Juan 8:11 - Mixteco del suroeste de Tlaxiaco Oaxaca

¹¹ Jee nkachiꞌ ña: ―Ni ɨɨn ráa, kátáta. Saájee nkachiꞌ Jesús nu̱u̱nꞌ ña: ―Ni nuꞌuꞌ ntu síjíta ni̱ꞌ nó. ¡Kuáꞌán, jee koto sáꞌá nú ka̱ꞌ kua̱chi! ―nkachiꞌ Jesús.

Juan 8:11 Iomraidhean Croise

Lucas 13:3

Soo káchíꞌ ni̱ꞌ nu̱u̱nꞌ rán ya̱ ntu̱ví, chi retú ntu nákani iniꞌ rán xinóo rán kua̱chi rán, jee sunisaá kɨ̱naanꞌ ntáká rán.

Lucas 13:5

Soo káchíꞌ ni̱ꞌ nu̱u̱nꞌ rán ya̱ ntu̱ví, chi retú ntu nákani iniꞌ rán xinóo rán kua̱chi rán, jee sunisaá kɨ̱naanꞌ ntáká rán ―nkachiꞌ Jesús.

Lucas 15:10

Jee saáva nuꞌuꞌ káchíꞌ ni̱ꞌ nu̱u̱nꞌ rán ya̱ suni íyó tu̱ꞌun kúsɨ́ɨꞌ iniꞌ rá najiáꞌáꞌ ííꞌ Ndiosíꞌ jie̱ꞌe̱ꞌ ɨɨn ñɨvɨ kua̱chi retú nákani iniꞌ‑i jie̱ꞌe̱ꞌ kua̱chi sáꞌá‑a jee kunikɨnꞌ‑ɨ Ndiosíꞌ ―nkachiꞌ Jesús.

Lucas 15:32

Soo jíniñúꞌún ya̱ saꞌá viko yaꞌá vitan jee nusɨ̱ɨ̱ꞌ iniꞌ‑ó, chi ñaniꞌ nú yaꞌá kuéntáꞌ níꞌiꞌ‑i, jee nna̱tekuꞌ‑u, chi nsu̱kuíta ni̱ꞌ maa, jee vitan nna̱niꞌinꞌ ni̱ꞌ maa”, nkachiꞌ tátáꞌ‑a ―nkachiꞌ Jesús.

Lucas 15:7

Chi máá naáꞌ vá káchíꞌ ni̱ꞌ nu̱u̱nꞌ rán ya̱ suni sukuán saꞌ víꞌí káꞌ íyó tu̱ꞌun kúsɨ́ɨꞌ iniꞌ ne̱ antivɨ́ nu̱u̱nꞌ íyó Ndiosíꞌ, jie̱ꞌe̱ꞌ ɨɨn ñɨvɨ íyó kua̱chi retú nna̱kani iniꞌ‑i jie̱ꞌe̱ꞌ kua̱chi sáꞌá‑a jee kunikɨnꞌ‑ɨ Ndiosíꞌ, nsú káꞌ ya̱ kúmíxiko xa̱ꞌu̱nꞌ ku̱mi̱ꞌ (99) rá ñɨvɨ na̱a̱ꞌ ya̱ ntu jíniñúꞌún nakani iniꞌ‑i.

Lucas 5:32

Nsáꞌ váji ni̱ꞌ kana ni̱ꞌ rá ñɨvɨ na̱a̱ꞌ ki̱vɨ ráa nu̱u̱nꞌ Ndiosíꞌ, chisaꞌ va̱ji ni̱ꞌ kana ni̱ꞌ rá ñɨvɨ íyó kua̱chi sáva nakani iniꞌ ráa jee ki̱vɨ ráa naꞌá Ndiosíꞌ ―nkachiꞌ Jesús.

Lucas 9:56

Chi nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, nsáꞌ váji ni̱ꞌ xináánꞌ ni̱ꞌ rá ñɨvɨ, chisaꞌ va̱ji ni̱ꞌ sáva síkáku ni̱ꞌ rá ñɨvɨ ―nkachiꞌ re̱ꞌ.] Saájee kua̱ꞌa̱nꞌ re̱ꞌ jín ráa inka ka̱ꞌ ñuunꞌ.

Juan 18:36

Saájee Jesús nna̱xiníkó‑o: ―Tiñu níso ni̱ꞌ ya̱ tátúníꞌ ni̱ꞌ jee ntu kéne‑e nu̱u̱nꞌ ñɨ̱vɨ́ yaꞌá. Chi retánꞌ nu̱u̱nꞌ ñɨ̱vɨ́ yaꞌá kéne tiñu níso ni̱ꞌ tátúníꞌ ni̱ꞌ, saájee rá ñɨvɨ yɨ́ꞌɨ́ xi̱ntíín ni̱ꞌ kantáꞌán ráa jee nama ráa nuꞌuꞌ sáva nkúꞌva ráa nuꞌuꞌ xi̱ntíín rá te̱e kúñáꞌnú nu̱u̱nꞌ Israel. Soo tiñu níso ni̱ꞌ tátúníꞌ ni̱ꞌ nsáꞌ kéne nu̱u̱nꞌ ñɨ̱vɨ́ yaꞌá ―nkachiꞌ Jesús.

Juan 3:17

Chi nsáꞌ nta̱jí Ndiosíꞌ Se̱ꞌya re̱ꞌ iniꞌ ñɨ̱vɨ́ yaꞌá sáva sijíta re̱ꞌ rá ñɨvɨ ñɨ̱vɨ́, chisaꞌ nta̱jí re̱ꞌ Se̱ꞌya re̱ꞌ sáva saꞌá re̱ꞌ ya̱ sikáku Se̱ꞌya re̱ꞌ ráa sáva ntu síjíta re̱ꞌ ráa jie̱ꞌe̱ꞌ kua̱chi ráa.

Juan 5:14

Jee sáá njia̱ꞌa rá tiñu yukuán jee nna̱ketáꞌán Jesús re̱ꞌ chíkéꞌi iniꞌ veñu̱ꞌun káꞌnú, jee nkachiꞌ Jesús nu̱u̱nꞌ re̱ꞌ: ―Kune̱ꞌyá, chi ya̱ nnuvi va̱ꞌa nú. Jee koto sáꞌá nú ka̱ꞌ kua̱chi, sáva nkíji inka ka̱ꞌ tu̱nóꞌó manéátúꞌún kunoꞌo nú ―nkachiꞌ Jesús.

Juan 8:15

Ránoꞌó chi sánáaꞌ rán jie̱ꞌe̱ꞌ tu̱ꞌun káꞌánꞌ ni̱ꞌ sáni jiáni iniꞌ rá ñɨvɨ yɨkɨkúñu. Soo nuꞌuꞌ chi ntu sánáaꞌ ni̱ꞌ si̱kɨ̱ꞌ ni ɨɨn ñɨvɨ.

Romanos 2:4

Áxí, ¿á kúníichiꞌ nú ya̱ ntántúníꞌ ñunkúún iniꞌ Ndiosíꞌ noꞌó jín ya̱ jiéꞌnéꞌ xá iniꞌ re̱ꞌ jín ya̱ káꞌnú xá iniꞌ re̱ꞌ néꞌyá re̱ꞌ noꞌó? ¿Á ntu jíníꞌ nú ya̱ ñunkúún iniꞌ re̱ꞌ noꞌó sáva nachuꞌun re̱ꞌ ichi noꞌó nakani iniꞌ nú nu̱u̱nꞌ kua̱chi nú, résa?

1 Corintios 5:12

Chi, ¿á tiñu nuꞌuꞌ kúvi ya̱ sánáaꞌ ni̱ꞌ keꞌneꞌ ni̱ꞌ kua̱chi si̱kɨ̱ꞌ ñɨvɨ ya̱ ntu̱ví yɨ́ꞌɨ́ ráa naꞌá Ndiosíꞌ nu̱u̱nꞌ yɨ́ꞌɨ́‑ó rúja? Ntu̱ví chi maá Ndiosíꞌ ví ya̱ sanáaꞌ keꞌneꞌ kua̱chi jie̱ꞌe̱ꞌ rá ñɨvɨ ya̱ ntu̱ví yɨ́ꞌɨ́ naꞌá re̱ꞌ. Soo ránoꞌó ví ya̱ sanáaꞌ keꞌneꞌ kua̱chi jie̱ꞌe̱ꞌ rá táꞌán nteñu rán ya̱ yɨ́ꞌɨ́ ráa naꞌá Cristo. Saáva íyó tavaꞌ rán te̱e néꞌí vá nteñu rán.

2 Pedro 3:15

Jee tɨɨn kuéntáꞌ rán ya̱ kúkuéé I̱toꞌoꞌ‑ó niji re̱ꞌ jie̱ꞌe̱ꞌ ya̱ káꞌnú íyó iniꞌ re̱ꞌ néꞌyá re̱ꞌ rá ñɨvɨ sáva koo ka̱ꞌ tiempúꞌ nakunikɨnꞌ rá ñɨvɨ ka̱ꞌ ichi re̱ꞌ sáva natavaꞌ re̱ꞌ ráa nu̱u̱nꞌ kua̱chi ráa nanitáꞌvíꞌ ráa. Jee suni sukuán ntee ñaniꞌ‑ó Pablo ya̱ ñúnúunꞌ‑ó nu̱u̱nꞌ rá tutuꞌ nu̱u̱nꞌ ránoꞌó sánikua̱ꞌ tu̱ꞌun níchí njia̱ꞌa Ndiosíꞌ nu̱u̱nꞌ re̱ꞌ.