Juan 8:12 - Mixteco del suroeste de Tlaxiaco Oaxaca

¹² Jee tukuni nkaꞌanꞌ Jesús jín rá ñɨvɨ, jee nkachiꞌ re̱ꞌ nu̱u̱nꞌ ráa: ―Nuꞌuꞌ ñuꞌunꞌ kúvi ni̱ꞌ nu̱u̱nꞌ rá ñɨvɨ ñɨ̱vɨ́ ya̱ stúúnꞌ ni̱ꞌ iniꞌ ánímaꞌ ráa, jee ɨɨn ñɨvɨ ya̱ níkɨ́nꞌ‑ɨ nuꞌuꞌ ntu̱né kaka‑a ñujiínꞌ nu̱u̱nꞌ neenꞌ, chisaꞌ kuꞌun ñuꞌunꞌ ya̱ stúúnꞌ ni̱ꞌ iniꞌ ánímaꞌ ñɨvɨ vá ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Juan 8:12 Iomraidhean Croise

Mateo 5:14

’Jee suni sukuán kúvi rán kuéntáꞌ nuva ñuꞌunꞌ túúnꞌ nu̱u̱nꞌ rá ñɨvɨ íyó ñɨ̱vɨ́ yaꞌá jie̱ꞌe̱ꞌ jiáꞌnu na̱a̱ꞌ va̱ꞌa rán. Jín suni kuéntáꞌ ɨɨn ñuunꞌ káꞌnú káá ne̱ xi̱ni̱ꞌ ɨɨn yuku, ya̱ ntu kúvi kɨse̱ꞌí‑i.

Lucas 2:32

Jee maáréꞌ kúvi ɨɨn ñuꞌunꞌ ya̱ stúúnꞌ re̱ꞌ iniꞌ antúníꞌ rá ñɨvɨ ya̱ ntu kúvi ñɨvɨ ñuunꞌ Israel, ya̱ stúvi‑i ya̱ naáꞌ nu̱u̱nꞌ ráa, jee saꞌá re̱ꞌ ya̱ viiꞌ kúñáꞌnú rá ñɨvɨ ñuunꞌ nú Israel, nkachiꞌ Simeón.

Juan 12:35

Saájee nkachiꞌ Jesús nu̱u̱nꞌ ráa: ―Nuꞌuꞌ, ya̱ kúvi ni̱ꞌ ñuꞌunꞌ túúnꞌ iniꞌ ánímaꞌ rán, jee yakuꞌ ni ka̱ꞌ ki̱vɨ̱ꞌ íyó kuneeꞌ ni̱ꞌ jín rán. Saáva kueꞌnu rán nu̱u̱nꞌ ñuꞌunꞌ vá ni túúnꞌ‑u iniꞌ ánímaꞌ rán, sáva nsáꞌ kenta kueꞌnu rán nu̱u̱nꞌ ñu̱neenꞌ ya̱ kúvi ya̱ niva̱ꞌa, chi ñɨvɨ ya̱ jiáꞌnu nu̱u̱nꞌ ñu̱neenꞌ ntu kútúníꞌ né ɨɨn ichi kɨ̱ꞌɨ̱nꞌ ráa.

Juan 12:36

Jee saáva ni nééꞌ ni̱ꞌ ka̱ꞌ jín rán, jee íyó kuneí iniꞌ rán nuꞌuꞌ, ya̱ kúvi ni̱ꞌ ñuꞌunꞌ nu̱u̱nꞌ rán, sáva kenta kuvi rán ñɨvɨ ya̱ jiáꞌnu rán nu̱u̱nꞌ ñuꞌunꞌ ―nkachiꞌ Jesús. Jee sáá nkuvi nkachiꞌ re̱ꞌ rá tu̱ꞌun yaꞌá, jee kua̱ꞌa̱nꞌ re̱ꞌ, jee nchi̱yuꞌuꞌ re̱ꞌ maáréꞌ nu̱u̱nꞌ ráa.

Juan 12:46

Jee nuꞌuꞌ, ya̱ kuvi ni̱ꞌ ñuꞌunꞌ ya̱ túún iniꞌ ánímaꞌ ñɨvɨ ñɨ̱vɨ́ yaꞌá, jee nkenta ni̱ꞌ iniꞌ ñɨ̱vɨ́ yaꞌá, sáva nta̱ká rá ñɨvɨ ya̱ kúneí iniꞌ ráa nuꞌuꞌ nsáꞌ kino̱o ráa kueꞌnu ráa nu̱u̱nꞌ ñu̱neenꞌ.

Juan 14:6

Jee nkachiꞌ Jesús nu̱u̱nꞌ‑u: ―Nuꞌuꞌ kúvi ni̱ꞌ ichi ya̱ nátuꞌva ñɨvɨ nu̱u̱nꞌ Ndiosíꞌ, jín nu̱u̱nꞌ nuꞌuꞌ va̱ji ya̱ naáꞌ, jín maáníꞌ ví ya̱ sáꞌá‑a ya̱ kutekuꞌ ñɨvɨ jín Ndiosíꞌ nɨ́ɨ́nkání. Ntu íyó inka ka̱ꞌ ichi ya̱ kenta ñɨvɨ nu̱u̱nꞌ Tátáꞌ ni̱ꞌ Ndiosíꞌ, chi métúꞌún nuꞌuꞌ ví‑i ya̱ sáꞌá ya̱ nkénta ñɨvɨ nu̱u̱nꞌ Ndiosíꞌ.

Juan 3:19

Jee suꞌva jíta ñɨvɨ. Maáréꞌ ya̱ kúvi kuéntáꞌ ñuꞌunꞌ ya̱ nkiji‑i iniꞌ ñɨ̱vɨ́ yaꞌá. Soo nñunu̱u̱nꞌ rá ñɨvɨ ñuunꞌ neenꞌ ya̱ kúvi tiñu niváꞌa nsú káꞌ ya̱ kúvi ñuꞌunꞌ vá, chi tiñu sáꞌá ráa ví ya̱ niváꞌa.

Juan 7:17

Jee retú na̱ni ñɨvɨ kuíni‑i saꞌá‑a tiñu ya̱ kuíni máá Ndiosíꞌ, jee kuniꞌ ñɨvɨ vá jie̱ꞌe̱ꞌ tu̱ꞌun káchíꞌ ni̱ꞌ, chi kuniꞌ‑i retú va̱ji ne̱ nu̱u̱nꞌ Ndiosíꞌ tu̱ꞌun káchíꞌ ni̱ꞌ, áxí retú va̱ji ne̱ nu̱u̱nꞌ nuꞌuꞌ.

Juan 9:5

Chi ni nééꞌ ni̱ꞌ nu̱u̱nꞌ ñɨ̱vɨ́ yaꞌá, jee ñuꞌunꞌ kúvi ni̱ꞌ nu̱u̱nꞌ rá ñɨvɨ ñɨ̱vɨ́ ya̱ nstúúnꞌ ni̱ꞌ iniꞌ ánímaꞌ ráa ―nkachiꞌ Jesús.

Hechos 13:47

Chi sukuán nta̱túníꞌ I̱toꞌoꞌ‑ó nu̱u̱nꞌ ránꞌ: Ñani ni̱ꞌ nó, sáva kúvi nú kuéntáꞌ ɨɨn ñuꞌunꞌ nu̱u̱nꞌ rá ñɨvɨ ntu kúvi Israel. Sáva stekútu̱ꞌún nú tu̱ꞌun ni̱ꞌ ne̱ nu̱u̱nꞌ nɨ́ꞌɨ ichi ñɨ̱vɨ́, jie̱ꞌe̱ꞌ na̱sa nanitáꞌvíꞌ ráa.

Hechos 26:23

Nkachiꞌ ráa ya̱ Cristo kunoꞌo re̱ꞌ ne̱ kuviꞌ re̱ꞌ. Jee xíꞌnañúꞌún re̱ꞌ ka̱ꞌ vá natekuꞌ i̱i̱ꞌ re̱ꞌ nteñu rá níꞌiꞌ. Jee stekútu̱ꞌún re̱ꞌ nu̱u̱nꞌ rá ñɨvɨ Israel jín rá ñɨvɨ inka nación, ya̱ kúvi nanitáꞌvíꞌ ráa. Suꞌva kuvi re̱ꞌ kuéntáꞌ ñuꞌunꞌ nu̱u̱nꞌ ráa ―nkachiꞌ Pablo.

2 Pedro 2:17

Jee kúvi ráa kuéntáꞌ kúvi ɨɨn nu̱u̱nꞌ kéne nute soo ntu íyó nute maa, jee suni kuéntáꞌ vi̱ko̱ꞌ yo̱ko̱ꞌ nute ya̱ xínéchi ta̱chi̱ꞌ xéénꞌ soo ntu kúun sa̱vi. Jee maáráa chi ya̱ íyó stákoo ɨɨn nu̱u̱nꞌ neenꞌ víꞌí kɨꞌɨ ráa nɨ́ɨ́nkání.

2 Pedro 2:4

Chi jie̱ꞌe̱ꞌ ya̱ ntu nnékáꞌnú iniꞌ Ndiosíꞌ nne̱ꞌyá re̱ꞌ rá najiáꞌáꞌ ííꞌ re̱ꞌ ya̱ nsa̱ꞌá ráa kua̱chi, chisaꞌ ntaanꞌ re̱ꞌ ráa nu̱u̱nꞌ ñuꞌunꞌ xéénꞌ ya̱ ntu jínu nu̱u̱nꞌ kúnú‑u jee yukuán yɨ́niꞌyuꞌ ráa nu̱u̱nꞌ ñu̱neenꞌ, jee núꞌníꞌ ráa jín cadena ka̱a nekuaꞌ kenta ki̱vɨ̱ꞌ ya̱ sanáaꞌ re̱ꞌ jie̱ꞌe̱ꞌ kua̱chi ráa.

1 Juan 1:6

Jee retú káchíꞌ‑ó ya̱ íyó ɨnuún iniꞌ‑ó jín re̱ꞌ, soo retú jiáꞌnu‑ó kuéntáꞌ nu̱u̱nꞌ neenꞌ, jee kátúꞌún‑ó, jee ntu̱ví sáꞌá‑ó sáni káchíꞌ tu̱ꞌun na̱a̱ꞌ.

Judas 1:13

Jee suni kúvi ráa kuéntáꞌ kúvi nteñúꞌún ya̱ jísóꞌ xe̱e̱nꞌ, jee síkéne‑e tiu̱u̱nꞌ téꞌén ya̱ kúvi mani tiñu niváꞌa ya̱ jiáꞌa tu̱nkánuun sáꞌá ráa. Chi kúvi ráa kuéntáꞌ rá tiu̱u̱nꞌ súkún ya̱ jíkónúun ráa. Soo ya íyó tu̱ꞌva nu̱u̱nꞌ íyó ñu̱neenꞌ kuneeꞌ rá ñɨvɨ vá nɨ́ɨ́nkání.

Judas 1:6

Jee suni ya jíníꞌ ránú na̱sa nsa̱ꞌá Ndiosíꞌ jín rá najiáꞌáꞌ ííꞌ re̱ꞌ sáá nxi̱nóo ráa tiñu níso ráa jee nxi̱nóo ráa ne̱ nu̱u̱nꞌ níyo ráa antivɨ́. Jee nchi̱niꞌyuꞌ re̱ꞌ ráa nu̱u̱nꞌ ñu̱neenꞌ, jee yukuán núꞌníꞌ ráa nɨ́ɨ́nkání nekuaꞌ kenta máá ki̱vɨ ñáꞌnú ya̱ sanáaꞌ re̱ꞌ ntáká tiñu.

Apoclipsis 21:24

Jee kakanuun rá ñɨvɨ ntáká nación nu̱u̱nꞌ nuva ñuꞌunꞌ re̱ꞌ váji ne̱ nu̱u̱nꞌ ñuunꞌ vá xtúúnꞌ‑u nu̱u̱nꞌ ñu̱ꞌún. Jee ntáká rá ñɨvɨ nísotíñú tátúníꞌ iniꞌ ñɨ̱vɨ́ ki̱vɨ ráa ñuunꞌ vá, yukuán kínaka ráa nantíñú yɨ́yáꞌvi ráa ya̱ stúvi ya̱ kúñáꞌnú ráa.