú káꞌ inka ka̱ꞌ ki̱vɨ̱ꞌ. Jee íyó inka ñɨvɨ jiáni iniꞌ‑i ya̱ ɨɨn nuún ni kúvi nta̱ká ki̱vɨ̱ꞌ. Ta ɨɨn ɨɨn ñɨvɨ íyó kuna̱a̱ꞌ iniꞌ maáa jie̱ꞌe̱ꞌ jiáni xi̱ni̱ꞌ maáa.

Romanos 4:21

Jee íchí kuitɨꞌ ni̱nu̱ꞌ nkáꞌnú iniꞌ re̱ꞌ ya̱ kuvi saꞌá Ndiosíꞌ ya̱ nchi̱sóyuꞌú re̱ꞌ.

Colosenses 2:2

Sáꞌá ni̱ꞌ suꞌva sáva nuneí iniꞌ ánímaꞌ rá ñaniꞌ vá, jín sáva nuún koo iniꞌ ráa jie̱ꞌe̱ꞌ ñúnúunꞌ ráa ɨɨn inka rá táꞌán ráa. Jee sáva kuéntáꞌ kukúká ráa ya̱ kino̱o kutú ánímaꞌ ráa, jie̱ꞌe̱ꞌ ki̱ku̱ꞌun iniꞌ ráa Tu̱ꞌun Ndiosíꞌ, sáva kuniꞌ ráa tu̱ꞌun re̱ꞌ ya̱ nyɨ́ꞌɨ se̱ꞌí ne̱ yanaꞌán nékúvi, jee jie̱ꞌe̱ꞌ maá Cristo ví tu̱ꞌun vá.

Colosenses 4:12

Tájí Epafras tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó, ya̱ suni kúvi re̱ꞌ táꞌán ñuunꞌ rán, jee kúvi re̱ꞌ musúꞌ ya̱ jiátíñú Cristo Jesús. Jee sáá káꞌánꞌ re̱ꞌ jín Ndiosíꞌ, jee sukuáni núnasɨ́ re̱ꞌ jíkánꞌ táꞌvíꞌ víꞌí re̱ꞌ jie̱ꞌe̱ꞌ rán, ya̱ kuiñɨ ni̱ꞌin rán, ya̱ kujia iniꞌ rán nu̱u̱nꞌ tu̱ꞌun kúneí iniꞌ rán, jee ya̱ koo kutú rán nu̱u̱nꞌ nɨꞌɨ ya̱ kuíni maá Ndiosíꞌ.

1 Tesalonicenses 1:5

Chi nsú kua̱chi tu̱ꞌun ni ví tu̱ꞌun jie̱ꞌe̱ꞌ Cristo ya̱ nkachitu̱ꞌún ráníꞌ nkenta‑a nu̱u̱nꞌ ránoꞌó. Chisaꞌ suni nkenta tu̱ꞌun váꞌa vá jín fuersáꞌ ííꞌ níso Ta̱chi̱ꞌ Ííꞌ Ndiosíꞌ. Jee kínóo kutú va̱ꞌa ráníꞌ ya̱ íyó kutú tu̱ꞌun ya̱ nkachiꞌ ránꞌ. Jíníꞌ va̱ꞌa ránoꞌó na̱ja ñaꞌnu va̱ꞌa ránuꞌuꞌ sáá nneeꞌ ránꞌ nteñu ránoꞌó, chi nnu̱kú ránꞌ ya̱ váꞌa ránoꞌó.

1 Timoteo 3:16

Va̱tu̱ꞌ nijia ya̱ kúvi ya̱ naáꞌ, ya̱ mánasɨ́ ví tu̱ꞌun yuꞌuꞌ jie̱ꞌe̱ꞌ ichi na̱a̱ꞌ Ndiosíꞌ, ya̱ sukuán ntañúꞌún nstúvi re̱ꞌ nu̱u̱nꞌ‑ó: Ndiosíꞌ ntu̱vi nu̱u̱nꞌ ñɨ̱vɨ́, jee ni̱yo yɨkɨkúñu re̱ꞌ, chi nkenta kúvi re̱ꞌ ɨɨn te̱e. Nstúvi kájí nijia Ta̱chi̱ꞌ Ííꞌ re̱ꞌ, ya̱ na̱a̱ꞌ ví re̱ꞌ. Ntu̱vi re̱ꞌ nu̱u̱nꞌ rá najiáꞌáꞌ ííꞌ Ndiosíꞌ. Nte̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ rá ñɨvɨ ñɨ̱vɨ́. Ni̱nu̱ꞌ iniꞌ ñɨvɨ ñɨ̱vɨ́ re̱ꞌ. Nnaa re̱ꞌ kua̱noꞌonꞌ re̱ꞌ súkún nu̱u̱nꞌ ñuunꞌ viiꞌ nasɨ́kuitɨꞌ nu̱u̱nꞌ tátúníꞌ Ndiosíꞌ.

2 Timoteo 4:17

Soo máá I̱toꞌoꞌ‑ó ni̱ñɨ jín ni̱ꞌ jee nchi̱neí nchituvi re̱ꞌ nuꞌuꞌ, sáva sikúnkuvi ni̱ꞌ kachitu̱ꞌún ni̱ꞌ tu̱ꞌun váꞌa re̱ꞌ, sáva teso̱ꞌo nta̱ká ñɨvɨ ya̱ ntu kúvi Israel maa. Jee nsi̱káku re̱ꞌ nuꞌuꞌ nu̱u̱nꞌ tu̱nóꞌó xinóꞌo ñɨvɨ xe̱e̱nꞌ niva̱ꞌa, kuéntáꞌ kua̱ꞌ réáꞌ nsi̱káku re̱ꞌ nuꞌuꞌ nu̱u̱nꞌ maá yuꞌú nikaꞌa.

Hebreos 10:22

Jee saáva, ne̱ saɨn kúvi iniꞌ ánímaꞌ‑ó natuꞌva‑ó nu̱u̱nꞌ Ndiosíꞌ, jie̱ꞌe̱ꞌ kínóo kutú ánímaꞌ‑ó chi kúneí iniꞌ‑ó Cristo, chi nna̱saꞌá noo Cristo ánímaꞌ‑ó ya̱ kuniꞌ‑ó ya̱ ntu níso‑ó ka̱ꞌ ya̱ niva̱ꞌa. Jee ya̱ nno̱noo‑ó kuéntáꞌ nna̱kete‑ó yɨkɨkúñu‑ó jín nute ninuꞌun.

Hebreos 6:11

Soo ñúkúvi iniꞌ ráníꞌ ya̱ suni sukuán kuꞌun káñá iniꞌ ta ɨɨn ɨɨn rán, ne̱ kenta ji̱nu tékúꞌ rán, sáva nɨꞌɨ noo kino̱o kutú iniꞌ rán ya̱ íyó tu̱neí iniꞌ‑órán ya̱ taji Ndiosíꞌ nu̱u̱nꞌ‑ó ya̱ nchi̱sóyuꞌú re̱ꞌ.