Juan 7:35 - Mixteco del suroeste de Tlaxiaco Oaxaca

³⁵ Saájee rá te̱e kúñáꞌnú nu̱u̱nꞌ rá ñɨvɨ Israel jíkátu̱ꞌún táꞌán ráa, jee káchíꞌ ráa: ―¿Né núꞌ kúvi nu̱u̱nꞌ kɨ̱ꞌɨ̱nꞌ te̱e yaꞌá, ya̱ nsáꞌ naniꞌinꞌ‑ó maa rúja? ¿Á nsáꞌ kɨ̱ꞌɨ̱nꞌ re̱ꞌ nu̱u̱nꞌ nééꞌ rá táꞌán ñuunꞌ‑ó ya̱ kua̱ꞌa̱nꞌ ráa ñe̱te̱nuun ráa nééꞌ ráa rá ñuunꞌ Grecia? Jee, ¿á kɨ̱ꞌɨ̱nꞌ re̱ꞌ sukuáꞌa re̱ꞌ rá ñɨvɨ ñuunꞌ Grecia vá?

Juan 7:35 Iomraidhean Croise

Mateo 12:21

Jee rá ñɨvɨ ntáká nación koo tu̱neí iniꞌ ráa re̱ꞌ kunetu ráa ya̱ saꞌá re̱ꞌ ya̱ kutekuꞌ ráa jín Ndiosíꞌ, nkachiꞌ Ndiosíꞌ, sukuán ntee Isaías.

Lucas 2:32

Jee maáréꞌ kúvi ɨɨn ñuꞌunꞌ ya̱ stúúnꞌ re̱ꞌ iniꞌ antúníꞌ rá ñɨvɨ ya̱ ntu kúvi ñɨvɨ ñuunꞌ Israel, ya̱ stúvi‑i ya̱ naáꞌ nu̱u̱nꞌ ráa, jee saꞌá re̱ꞌ ya̱ viiꞌ kúñáꞌnú rá ñɨvɨ ñuunꞌ nú Israel, nkachiꞌ Simeón.

Juan 12:20

Jee íyótúníꞌ ni ñɨvɨ íyó ya̱ kúvi ñɨvɨ ñuunꞌ Grecia ya̱ kuáꞌánꞌ ráa viko nu̱u̱nꞌ ñuunꞌ Jerusalén, sáva kuneñu̱ꞌun ráa Ndiosíꞌ.

Juan 7:1

Jee sáá njia̱ꞌa rá yaꞌá, jee Jesús jíkanuun re̱ꞌ ichi ñuunꞌ Galilea, chi ntu̱ví kuíni re̱ꞌ kakanuun re̱ꞌ ñuunꞌ Judea. Chi rá te̱e kúñáꞌnú nu̱u̱nꞌ rá ñɨvɨ Israel níꞌvɨ́ꞌ iniꞌ ráa kaꞌniꞌ ráa re̱ꞌ.

Juan 8:22

Saájee rá te̱e kúñáꞌnú nu̱u̱nꞌ rá ñɨvɨ Israel nkachiꞌ ɨɨn inka ráa: ―¿Á kaꞌniꞌ máá te̱e yaꞌá maáa, ya̱ káchíꞌ‑i ya̱: “Nsáꞌ kuvi kɨ̱ꞌɨ̱nꞌ rán nu̱u̱nꞌ kɨ̱ꞌɨ̱nꞌ ni̱ꞌ kuneeꞌ ni̱ꞌ”? ―nkachiꞌ ráa.

Hechos 11:18

Jee sáá nteso̱ꞌo ráa tu̱ꞌun yaꞌá, ña̱kui̱ñɨ̱ꞌ ráa ya̱ kántátúꞌun ráa, jee nna̱kuetúꞌún ráa Ndiosíꞌ: ―I̱ña̱jée suni Ndiosíꞌ jiáꞌa ya̱ rá ñɨvɨ, ya̱ ntu kúvi Israel, nakani iniꞌ ráa jie̱ꞌe̱ꞌ ichi jiáꞌnu ráa, sáva ki̱vɨ ráa nu̱u̱nꞌ re̱ꞌ, sáva kutekuꞌ ráa nɨ́ɨ́nkání jín re̱ꞌ.

Hechos 11:20

Soo sava ráa kúvi te̱e Chipre jín ñuunꞌ Cirene, jee sáá nkenta ráa nu̱u̱nꞌ ñuunꞌ Antioquía jee suni nste̱kútu̱ꞌún ráa jie̱ꞌe̱ꞌ I̱toꞌoꞌ‑ó Jesús nu̱u̱nꞌ rá ñɨvɨ ntu kúvi Israel.

Hechos 14:1

Jee sukuán nkuvi ñuunꞌ Iconio, jee nki̱vɨ nkáá Pablo jín Bernabé veꞌi sinagoga nu̱u̱nꞌ kútútú rá ñɨvɨ Israel súkuáꞌa ráa Tu̱ꞌun Ndiosíꞌ. Jee va̱ꞌa túníꞌ nkaꞌanꞌ ráa tu̱ꞌun jie̱ꞌe̱ꞌ Jesús, ya̱ ni̱nu̱ꞌ iniꞌ kue̱ꞌe̱ꞌ víꞌí rá ñɨvɨ Israel jín suni rá ñɨvɨ ntu kúvi Israel.

Hechos 17:4

Kéꞌín ráa ni̱nu̱ꞌ iniꞌ jee nna̱sikánitáꞌán ráa maáráa jín Pablo jín Silas. Jee suni sukuán nsa̱ꞌá kue̱ꞌe̱ꞌ rá ñɨvɨ ntu kúvi Israel, ya̱ nééñuꞌun ráa Ndiosíꞌ, jín kue̱ꞌe̱ꞌ rá ñaꞌan kúñáꞌnú.

Hechos 18:4

Jee ta ki̱vɨ̱ꞌ nájiáví, jiáꞌánꞌ‑a nkua̱yuꞌú‑u iniꞌ veꞌi sinagoga nu̱u̱nꞌ kútútú rá ñɨvɨ Israel. Nnu̱nasɨ́‑ɨ nsi̱ínúꞌ‑u iniꞌ rá ñɨvɨ Israel jín suni rá ñɨvɨ griego sáva tɨɨn ráa tu̱ꞌun Jesús.

Hechos 21:21

Íyó rá ñɨvɨ káchíꞌ nu̱u̱nꞌ ráa, ya̱ xínéꞌénꞌ nú nɨꞌɨ rá ñɨvɨ Israel, ya̱ nééꞌ inka rá país, ya̱ íyó xinóo ráa tu̱ꞌun ley njia̱ꞌa Ndiosíꞌ nu̱u̱nꞌ Moisés, jee ya̱ koto sáꞌá circuncidar ráa rá se̱ꞌya ráa, ya̱ nsáꞌ níso ráa seña Ndiosíꞌ nu̱u̱nꞌ yɨkɨkúñu ráa.

Hechos 22:21

Jee I̱toꞌoꞌ‑ó nkachiꞌ nu̱u̱nꞌ ni̱ꞌ: “Kuáꞌán, chi tají íká ni̱ꞌ nó nu̱u̱nꞌ rá inka nación ya̱ ntu kúvi Israel”, sukuán nkachiꞌ I̱toꞌoꞌ‑ó ―nkachiꞌ Pablo.

Romanos 1:16

Chi ntu̱ví kúkanuun ni̱ꞌ jie̱ꞌe̱ꞌ tu̱ꞌun váꞌa Jesús, chi kúvi tu̱ꞌun vá fuersáꞌ ííꞌ Ndiosíꞌ sáva nátavaꞌ re̱ꞌ ntáká ñɨvɨ ya̱ kúneí iniꞌ ráa tu̱ꞌun vá nu̱u̱nꞌ kua̱chi ráa xinánitáꞌvíꞌ re̱ꞌ ráa, xíꞌnañúꞌún rá ñɨvɨ Israel jee suni rá ñɨvɨ ntu kúvi Israel.

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Colosenses 1:27

Jee nkuini iniꞌ re̱ꞌ ya̱ sikúkáꞌnú re̱ꞌ iniꞌ ráa, ya̱ na̱ ka̱ꞌ viiꞌ kúñáꞌnú yɨ́yáꞌvi ka̱ꞌ ví ya̱ váꞌa, ya̱ níso tu̱ꞌun yuꞌuꞌ yaꞌá, ya̱ jiáꞌa re̱ꞌ nu̱u̱nꞌ rá ñɨvɨ ntu kúvi Israel. Tu̱ꞌun yaꞌá kúvi ya̱ yɨ́ꞌɨ́ Cristo iniꞌ ánímaꞌ rán. Jee saáva íyó tu̱ꞌun neí iniꞌ‑ó ya̱ kuneeꞌ‑ó nɨ́ɨ́nkání jín re̱ꞌ, ya̱ nu̱u̱nꞌ viiꞌ nasɨ́kuitɨꞌ ví‑i.

1 Timoteo 2:7

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ ya̱ nsa̱ꞌá Cristo, jee sáva kunisotíñú ni̱ꞌ tiñu apóstol. Ya̱ nááꞌ ví ya̱ káchíꞌ ni̱ꞌ, jee ntu̱ví kátúꞌún ni̱ꞌ. Ñani re̱ꞌ nuꞌuꞌ sáva xinéꞌénꞌ ni̱ꞌ rá ñɨvɨ ntu kúvi Israel tu̱ꞌun nááꞌ Ndiosíꞌ, jín ya̱ íyó kuneí iniꞌ ráa Cristo.

2 Timoteo 1:11

Jee ñani Ndiosíꞌ nuꞌuꞌ sáva stekútu̱ꞌún ni̱ꞌ tu̱ꞌun váꞌa vá. Jee sáva kunisotíñú ni̱ꞌ tiñu apóstol ya̱ chúichí Cristo, jín ya̱ kúvi ni̱ꞌ ɨɨn mestrúꞌ ya̱ xínéꞌénꞌ ni̱ꞌ [rá ñɨvɨ ntu kúvi Israel] tu̱ꞌun váꞌa vá.

Santiago 1:1

Maáníꞌ Jacobo, ya̱ kúvi ni̱ꞌ musúꞌ Ndiosíꞌ jín I̱toꞌoꞌ‑ó Jesús ya̱ níso re̱ꞌ tiñu Cristo, ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ, tée ni̱ꞌ tutuꞌ yaꞌá nu̱u̱nꞌ ránoꞌó ya̱ kúneí iniꞌ Jesús, ya̱ kúvi rán sava ni uxúꞌ u̱vi̱ꞌ (12) rá tataꞌ ichiyúkúnꞌ nkene rán nu̱u̱nꞌ Israel, ya̱ ñéte̱nuun nu̱u̱nꞌ ñɨ̱vɨ́ yaꞌá. Tájí ni̱ꞌ tu̱ꞌun káva̱ꞌa nu̱u̱nꞌ rán.

1 Pedro 1:1

Nuꞌuꞌ Pedro níso ni̱ꞌ tiñu apóstol chúichí Jesús nuꞌuꞌ. Níso re̱ꞌ tiñu Cristo ya̱ chúichí re̱ꞌ nuꞌuꞌ sáva stékútu̱ꞌún ni̱ꞌ tu̱ꞌun re̱ꞌ. Tée ni̱ꞌ tutuꞌ yaꞌá kua̱jiááꞌ nu̱u̱nꞌ ránoꞌó ñɨvɨ ya̱ nka̱ji Ndiosíꞌ ya̱ kúvi rán to̱ꞌo̱ꞌ inka ñuunꞌ ñe̱te̱nuun rán nééꞌ rán nu̱u̱nꞌ rá ñuunꞌ Ponto, Galacia, Capadocia, Asia jín Bitinia.