Juan 7:42 - Mixteco del suroeste de Tlaxiaco Oaxaca

⁴² Chi, ¿á ntu káchíꞌ nu̱u̱nꞌ Tutuꞌ níso Tu̱ꞌun Ndiosíꞌ ya̱ kaku Cristo nu̱u̱nꞌ tataꞌ ichiyúkúnꞌ váji ne̱ nu̱u̱nꞌ David, jee te̱e ñuunꞌ Belén kuvi re̱ꞌ, nu̱u̱nꞌ kúvi ñuunꞌ nu̱u̱nꞌ nneeꞌ David ne̱ yanaꞌán rúja? ―nkachiꞌ rá ñɨvɨ vá.

Juan 7:42 Iomraidhean Croise

Mateo 1:1

Yaꞌá ví rá súví rá ñɨvɨ tataꞌ ichiyúkúnꞌ yanaꞌán nu̱u̱nꞌ nkiji Jesús nkaku re̱ꞌ, ya̱ nísotíñú re̱ꞌ ya̱ kúvi re̱ꞌ máá Cristo [ya̱ ñani Ndiosíꞌ re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa]. Jee kúvi Jesús nu̱u̱nꞌ tataꞌ ichiyúkúnꞌ nkene nu̱u̱nꞌ David jee nu̱u̱nꞌ tataꞌ ichiyúkúnꞌ váji nu̱u̱nꞌ Abraham.

Mateo 2:5

Jee nkachiꞌ ráa: ―Nu̱u̱nꞌ ñuunꞌ Belén, ya̱ yɨ́ꞌɨ́‑ɨ xi̱ntíín ñuꞌun Judea. Chi sukuán ntee te̱e nna̱kani tu̱ꞌun nkene yuꞌú máá maá Ndiosíꞌ yanaꞌán, sáá nkáchíꞌ Ndiosíꞌ:

Mateo 2:6

Noꞌó, ñuunꞌ Belén, ya̱ káá‑a nu̱u̱nꞌ ñuꞌun Judea, ntu núun ka̱ꞌ kúñáꞌnú nú nteñu rá kúñáꞌnú ya̱ tátúníꞌ ráa rá ñuunꞌ Judea, chi nu̱u̱nꞌ nú kene ɨɨn te̱e ya̱ tatúníꞌ re̱ꞌ, ya̱ kunaka re̱ꞌ rá ñɨvɨ ni̱ꞌ ya̱ kúvi ráa ñɨvɨ Israel, káchíꞌ nu̱u̱nꞌ Tutuꞌ Ííꞌ ―nkachiꞌ ráa nu̱u̱nꞌ Herodes.

Lucas 2:11

Chi vitan jee nkaku ɨɨn te̱e ya̱ natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó ya̱ kúvi re̱ꞌ Cristo ya̱ kúvi re̱ꞌ I̱toꞌoꞌ‑ó, jee nkaku re̱ꞌ nu̱u̱nꞌ ñuunꞌ Belén ya̱ kúvi ñuunꞌ nkaku David.

Lucas 2:4

Jee suni José ranika̱ꞌ nkene re̱ꞌ ñuunꞌ Nazaret ɨɨn rá ñuunꞌ Galilea, jee kua̱noꞌonꞌ re̱ꞌ ñuunꞌ yɨ́ꞌɨ́ xi̱ntíín Judea, naní Belén, ya̱ kúvi ñuunꞌ nu̱u̱nꞌ nkaku David jííꞌ re̱ꞌ yanaꞌán. Chi kúvi re̱ꞌ se̱ꞌya ichiyúkúnꞌ va̱ji nu̱u̱nꞌ David.

Juan 7:27

Soo te̱e yaꞌá, chi jíníꞌ‑ó né núꞌ va̱ji re̱ꞌ. Soo Cristo chi sáá kiji‑i jee ni ɨɨn ñɨvɨ nsáꞌ kuniꞌ ráa né núꞌ kiji‑i ―nkachiꞌ rá ñɨvɨ vá.