Juan 9:4 - Mixteco del suroeste de Tlaxiaco Oaxaca

⁴ Maáórán íyó saꞌá‑ó tiñu maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ, ni kúvi kuéntáꞌ nuví, chi kiji tiempúꞌ kuéntáꞌ nu̱u̱nꞌ neenꞌ kuéntáꞌ yakuááꞌ jee ni ɨɨn ñɨvɨ nkúvi satíñú ka̱ꞌ.

Juan 9:4 Iomraidhean Croise

Mateo 20:7

Jee nkachiꞌ ráa nu̱u̱nꞌ re̱ꞌ: “Saáchi ni ɨɨn ntu̱náꞌ kána ránuꞌuꞌ satíñú ránꞌ jín‑i”, nkachiꞌ ráa, saájee nkachiꞌ re̱ꞌ nu̱u̱nꞌ ráa: “Suni kuáꞌán rán nu̱u̱nꞌ káá tataꞌ uva ni̱ꞌ, [jee chunáán ni̱ꞌ nu̱u̱nꞌ ránoꞌó ne̱ ni ɨɨn jie̱ꞌe̱ꞌ ya̱ váꞌa].”

Marcos 3:3

Jee nkachiꞌ Jesús nu̱u̱nꞌ te̱e níchí naꞌá: ―Nakuiñɨꞌ ma̱ꞌñú ráa.

Juan 10:32

Jee nna̱xiníkó Jesús nu̱u̱nꞌ ráa: ―Ya nstúvi ni̱ꞌ kue̱ꞌe̱ꞌ víꞌí tiñu va̱ꞌa nu̱u̱nꞌ rán, ya̱ ntaji Tátáꞌ ni̱ꞌ nu̱u̱nꞌ ni̱ꞌ saꞌá ni̱ꞌ. Jee, ¿jie̱ꞌe̱ꞌ né ɨɨn rá tiñu váꞌa yaꞌá kúvi ya̱ kuun rán yu̱u̱ꞌ nuꞌuꞌ rúsa? ―nkachiꞌ Jesús.

Juan 10:37

Retú ntu̱ví sáꞌá ni̱ꞌ rá tiñu sáꞌá Tátáꞌ ni̱ꞌ, jee koto jínúꞌ iniꞌ rán nuꞌuꞌ.

Juan 12:35

Saájee nkachiꞌ Jesús nu̱u̱nꞌ ráa: ―Nuꞌuꞌ, ya̱ kúvi ni̱ꞌ ñuꞌunꞌ túúnꞌ iniꞌ ánímaꞌ rán, jee yakuꞌ ni ka̱ꞌ ki̱vɨ̱ꞌ íyó kuneeꞌ ni̱ꞌ jín rán. Saáva kueꞌnu rán nu̱u̱nꞌ ñuꞌunꞌ vá ni túúnꞌ‑u iniꞌ ánímaꞌ rán, sáva nsáꞌ kenta kueꞌnu rán nu̱u̱nꞌ ñu̱neenꞌ ya̱ kúvi ya̱ niva̱ꞌa, chi ñɨvɨ ya̱ jiáꞌnu nu̱u̱nꞌ ñu̱neenꞌ ntu kútúníꞌ né ɨɨn ichi kɨ̱ꞌɨ̱nꞌ ráa.

Juan 17:4

’Nstúvi ni̱ꞌ nu̱u̱nꞌ rá ñɨvɨ íyó iniꞌ ñɨ̱vɨ́ yaꞌá ya̱ maánú ví ya̱ máá kúñáꞌnú nasɨ́kuitɨꞌ ka̱ꞌ, chi ya̱ nsi̱jínu ni̱ꞌ ntáká tiñu ya̱ ntaji nú nu̱u̱nꞌ ni̱ꞌ saꞌá ni̱ꞌ maa.

Juan 4:34

Jee nkachiꞌ Jesús nu̱u̱nꞌ ráa: ―Neyu yájíꞌ ni̱ꞌ ví ya̱ saꞌá ni̱ꞌ sáni kuíni maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ, jín ya̱ sijínu ni̱ꞌ tiñu re̱ꞌ.

Juan 5:19

Saájee nkachiꞌ Jesús nu̱u̱nꞌ ráa: ―Máá nááꞌ vá káchíꞌ ni̱ꞌ nu̱u̱nꞌ rán: Nuꞌuꞌ, ya̱ kúvi ni̱ꞌ Se̱ꞌya Ndiosíꞌ, nkúvi saꞌá ni̱ꞌ ni ɨɨn tiñu ya̱ maáníꞌ, chi kua̱chi sáꞌá ni̱ꞌ sáni néꞌyá ni̱ꞌ ya̱ sáꞌá Tátáꞌ ni̱ꞌ. Chi néni ɨɨn tiñu ya̱ sáꞌá Tátáꞌ ni̱ꞌ Ndiosíꞌ, suni sukuán nuꞌuꞌ ya̱ kúvi ni̱ꞌ Se̱ꞌya Ndiosíꞌ nuún sáꞌá ni̱ꞌ maa.

Juan 5:36

’Soo íyó ɨɨn ya̱ jiáꞌa ya̱ naáꞌ máá ñáꞌnú yɨ́yáꞌvi ka̱ꞌ jie̱ꞌe̱ꞌ ni̱ꞌ nsú káꞌ ya̱ njia̱ꞌa Juan. Chi rá tiñu ya̱ ntaji Tátáꞌ ni̱ꞌ sáva sikúnkuvi ni̱ꞌ, jee rá tiñu vá ya̱ sáꞌá ni̱ꞌ jiáꞌa ya̱ naáꞌ jie̱ꞌe̱ꞌ ni̱ꞌ, chi rá tiñu vá stúvi ya̱ Tátáꞌ ni̱ꞌ nchu̱ichí re̱ꞌ nuꞌuꞌ.

Juan 7:33

Saájee nkachiꞌ Jesús: ―Yakuꞌ ni ka̱ꞌ tiempúꞌ íyó kuneeꞌ ni̱ꞌ jín rán, jee kɨ̱noꞌonꞌ ni̱ꞌ nu̱u̱nꞌ maáréꞌ ya̱ nta̱jí nuꞌuꞌ va̱ji ni̱ꞌ.

Hechos 4:20

Soo ntu kúvi sikɨ́kui̱ñɨ̱ꞌ ráníꞌ kachiꞌ ránꞌ jie̱ꞌe̱ꞌ rá niniꞌ ránꞌ jín rá nteso̱ꞌo ránꞌ ―nkachiꞌ Pedro jín Juan.

Gálatas 6:10

Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

Efesios 5:16

Vitan íyó tiempúꞌ jee kuniꞌvɨꞌ iniꞌ rán saꞌá rán tiñu ntaji Ndiosíꞌ saꞌá rán, chi tiempúꞌ vitan jee íyó víꞌí ñɨvɨ jíka ráa ichi niváꞌa.

Colosenses 4:5

Kuꞌun kájí xíniꞌ rán kueꞌnu ñunkúún rán sáni kuíni Ndiosíꞌ nteñu rá ñɨvɨ ya̱ ntu kúneí iniꞌ ráa Cristo, jee suꞌva ntu súkuíta rán tiempúꞌ ya̱ káꞌánꞌ rán jín ráa.