Juan 8:44 - Mixteco del suroeste de Tlaxiaco Oaxaca

⁴⁴ Chi ránoꞌó chi tátáꞌ rán kúvi kui̱ꞌna̱ꞌ kúñáꞌnú, chi kuíni rán saꞌá rán rá tiñu ya̱ níyo iniꞌ tátáꞌ rán vá saꞌá rán. Chi maáréꞌ kúvi re̱ꞌ ya̱ sáꞌá re̱ꞌ ni̱yɨ ne̱ tiempúꞌ xíꞌnañúꞌún ya̱ ña̱ko̱o ñɨ̱vɨ́ yaꞌá. Jee ni ntu̱ví íñɨ́‑ɨ jín ya̱ naáꞌ, chi ntu̱ví ñúꞌún ya̱ naáꞌ iniꞌ‑i. Sáá káꞌánꞌ re̱ꞌ tu̱ꞌun túꞌún jee káꞌánꞌ re̱ꞌ sánikua̱ꞌ na̱sa íyó maáréꞌ, chi ya̱ kini túꞌún ví re̱ꞌ jee kúvi re̱ꞌ tátáꞌ nu̱u̱nꞌ ya̱ váji tu̱ꞌun túꞌún.

Juan 8:44 Iomraidhean Croise

Génesis 3:15

Jee saꞌá ni̱ꞌ ya̱ tu̱fi̱ꞌ ta̱ꞌán noꞌó jín ñaꞌan vá, jín ya̱ tu̱fi̱ꞌ ta̱ꞌán se̱ꞌya ichiyúkúnꞌ nú jín se̱ꞌya ichiyúkúnꞌ ña. Jee ɨɨn se̱ꞌya ichiyúkúnꞌ ña xtufíꞌ re̱ꞌ xi̱ni̱ꞌ nú, jee suvinú xtufíꞌ xu̱jieꞌéꞌ re̱ꞌ.

Mateo 12:34

¡Ránoꞌó ya̱ kúvi rán kuéntáꞌ tataꞌ ko̱o̱ꞌ xe̱e̱nꞌ! Jee, ¿na̱sa kúvi kachiꞌ rán tu̱ꞌun váꞌa rúja?, chi ñɨvɨ kánéꞌén ví maárán. Chi máá ya̱ ñúꞌún chitú ánímaꞌ ñɨvɨ ví ya̱ kéne yuꞌú‑u káchíꞌ‑i.

Mateo 13:15

Chi nkuni̱ꞌin ánímaꞌ rá ñɨvɨ yaꞌá, jee u̱ꞌvi̱ꞌ tésóꞌo ráa, jee kuéntáꞌ násɨ́ꞌ nchinúún ráa, sáva ntu kúvi kuniꞌ ráa ya̱ nááꞌ jín nchinúún ráa, jín sáva ntu tésóꞌo ráa jín sóꞌo ráa, jee ni nkɨ́kuꞌun iniꞌ ráa jín ánímaꞌ ráa, jee ni nnákani iniꞌ ráa jee ni nkúnikɨnꞌ ráa Ndiosíꞌ, sáva ni nsáꞌ nasaꞌá va̱ꞌa ni̱ꞌ ánímaꞌ ráa, sukuán nkachiꞌ Ndiosíꞌ, nkachiꞌ Isaías.

Mateo 13:38

Jee ñu̱ꞌún nu̱u̱nꞌ káá tataꞌ sáꞌá ví ñɨ̱vɨ́ yaꞌá, jee rá nikɨn váꞌa vá kúvi rá ñɨvɨ yɨ́ꞌɨ́ xi̱ntíín Ndiosíꞌ ya̱ tátúníꞌ re̱ꞌ nu̱u̱nꞌ ráa, jee rá yu̱ku̱ꞌ ne̱ꞌén ví rá ñɨvɨ yɨ́ꞌɨ́ xi̱ntíín ya̱ kíni.

Juan 6:70

Jee nna̱xiníkó Jesús nu̱u̱nꞌ ráa: ―¿Á nsú nuꞌuꞌ nka̱ji ni̱ꞌ u̱xu̱vi̱ꞌ (12) ránoꞌó rúja? Jee ɨɨn ránoꞌó kúvi kui̱ꞌna̱ꞌ.

Juan 7:17

Jee retú na̱ni ñɨvɨ kuíni‑i saꞌá‑a tiñu ya̱ kuíni máá Ndiosíꞌ, jee kuniꞌ ñɨvɨ vá jie̱ꞌe̱ꞌ tu̱ꞌun káchíꞌ ni̱ꞌ, chi kuniꞌ‑i retú va̱ji ne̱ nu̱u̱nꞌ Ndiosíꞌ tu̱ꞌun káchíꞌ ni̱ꞌ, áxí retú va̱ji ne̱ nu̱u̱nꞌ nuꞌuꞌ.

Juan 8:38

Nuꞌuꞌ chi káchíꞌ ni̱ꞌ tu̱ꞌun ya̱ nxi̱néꞌénꞌ Tátáꞌ ni̱ꞌ nu̱u̱nꞌ ni̱ꞌ. Saájee ránoꞌó chi sáꞌá rán tiñu ya̱ nxi̱néꞌénꞌ tátáꞌ rán nu̱u̱nꞌ rán ―nkachiꞌ Jesús.

Juan 8:41

Jee ránoꞌó chi saꞌá rán tiñu saꞌá tátáꞌ rán ―nkachiꞌ Jesús. Saájee nkachiꞌ ráa nu̱u̱nꞌ re̱ꞌ: ―Ránuꞌuꞌ chi nsú se̱ꞌya náꞌví kúvi ránꞌ chi íyó ɨɨn Tátáꞌ ránꞌ, ya̱ kúvi Ndiosíꞌ.

Juan 8:55

Soo ni ntu̱ví jíníꞌ rán iniꞌ re̱ꞌ. Soo nuꞌuꞌ chi jíníꞌ va̱ꞌa ni̱ꞌ iniꞌ re̱ꞌ. Jee retú kachiꞌ ni̱ꞌ ya̱ ntu̱ví jíníꞌ ni̱ꞌ re̱ꞌ, saájee kuvi ni̱ꞌ ɨɨn te̱e túꞌún nékúvi kuéntáꞌ ránoꞌó. Soo jíníꞌ va̱ꞌa ni̱ꞌ iniꞌ re̱ꞌ, jee chúꞌun iniꞌ ni̱ꞌ tu̱ꞌun re̱ꞌ.

Hechos 13:10

Jee nkachiꞌ re̱ꞌ nu̱u̱nꞌ‑u: ―¡Kúneí tu̱ntúꞌún jín nú! ¡Máá jíka xínáꞌví nú! ¡Se̱ꞌya kui̱ꞌna̱ꞌ kúvi nú! ¡Kénta nú si̱kɨ̱ꞌ nɨꞌɨ ya̱ váꞌa! ¿Á ni nsíkɨ́kui̱ñɨ̱ꞌ nú ya̱ nátatúꞌún nú jie̱ꞌe̱ꞌ ichi na̱a̱ꞌ I̱toꞌoꞌ ráníꞌ Jesús rúja?

Hechos 24:9

Jee suni nchi̱neí rá te̱e Israel tu̱ꞌun nkaꞌanꞌ re̱ꞌ, ya̱ íyó na̱a̱ꞌ sukuán jie̱ꞌe̱ꞌ re̱ꞌ.

Hechos 5:3

Soo nkachiꞌ Pedro nu̱u̱nꞌ‑u: ―Ananías, ¿na̱ jie̱ꞌe̱ꞌ chi nku̱neí Satanás ntɨɨn‑ɨ ánímaꞌ nú, sáva katúꞌún nú nu̱u̱nꞌ Ta̱chi̱ꞌ Ííꞌ Ndiosíꞌ, jee nkino̱o nú jín sava xu̱ꞌún ya̱ꞌvi ñuꞌun nú ya̱ nxi̱kó nú?

2 Corintios 11:3

Soo yúꞌví ni̱ꞌ ya̱ sa̱naanꞌ jee kusɨ́ɨ́n rán nu̱u̱nꞌ yɨ́tíñú rán ne̱ saɨn ninuꞌun iniꞌ rán nu̱u̱nꞌ métúꞌún Cristo, jee sukuán jíta antúníꞌ rán, kuéntáꞌ nxi̱náꞌví ko̱o̱ꞌ Eva jín máñáꞌ ti̱ꞌ.

1 Pedro 5:8

Jee kuꞌun ñáꞌnú iniꞌ rán nito koo rán, chi kui̱ꞌna̱ꞌ kúñáꞌnú ya̱ túfíꞌ ta̱ꞌán re̱ꞌ jín ránoꞌó, jíkanuun re̱ꞌ kuéntáꞌ ɨɨn nikaꞌa ya̱ ne̱ nɨ́ꞌɨn sáxéenꞌ ti̱ꞌ núkú ti̱ꞌ kajiꞌ ti̱ꞌ chi núkú re̱ꞌ ɨɨn ñɨvɨ sáva xináánꞌ re̱ꞌ maa.

2 Pedro 2:4

Chi jie̱ꞌe̱ꞌ ya̱ ntu nnékáꞌnú iniꞌ Ndiosíꞌ nne̱ꞌyá re̱ꞌ rá najiáꞌáꞌ ííꞌ re̱ꞌ ya̱ nsa̱ꞌá ráa kua̱chi, chisaꞌ ntaanꞌ re̱ꞌ ráa nu̱u̱nꞌ ñuꞌunꞌ xéénꞌ ya̱ ntu jínu nu̱u̱nꞌ kúnú‑u jee yukuán yɨ́niꞌyuꞌ ráa nu̱u̱nꞌ ñu̱neenꞌ, jee núꞌníꞌ ráa jín cadena ka̱a nekuaꞌ kenta ki̱vɨ̱ꞌ ya̱ sanáaꞌ re̱ꞌ jie̱ꞌe̱ꞌ kua̱chi ráa.

1 Juan 1:8

Jee ré kachiꞌ‑ó ya̱ ntu̱ví íyó kua̱chi‑ó, jee xínáꞌví‑ó maáó, chi ntu̱ví ñúꞌún tu̱ꞌun na̱a̱ꞌ iniꞌ‑ó.

1 Juan 2:21

Nsáꞌ tée ni̱ꞌ tutuꞌ yaꞌá nu̱u̱nꞌ rán jie̱ꞌe̱ꞌ ya̱ ntu̱ví jíníꞌ rán ya̱ naáꞌ. Chisaꞌ tée ni̱ꞌ maa nu̱u̱nꞌ rán chi jíníꞌ rán ya̱ naáꞌ. Jee ni ɨɨn tuntúꞌún ntu váji ne̱ nu̱u̱nꞌ ya̱ naáꞌ.

1 Juan 2:4

Soo ñɨvɨ ya̱ káchíꞌ: “Nuꞌuꞌ chi ma̱ni̱ꞌ ni̱ꞌ jín Ndiosíꞌ”, káchíꞌ ráa, soo ntu̱ví síkúnkuvi ráa rá tu̱ꞌun tátúníꞌ re̱ꞌ, jee kúvi ráa ñɨvɨ túꞌún jee ntu̱ví ñúꞌún tu̱ꞌun na̱a̱ꞌ iniꞌ ñɨvɨ vá.

1 Juan 3:12

Jee koto sáꞌá‑ó kuéntáꞌ nsa̱ꞌá Caín, ya̱ ni̱ñɨ re̱ꞌ jín kui̱ꞌna̱ꞌ kúñáꞌnú, jee ñaꞌniꞌ re̱ꞌ ñaniꞌ re̱ꞌ. Jee, ¿na̱ jie̱ꞌe̱ꞌ chi ñaꞌniꞌ re̱ꞌ maa, résa? Chi rá tiñu ya̱ nsa̱ꞌá re̱ꞌ nkuvi ya̱ niváꞌa, jee rá tiñu nsa̱ꞌá ñaniꞌ re̱ꞌ nkuvi ya̱ naáꞌ.

1 Juan 3:15

Jee nta̱ká rá ñɨvɨ ya̱ táꞌvi iniꞌ ráa néꞌyá ráa ñanitáꞌán ráa, jee nu̱u̱nꞌ Ndiosíꞌ kúvi ráa ñɨvɨ ya̱ sáꞌá ni̱yɨ. Jee jíníꞌ‑ó ya̱ ni ɨɨn ñɨvɨ ya̱ sáꞌá ni̱yɨ, ntu ñúꞌún iniꞌ‑i ni̱ꞌi̱nꞌ‑i ya̱ kutekuꞌ‑u nɨ́ɨ́nkání jín Ndiosíꞌ.

Judas 1:6

Jee suni ya jíníꞌ ránú na̱sa nsa̱ꞌá Ndiosíꞌ jín rá najiáꞌáꞌ ííꞌ re̱ꞌ sáá nxi̱nóo ráa tiñu níso ráa jee nxi̱nóo ráa ne̱ nu̱u̱nꞌ níyo ráa antivɨ́. Jee nchi̱niꞌyuꞌ re̱ꞌ ráa nu̱u̱nꞌ ñu̱neenꞌ, jee yukuán núꞌníꞌ ráa nɨ́ɨ́nkání nekuaꞌ kenta máá ki̱vɨ ñáꞌnú ya̱ sanáaꞌ re̱ꞌ ntáká tiñu.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.

Apoclipsis 13:14

Jee xínáꞌví ti̱ꞌ rá ñɨvɨ ya̱ nééꞌ ráa iniꞌ ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ Cristo, jie̱ꞌe̱ꞌ rá seña a̱nasɨ́ sáꞌá ti̱ꞌ, ya̱ níꞌinꞌ ti̱ꞌ ya̱ kuvi saꞌá ti̱ꞌ maa ichinúúnꞌ kitɨ xéénꞌ kákini xíꞌnañúꞌún vá. Jee nta̱túníꞌ ti̱ꞌ nu̱u̱nꞌ rá ñɨvɨ ya̱ nééꞌ ráa iniꞌ ñɨ̱vɨ́ ya̱ saꞌá ráa ɨɨn santúꞌ ñunéꞌyúꞌ máá maá kitɨ xéénꞌ xíꞌnañúꞌún ya̱ ntu̱fi̱ꞌ‑i nsa̱ꞌá yuchiꞌ, jee nna̱tekuꞌ‑u.

Apoclipsis 2:10

Soo koto yúꞌví rán jie̱ꞌe̱ꞌ rá tu̱nóꞌó kunoꞌo rán. Chi kui̱ꞌna̱ꞌ kúñáꞌnú, jee saꞌá‑a ya̱ chiꞌi ñɨvɨ sava ránoꞌó veka̱a sáva kototúníꞌ‑i ránoꞌó retú kunikɨnꞌ nijia rán nuꞌuꞌ áxí ntu̱ví, jee kunoꞌo rán tu̱nóꞌó u̱ji̱ꞌ ki̱vɨ̱ꞌ. Soo kuiñɨ ni̱ꞌin rán sikúnkuvi na̱a̱ꞌ rán súka̱ꞌ ne̱ kuviꞌ rán, saájee taji ni̱ꞌ ta̱ꞌvi̱ꞌ nu̱u̱nꞌ rán, ya̱ suvi kuvi ya̱ ni̱ꞌi̱nꞌ rán ya̱ saꞌá Ndiosíꞌ ya̱ kutekuꞌ rán jín ni̱ꞌ nɨ́ɨ́nkání.

Apoclipsis 21:8

Soo rá ñɨvɨ ya̱ sɨ́ꞌɨ́ iniꞌ ráa xinóꞌo ñɨvɨ ráa jie̱ꞌe̱ꞌ tu̱ꞌun ni̱ꞌ, jín rá ñɨvɨ ya̱ ntu ínúꞌ iniꞌ ráa nuꞌuꞌ, jín rá ñɨvɨ ya̱ máá tiñu néꞌí sáꞌá ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ kusi̱kɨ́ iniꞌ ráa sáꞌá téní ráa, jín rá ñɨvɨ sáꞌá tásɨ́, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín ntáká rá ñɨvɨ túꞌún, jee kua̱íyó ráa vá íyó ni̱ꞌi̱nꞌ ráa kɨ̱ꞌɨ̱nꞌ ráa nu̱u̱nꞌ ñúꞌúnꞌ xéénꞌ iniꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ. Jee yukuán ví ya̱ kuviꞌ ráa ya̱ uvíꞌ íchí.

Apoclipsis 22:15

Soo chatáꞌ ñuunꞌ vá kino̱o rá ñɨvɨ ya̱ kúvi ráa kuéntáꞌ tinaꞌ ya̱ sáꞌá ráa tiñu néꞌí, jín rá ñɨvɨ ya̱ sáꞌá tásɨ́, jín rá ñɨvɨ ya̱ kúsíkɨ́ iniꞌ ráa sáꞌá téní ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín rá ñɨvɨ ya̱ táꞌán iniꞌ ráa tu̱ꞌun túꞌún jee kátúꞌún ráa.

Apoclipsis 9:11

Jee íyó ɨɨn ya tátúníꞌ ya̱ kúñáꞌnú nu̱u̱nꞌ rátíꞌ. Kúvi‑i ɨɨn najiáꞌáꞌ kánéꞌén ya̱ kúmí‑i numaꞌ yukuán ya̱ ntu jínu nu̱u̱nꞌ kúnú‑u. Jee tu̱ꞌun káꞌánꞌ rá ñɨvɨ hebreo súví najiáꞌáꞌ vá ví Abadón, jee tu̱ꞌun káꞌánꞌ rá ñɨvɨ griego súví najiáꞌáꞌ vá ví Apolión.