Juan 8:33 - Mixteco del suroeste de Tlaxiaco Oaxaca

³³ Jee nna̱xiníkó ráa nu̱u̱nꞌ re̱ꞌ: ―Ichiyúkúnꞌ váji ne̱ nu̱u̱nꞌ Abraham kúvi ráníꞌ, jee ni ntu nkúvi kuitɨꞌ ránꞌ musúꞌ kéꞌen ñɨvɨ ya̱ yɨ́ꞌɨ́ ránꞌ xi̱ntíín ni ɨɨn ñɨvɨ. ¿Na̱ja vá kúvi kachiꞌ nú ya̱ kenta nakui̱ñɨ̱ꞌ núne rán rúja? ―nkachiꞌ ráa.

Juan 8:33 Iomraidhean Croise

Génesis 15:13

Jee nkachiꞌ Ndiosíꞌ nu̱u̱nꞌ Abram: ―Kuniꞌ nijia nú ya̱ rá ichiyúkúnꞌ ya̱ kene nu̱u̱nꞌ nú kuvi ráa to̱ꞌo̱ꞌ kuneeꞌ ráa inka ñuunꞌ ya̱ ntu kúvi ñuunꞌ ráa. Jee satíñú ráa nu̱u̱nꞌ rá ñɨvɨ ñuunꞌ vá jee kuvi ráa musúꞌ keꞌen ñɨvɨ, jee koto u̱ꞌvi̱ꞌ rá ñɨvɨ vá ráa ku̱mi̱ꞌ sientúꞌ (400) kui̱ya̱ꞌ.

Mateo 3:9

Jee saáva koto káchíꞌ rán iniꞌ ánímaꞌ rán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham.

Lucas 3:8

Jee saáva íyó saꞌá rán tiñu na̱a̱ꞌ váꞌa, ya̱ stúvi nijia rán ya̱ nna̱kani nijia iniꞌ rán nxi̱nóo rán tiñu niváꞌa. Jee suꞌva kuvi rán kuéntáꞌ yutun kúun ya̱ vixíꞌ váꞌa. Jee saáva koto káchíꞌ rán iniꞌ maárán: “[Ka̱ku ráníꞌ] chi jííꞌ yanaꞌán ránꞌ ví Abraham.” Chi káchíꞌ ni̱ꞌ nu̱u̱nꞌ rán ya̱ Ndiosíꞌ kuvi saꞌá re̱ꞌ ya̱ nuvi ne̱ rá yu̱u̱ꞌ yaꞌá sáva kuvi ráa tataꞌ se̱ꞌya Abraham, ya̱ kaníjiá ráa re̱ꞌ.

Juan 19:25

Jee yatin nu̱u̱nꞌ íñɨ́ kurúsiꞌ nu̱u̱nꞌ níntakaa Jesús íñɨ́ nánáꞌ re̱ꞌ, jín ku̱ꞌvi̱ꞌ nánáꞌ re̱ꞌ, jín María ya̱ kúvi ñasɨ́ꞌɨ́ Cleofas, jín María ñaꞌan ñuunꞌ Magdala.

Juan 8:37

Jíníꞌ ni̱ꞌ ya̱ ichiyúkúnꞌ kéne nu̱u̱nꞌ Abraham kúvi rán, soo sú sukuán íyó jee níꞌvɨ́ꞌ iniꞌ rán kaꞌniꞌ rán nuꞌuꞌ, chi ntu̱ví jiáꞌa rán ki̱vɨ tu̱ꞌun káchíꞌ ni̱ꞌ iniꞌ ánímaꞌ rán.

Juan 8:39

Jee nna̱xiníkó ráa jee nkachiꞌ ráa: ―Tátáꞌ jííꞌ yanaꞌán ránꞌ kúvi Abraham. Jee nkachiꞌ Jesús nu̱u̱nꞌ ráa: ―Retánꞌ kúvi nijia rán tataꞌ ichiyúkúnꞌ váji ne̱ nu̱u̱nꞌ Abraham jee yukuán jee saꞌá rán tiñu váꞌa kuéntáꞌ nsa̱ꞌá Abraham tiñu váꞌa nékúvi. [Soo ntu sáꞌá rán maa.]

Juan 8:43

¿Na̱ jie̱ꞌe̱ꞌ chi ntu̱ví jiáku̱ꞌun iniꞌ rán rá tu̱ꞌun káchíꞌ ni̱ꞌ rúja? Chi ntu̱ví kuíni rán chuꞌun soꞌo rán rá tu̱ꞌun káꞌánꞌ ni̱ꞌ.

Romanos 9:7

Ni nsú ntáká rá se̱ꞌya ichiyúkúnꞌ nkene nu̱u̱nꞌ Abraham kúvi nijia ráa se̱ꞌya re̱ꞌ. Chisaꞌ nkachiꞌ Ndiosíꞌ nu̱u̱nꞌ re̱ꞌ: “Nu̱u̱nꞌ se̱ꞌya nú Isaac kiji ráa ya̱ kuvi se̱ꞌya ichiyúkúnꞌ nú.”